قل احترام الرجال للنساء او نقول تقديرهم للحريم.
يعني مثلا تكونين بمحل اومستوصف يجي يأخذ مكانك وكأنه مو شايفك؟!
هذولا يبغالهم زبيريه تمحط على روسهم ،شي يرفع الضغط كانك نكره وهو عنتر زمانه.فعلا ناس ينقصهم الذوق ،يعني عشاني محترمه وساكته ياخذون دوري معصي؟
مره كنا بالطياره والرحله خلصت والناس تنزل وفيه حرمه اجنبيه تبغى تنزل اغراضها من الدرج اللي فوق المقعد والناس مو معطتها فرصه _كأنهم لو انتظروا شوي ماراح ينزلون_ المهم واحد لاحظها لما جاء وقت خروجه جاب لها اغراضها وخلاها تطلع قبله.
الصراحه احترمته هاي المراجل مو الترزز والتميلح!
وباقي المظاهر البنات مايقصرون
وان كانت تضيق صدري قل الرقابه والثقه المفرطه في الشباب من الجنسين.
كذلك انتشار الحسد بشكل غير معقول

كثيره من بعضها :
1- اللي مايسمع اغاني ولا يشوف دش معقد ..ملتزم ودين (الله المستعان)
2- اللي ماعندها شغالة وينها وين النظافة...
3- اللي حالته المادية ممتازة يحترم ويقدر وعيب ماسلمنا عليه لو هو ابعد الابعدين..واللي اقرب الاقربين وحالته المادية عادية ماعندنا وقت ..ما نفضى..
4- حب المظاهر..حب المظاهر...حب المظاهر...
5- تشوف الاب ملتزم او الام ملتزمة وماعليه من باقي اسرته.(انانية)..يسوون اللي يبون..
6- اللي ماتلبس بنطلون وكت مي متحضرة...

اشياء كثيرة ...بس عادماانعطي وجه...

ما قصرتي حبوبه على الموضوع
والله الظواهر اللي بمجتمعاتنا ما تنعد ولا تحصى
يعني البنات اللي ينقال لهم محجبات الحمدالله والشكر المكياج واللبس اللهم
يا كافي يعني تشوفين اشياء لا حول ولا قوة الا بالله
محجبه وهالله هالله وبرمودا وين صارت هاذي ولا البلايز اللي يلبسنهم ضيقات كانهن
داهنات نفسهن بفازلين استغفر الله وقدام الرياجيل ياربيه
والله انا اقوول ان اهله يدرون عنهن لكن ما فيه غيره وانا اللي يغثني يعني برمضان
شهر الطاعه وهن لبسهن يعني الناس وينهم وين التعبد مالت عليهن بس
والله هاذي المناظر والاشكال تؤدي الى المفاسد والانحطاط
يالله الله الهادي
ما قصرتي حبوبه على الموضوع
سلام

الظاهرة التي اتمنى زوالها الابتعاد عن الاسلام وتعاليمه

التدخل في شؤون الاخرين حتى لو كانوا اقرب الاقربيني

المظاهر
النفاااق
الغيبه
واكره ماعلى قلبي الي تبتسم في وجهك وتقطع فيك من وراك