السلام عليكم ورحمة الله وبركاته
بنات اللهيسعدكم اللي تعرف طريقة سهله لعمل الروبيان تساعدني ابيها ضروري في هذه الساعة ...
سويت بحث وطلعت لي ثلاث مواضيع طريقه عمل الروبيان فيها تحتاج لوقت ...........



ابي مساعدة ولكم الدعوة الحلوة..........................
للرفع

اللهم أرزقنا قبل الموت توبة
وعند الموت شهادة
وبعد الموت مغفرة
اللهم آمين
راح اعطيك طريقه رهيبه وسهله جربيه.
ابشري طماط +وبصل+وبهارات+وماجي+وزيت+واذاكان عندك حبحربودره حار الي عندك
اخلطيه سوى وتركيه في زبديه واتركيه فتره ثم ضعيه في تيفال وتركيه على النار وحركيه بين فتره وفتره الى ان ينشف وبالعافيه
اختي فيه كذا طريه


طبعا اكيد انه جاهز عندك ونظيف وطازج كمان


اما انك تسلقيه في مويه ما ياخذ منك عشر دقايق حطي معاه ملح وليمون وشوي خردل

بعدين صفيه من المويه وتكوني انتي في الوقت هذا تقطعي سلطه بس تقطيع كبار ويكون عندك جاهز صوص الرنش بس حطي السلطه وصلحي الربيان على الوجه او علقيه على حواف زبديه السلطه وخلي الصوص تبع الرنش في نص السلطه بزبديه صغيره



الطريقه الثانيه

قطعي على شكل جوانح يعني شرائح بس طوليه


بصل - كوسا - جزر - كرنب ( ملفوف) - فلفل رومي ( بارد) -

ابشري جنزبيل طازج وثوم

صويا صوص

ماجي

ملح وفلفل اسود وخل


قلبي الخضار بشوي زيت يعني شوحيها الين تذبل على الصاج حطي الثوم والجنزبيل خلي الكرنب اخر شي وحطي صويا صوص والملح شوحيها حطي الربيان قلبيه خليه عشر دقايق وخلاص قدميه مع رز ابيض او رز ابيض بالخضار وهذا اكل صيني



طريقه ثالثه جيبي بيض على قد كميه الربيان اللي عندك انتي تحددي البيض

وحطي عليه خردل وملح وفلفل ابيض وملعقه صغير بكينج باودر وكم ملعقه دقيق حق اللي تخليها ثخينه شوي


الزيت حامي

خذي الربيان وحطيه داخل الخلطه وبعدين شيلي وحده وحده واقليها بالزيت وتصير مقليه


هذولا اسرع شي

فيه كمان

امسكي الربيان وابشري الجزر والفلفل الرومي وبصل او اطحنيهم عادي مع ثوم وبهار وملح

امسكي ظهر الربيان مكان الحبل اللي تنظفيه افتحيه اكثر الين توصلي للنهايه بس ما تقطعيه احشيه بالخلطه هذي ورصيه بصينيه بايركس بشكل مرتب وحلو بحيث يكون الربيان والخلطه على فوق


بعدين جيبي صلصه مع مويه ووبهار وماجي واخلطيه وصبيه عليه وغطيه بالقصدير
دخليه الفرن الين تشرب مويته بعدين شيلي القصدير ووحمريه شوي من فوق وقدميه


في هذي الطريقه


جيبي اعواد الشوي الخشب

وتبلي الربيان بخردل وملح وثوم وبهار


حطي حبه ربيان وقطعه بصل وقطعه فلفل رومي وطماطم كانك تعملي للحمه او الدجاج او الكباب بعدين حطيه بصينيه غطيه بقصدير وحطيه بالفرن اذا حمر من اسفل شيلي القصدير وحمريه من فوق


فيه طريقه كمان


اذا عندك عجينه البف باستري

امسكي الربيان من غير ما تشيلي الذيل حقها قطعي العجينه شرائح او شرائط وامسكي الربيان ولفيه عليه الين تتغطى الربيان ولا يبقى غير الذير واكبسي العجينه وحطيها بالصينيه ودخليها الفرن وحمريها من فوق واسفل

فيه كمان


ممكن تجهزي خلطه الخضار حقت السبرنق رويل وزيدي عليه الربيان والجنزبيل الطازج وخلاص احشي السبرينق رويل بس لا تقليه عشان ما يشرب زيت ادهني الصينيه زيت وادهني السبرنق رويل من فوق بالزيت وخلاص حمريها من اسفل واعلى بتجي لذيذه ومقرمشه

ايش فيه كمان للربيان فيه شغلات كثيره هذي تقريبا اسرع شي ممكن تسويه بالربيان


ممكن تسوي كبسه ربيان

ايدام بالربيان

يعني اشياء كثيره

طبعا هالاطباق انا كتبتها مستعجله يعني يمكن ما اكون كاتبه بهار اوش زي كذا بس تقريا اهم شي بالربيان الخل يشيل الزنخه عندك الزنجبيل الطازج عندك الثوم وعندك الخردل وكل طبخه لها طريقتها وبالتوفيق اختي


ولا تنسي تضيفي الاطباق الجانبيه معاها مثل بطاطا مقليه او رز بالخضار او رز ابيض وكل صنف له مرافق معين وبالعافيه


الحياه فوضى عندي
خلاص ستوب
[
اقتباس مشاركة
QUOTE=mdry]راح اعطيك طريقه رهيبه وسهله جربيه.
ابشري طماط +وبصل+وبهارات+وماجي+وزيت+واذاكان عندك حبحربودره حار الي عندك
اخلطيه سوى وتركيه في زبديه واتركيه فتره ثم ضعيه في تيفال وتركيه على النار وحركيه بين فتره وفتره الى ان ينشف وبالعافيه
[/quote



اختي mdry طريقتك سهله ومقاديرها متوفره عندي الله يجزاك خير ويسعدك دنيا واخرة ............


الساعة الآن 04:48 .