السلام عليكم ورحمه الله وبركاته

في بنات كثير طرشولي على الخاص يخبروني ان الصور مب ظاهره عندهم
فحملتهم من جديد

هذي صوره الجهاز ومواصفاته


هذي بعد صوره الجهاز


وهذي الشهاده الصادره من وزاره الصحه الكويتيه اللي تثبت ان الجهاز مايسبب اورام ( عافانا الله واياكم )
السلام عليكم ورحمه الله وبركاته

دورت عن شركات الشحن الين أفتر راسي من فيدكس الى دي اتش ال الى اليو بي اس الى تي ان تي الى الارامكس وكلهم ياحليلهم اسعارهم نار الفيدكس والدي اتش الا واليوبي اس ما خبركم اسعارهم بحدود ال 130 -140 درهم للنص كيلو ياحافظ
والتي ان تي وحليلهم على 110 درهم ارخص عاد الارامكس اونه النص كيلو ب 60 درهم <-- فقاره وحليلهم
وأشوفهم وايد غالين على الشحن

انزين وشو الحل ؟؟؟

لاتخافون حصلت الحل ولله الحمد عند بريد الامارات وهم حاطين خدمه الطرود الى جميع دول العالم العربي والاوربي <-- أسمله عليهم
وبطمنكم الاسعار وايد فنانه تبتدي من 30 درهم للنص كيلو وهو وزن الجهاز التقريبي ( وزنه حسب الشركه 405 غرام ) وبعد عندهم خدمه التامين على الطرود بنفس قيمه البضاعه وتزيدين عسب تحصلين الخدمه هذي 5 درهم على أجور الشحن

وهنا تحصلون رابط بريد الامارات بتحطون من الامارات الى دولتكم والوزن نصف كيلو وبتطلع لكم الاجور وتشوفون بعد في خانه التأمين بتفعلوها وتحطون جيمه الجهاز وتشوفون الرسوم النهائيه

خدمة بــــريد الأمـــارات

يابنات
شركات الشحن من أختياركم يعني مب ضروري تستخدمون بريد الامارات بس انا عشان اقلل عليكم اجور الشحن خبرتكم عن ارخص شركه حصلت عليها وانتوا وراحتكم بعد اذا تبون شركات ثانيه

وهذي قايمه بأسماء شركات الشحن ومواقعها على النت

فيدكـــــــس

يــو بـــي أس

تـــي أن تـــي

دي أتـــش آل

أرامــكـــــس

أمـبــوست تابعه لبريد الأمارات

سكــاي كـــوم أكســـبريس

فيرســت فلايـــت

والسموحه على القصور

أم حسين
حبيبتي ارسلت لك رساله
حبيت اقولك انه الجهازاللي اخذته صناعته المانيه
اش الافضل برايك الالماني والا الصيني
تسلمين على هالمساعده الله يكتب اجرك
بصراحه الجهاز اللي عندي بطاريته ضعيفه
ولما غيرت البطاريه بنوع ثاني صار لا يحتمل الجهاز
بصراحه ماصارت ذبذبات صارت كهربه
عن طريق خدمة بريد الامارات
وتسلمين يام حسين
السلام عليكم ورحمه الله وبركاته

الغاليات

أنا خبرتكم ان أقل كميه للطلبيه هي 24 قطعه وأن اذا تجمعتوا 22 بنت بأطلب الطلبيه أن شاء الله

وعسب ماتستوي مشاكل اذا بتحولون البيزات ومايكتمل العدد وبرد لكم البيزات
وعشان أكون عند كلمتي معاكم مابتسلم منكم البيزات الحيــنه بتريه يكمل العدد الين يوم الاثنين والثلاثاء الياي بأذن الله بخبركم تطرشون البيزات

الحين اللي يبون الجهاز هم

1- أم تركي ونواف ... السعوديه
2- أم عقصين .... الأمارات
3-دمعه غلاء ... السعوديه
4- areen9999.... البحرين
5- كشكول ... السعوديه
6- عذبه ... السعوديه
7- دلع_ البحرين ... البحرين


ياليت يالغاليات تأكدولي طلبكم

السموحه

ام حسين


الساعة الآن 04:49 .