مرحبا

بنات بغيت اسألكم انا ودي ارسل اغراض الى بنات من قطر والبحرين لكن ماادري وش شركات الشحن اللي اسعارها مناسبة وتشحن برى ؟؟
لأن ودي اشحن كريمات وزيوت واخاف مع البريد الممتاز يصير فيها شي مع ان العلب بلاستيك بس اذا مع الارامكس اللي جربتهم مرة وصلتني علبة مكسورة وهي بلاستيك فكيف البريد الممتاز !
وكلمت الارامكس باشوف كم سعر الشحن الى البحرين وكان مبلغ وقدره

ياليت تساعدوني واكون لكم شاكره

تحياتي
21-02-1427 هـ, 02:51 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله ياقلبي أنا ماأثق بالبريد السعودي الممتاز لازم يفتشون ودائماً الاغراض توصل ناقصه, سبحان الله حسب إللي مستلم .

بالنسبه للأرامكس أسعاره غاليه حاله حال أي شركة إكسبريس , ولكن أنا أتعامل معهم أفضل لي , وإن كان عندك أشتراك معهم راح يصلحونلك ديسكاوند بسيط.

لكن بما إنه زيت أنصحك تغلفينه زين زين , يعني كل علبه لفيها بجريده عشان ماتتكسر , ورصيهم جنب بعض وعبي الكرتون جرايد وفلين , عشان لو حطوا كرتون فوقه ماينضغط كرتونك وتنكسر علب الزيت , وأنقليه عبر أي شركة نقل خاصه , وبما إنك بالشرقيه أعتقد عندكم النقل البحري , دائماً النقل البحري أرخص الوسائل بس عيبه يتأخر , لو كنتِ بالرياض ممكن أعطيك شركات نقل تدقين عليهم وتسألينهم .

دقي عالسنترال وقوليلهم عطوني شركات نقل دولي ؟؟ وأهم شيء أهتمي كم لازم يكون وزن الكرتون ؟؟ وهل فيه ضمانات ؟؟ والسعر المناسب لك إختاريه .


أتمنى أكون أفدتك , وبالتوفيق لك إن شاء الله .
21-02-1427 هـ, 03:49 مساءً
 
مرحبا

مشكورة اختي العزيزة على الرد الوافي
والبريد الممتاز مثل ماقلتي لازم يفتشون ,, تصدقي صار لي اسبوعين طالبة ( كريم من منتجات دكتور بيوتي ) من بنت من مصر والى الآن ماوصلني
لما راجعنا البريد الممتاز الا يقولون اخذوه للجمارك يحللونه !!
مسخرة من جد

عموماً تسلمين يالغلا شكله مالنا الا الارامكس

تحياتي
24-02-1427 هـ, 02:21 صباحاً
 


الساعة الآن 09:52 .