Analysis Services
السلام عليكم خواتي

حبيت اوضح نقطه ظروريه للاخوات علشان ما يظنون اني قاعده العب بالاسعار
خواتي انا كملت اكثر من سنه معاكم والحمدلله وما صادفتني مشاكل مع البنات الا بسيطه جدا ونادره واغلبها في موضوع الشحن لخارج الامارات
والحين خواتي بغيت اوضح لكم نقطه مهمه
انا طرحت موضوع كريم الدير ماكول نظرا لان الكثير من الاخوات طلبن مني ها الشي وبما ان شفت الطلب زاد عليه قلت بوفره للبقيه بالمره
خواتي اول شي اعلموا ان فايدتي في اتجاره تكون بنسبه قليله جدا ولو اقولكم عنها بتقولولي وقفي تجارتج احسن
فبعض الاخوات يطلبون مجموعه ويطالون بتخفيض المبلغ وما يراعون ان لو يروحون السوق بيحصلون اغلى من جذي وبحكم ان اييب الاغراض بالجمله والحمدلله اكون ضامنه انها بتمشي واعرف ان العميله ما بتاخذ من عندي الابالمجموعه فاييبها واعرضها باقل الاسعار
خواتي برجع للموضوع
الكريم الحرمه يايبتنه في كرتون وكله محطوط في حزمه وحده وتبيعها على الصوالين وبما ان الصوالين ياخذون بالدرجات كلها فتعطيهم بسعر الكرتون اللي هو 15 درهم واتحدى اي وحده بتييبه باقل من ها السعر وانتو عارفين بكم ينباع
ويوم عرضته على البنات قاموا يطلبون مني درجات معينه يعني الحرمه لازم تفتح الكرتون اللي مسكر وتطلع الدرجات اللي طلبتوها وبجذي محد بيشتري بقية الدرجات
فقلتلها عطيني الدرجات حتى لو ندفع اكثر قالت مب مشكله عطوني 25 ع الاقل اكون ظامنه انه ما بخسر فيهم واتفقت وياها ان اعرض الكرتون ب15 درهم يكون للحبه وطلع الكرتون ب180 درهم درجات مشكله 12 حبه
وطلع ان لو انتي تختارين 12 حبه من كل درجه معناته انها بتفتح كل كرتون وبتطلع الدرجات وبجذي تكون خسرت كم كرتون علشان توفر الدرجه اللي تطلبينها حتى لو كانت درزن
ارجو ان الصوره تكون واااااااضحه
ارجع واقول
الكرتونه مختلفه جاهزه تي من عند الحرمه من دون ما تنفتح 180 درهم
اذا تبين تختارين 12 حبه بس انتي اللي تحددي الدرجات الحبه ب25 درهم

والدرجات موجوده كلللها
وخواتي اذا رحتو للاخوات الثانيات يبيعن الحبه ب50 درهم وانا ب25 فمنو الارخص؟؟
انتي اختاري وحددي التاجره اللي تفضلينها واتمنى تكون الصوره وضحت
والاخوات اللي طلبن بالخميس بتطلع طلبياتهن واشكر تفهمهم لي
واللي ما طلبن باجر اخر يوم او تنتظر الخميسالياي لين ما نرسل طلبها
وانا حاظره اتمنى تكون الصوره واضحه :::::::::: واشكر الجميع لتعاونهم معاي وسعة صبرهم علي

ملاحظه خواتي
انا اتواجد للرد على الهاتف بعد الساعه الثانيه والنصف واذا ما رديت طرشي مسج
20-02-1427 هـ, 09:46 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
أوكيه اليوم بتصل 3الظهر
20-02-1427 هـ, 10:13 صباحاً
 
شكرا حبيبتي
20-02-1427 هـ, 10:18 صباحاً
 


الساعة الآن 02:48 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏