هلا خواتي هذا الموضوع عرضته سابقا بس طلب مني اعادة كتبابته بالتفاصيل وانا اضفت من عندي بعض الصور للتوضيح

المشروع بالصور بعضها تصاميم وبعضها طبق:

1.

2.

3.

4.


هلا خواتي حبيت في البدايه ان اقول اشكر لكم التفاعل واتمنى ان تجدون ضالتكم في موضوعي .
في البداية حبيت اعطيكم فكرة عن نفسي انا انسانه عندي افكار وكثير من الناس تشهد لي بهل الشي وفي كذا مره ساعدة ناس حتى يبتدون تجارتهم والحمدلله وفقهم الله زميلة لي فتحت محل والاخرى الحين راح تفتح وكلهم في بتيهم فبديت افكر اساعد الناس واستفيد انا بعد من هل الشي بس يشهد الله ان استفادتي راح تكون قليلة مقارنه مع الشغل اللي راح اسويه.


في البدايه مثل ما ذكرت ان المشروع راح يكون منزلي تماما . واللي هو بساطه تجارة عبي الاعراس والحفلات حتى نبتعد عن الشبهه. وراح يكون في البيت ومن امثلة عندنا
ابتسام الدرمكي في بيتها
ام سعود في بيتها
نجلاء غانم في بيتها
مريم الحمادي في بيتها

راح تتسالين ليش في بيوتهم؟
الاجابه بسيطه:1. لانهم ربات بيوت وما يقدرون يديرون محل لانهم بهل الحاله راح يخسرون اهلهم او يخسرون التجاره .
2.وثاني شي تجارة البيت تربحهم من عدة طرق اول شي ما تضطرين تدفعين ايجار

3.وهم ما تتعرضين للسرقه من العمال وبعدين يشرد بالبيزات

المهم اكثر اللي فتحن مشروع سونه في ملحق خاص برع البيت وما يستقبلن الزبائن الا بمواعيد وبعد العصر فجي راح تحسين براحه اكثر وتكونين مشرفه على مشروعج.



عادة يوم تفكرين ان تاجرين في شي تظهر عندج عدة مشكلات تفكرين فيها وبأذن الله راح احاول اساعدج :

1. اول مشكله راح تواجهج هي فكرة المشروع نفسها أي تفكرين انا بشو ابى اتاجر ؟ وهل راح ينجح هل المشروع؟ من باب خبرتي في السوق اقولج بأذن الله راح ينجح بس لو اتبعتي الخطوات الصحيحه لان هل المشروع نجح في البدايه في دبي وبعدين الشارجه وعندي ناس اعرفهم نجحوا نجاح هائل لان هل المشروع مطلوب الحين.

2. ثاني مشكله ان لازم تكون بضايعج (العبي) من احسن البضايع وتنافس السوق ومب جذي بس ومتجدده ايضا.

3. ثالث شي (واهني أي دوري) لازم يكون عندج حد يشتغل في الظل مثل ما يقولون ويزودج بأحسن انواع العبي واحدثها وايظا بسريه وبعيد عن منطقتج

4. رابع شي الدعايه الدعايه واهني الدور عليج وعلي

5. واذا كنتي مهتمه بعد راح ازودج بالتفاصيل من كم تدفعين للبلديه عسب يأذنون لج تفتحين في البيت

والحين ايي دور الميزانيه بعضكم راح يفكر بموضوع البيزات وتقولين انا من وين لي بيزات؟
في البدايه راح احل هل المشكله واللي هي بالتقسيط في البدايه يعني العبايه جيمتها 500 درهم راح اخليج تدفعين 300 درهم في البداية وبعدين يوم تبيعينها تردين المبلغ كامل لي وبعدين يوم تشوفين ان تجارتج قامت تدفعيلي المبلغ كامل

وعندي المزيد المزيد من المعلومات اذا كنتي مهتمه في المشروع راح اطرش لي بعض صور العبي عن قريب
21-02-1427 هـ, 07:54 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
خواتي العزيزات ان شاء الله باجر اصور عبي اللي فصلتهم حقي عسب تعرفون ذوقي والكولتي مالي
21-02-1427 هـ, 08:02 مساءً
 
موضوعج حلو
الله يعطيج الصحة والعافية
ونتريا الصور
23-02-1427 هـ, 02:18 مساءً
 


الساعة الآن 03:22 .