السلام عليكم ورحمه الله وبركاته

بغيت اسألكم يابنات ليه ... ليه فقدنا الثقه ؟؟ يرمسون لو خليت قلبت وهذا بس اللي مصبرني

انا يالغاليات فتحت موضوع عن جهاز تكبير الصدر وعقب الضجه الكبيره اللي ثارها فكرت ليه نخلي الهنود وشاكلتهم يستغلونا ابشع استغلال وحنا بيدنا ممكن ندور ونحصل نصف الاسعار اللي قاصين علينا بيها
وهذا اللي صار والله وفقني ولقيت مورد الجهاز العجيب .. هي نعم العجيب لأني شفت كل تناقضات الدنيا فيه
موضوع الاخت فيوليت الله يجزيها خير اتشعب ووصل اكثر عن 50 صفحه والكل يسأل ويستفسر عن الجهاز العجيب ..
البنت كانت صريحه وقالت انها شرته ب 42دينار كويتي = 534.28901 ريال سعودي= 523.30319 درهم اماراتي وعلى الرغم من ارتفاع سعره أنهالت عليها الرسايل سواء العام او الخاص ( حسب كلامها ) تطلب وقسم تترجى الرقم لانها محتايته ضروري
ورد المورد رفع سعره عقب ماكثروا اللي يبونه الى 55 دينار كويتي = 685.27799 درهم اماراتي = 699.66418 ريال سعودي
وتذمروا البنات من السعر العالي ( للعلم هذي الاسعار بدون شحن ) والبنت فيوليت هزبته ورد السعر الين اظني 50 وساروا وشروا منه البنات

في بنت من السعوديه عقب كلمته خبرها ان السعر ب 300 دولار وحق ام خالد ( فيوليت 250 دولار = 937.55000 ريال سعودي = 918.27250 درهم اماراتي

وظهرت في السوق اشكال جديده للجهاز تؤدي نفس الغرض باسعار اقل بكثير وكان رد الاخت فيوليت
اقتباس مشاركة  (فيوليت)
طيب؟؟ بنات صحيح في اجهزه غيره بس على الاقل هذا عليه ترخيص من وزارة الصحه الكويتيه ومن مكافحة السرطان يقولون ماله اي تأثيرات جانبيه على المدى البعيد( يعني حتى لو قطعتيه بعدين ماله تأثير) وهذا الجهاز شنو طريقته : انه يعطي ذبذبات بشكل دائري من نص الصدر لسي بره الصدر بشكل دائري ( فهمتوا؟)
يمكن الجهاز نفع معاي حيل لانه صدري بالاساس صغير.. تره في بنات بالموضوع هذا امدحوا مو بس انا ... اقسم بالله اني ما اسوي دعايه. اصلا مالي شغل بالشركه ولا راعيين الشركه.. كل اللي بالموضوع انه نفع معاي وحبيت انفعكم.. وما توقعت الموضوع راح يتشعب ويطول.. وانا مستانسه بالردود الايجابيه للموضوع.
والله ولي التوفيق
تحياتي
الحين بتسألون شو حقه هالهذره بس بغيتكم تكونون بالصوره
انا( اعوذ بالله من كلمة أنا ) وفرت الجهاز ب 75 دولار يعني قارنوا بين 250دولار وبين 75دولار تحصلوهة اقل عن النص ... ارخص بعد عن الجهاز اللي شرته فيوليت نفسها ولين الحين ماسلمت من لسان البعض ..

في بنات الله يهديهم ارسلولي اني نصابه انزين وشو اللي نصبت عليكم فيه ؟؟ هذا الجمل وهذا الجمال .. أنا وفرت عليكم بيزاتكم ان كنتوا تبغون تعقون بيزاتكم عند المهنده سيروا بارك الله فيكم انا ما منعتكم .. انا عضوه معاكم من سنين وتقدرون تتأكدون من الاداره ماسجلت من امس عشان انصب عليكم .. الجهاز موجود بارخص عني ب125 درهم سيروا اشتروا .. ماتشوفوني ميوده ايدينكم ومهددتكم بمسدس الاتشترون مني .. انا حطيت كل التفاصيل على العام وضيعت وقتي واعصابي الا عشان مجموعه هم اللي حسيت بيهم بصدق وبمعاناتهم لني وحده من البنات اللي يعانون من نفس المشكله .. وانا وعدتهم اني اوفره لهم وهن 16 بنت وانا ماحب اني اخلف بوعدي .. وتراني مابركض حق بيزات هذا الجهاز .. والله يابنات اني من عايله معروفه جدا بالأمارات والخليج بعد بدون غرور والجميع يشهد لها بالخير ولله الحمد يعني ما ارضى على نفسي ولا على عيلتي انو ينقال عنها بنتهم نصابه وعلى وشو ياليت تخبروني شو غلطي اللي سويته ؟؟؟

هذا موضوعي عشان ماتقولون اني اكذب بخصوص ال16 بنت اللي مأكده الحجز

جهاز الاخت فيوليت لتكبير الصدر وصل .. التفاصيل والصور على العام

جهاز الاخت فيوليت ج2

...
المشكله الثانيه والاصعب اللي استوتلي

أنا طرشتلكم رقمي وحملتكم أمانة حفظه عندكم الى يوم الدين وعطيته حق بنات راسلوني على الخاص يطلبون التفاصيل ليه احصل ريايل يكلموني يسألوني عن الجهاز ؟؟؟
شو استوه الجهاز حق الريايل وانا مدري عنه ؟؟ من وين اخذتوا الرقم اللي يقولي زوجتي ولا اختي عطتنياه ؟؟ أنزين ليه متخلون الزوجه ولا الاخت اللي طلبت الرقم هي اللي ترمس معاي !! شحكه هالازعاج
والله يابنات حمدت الله ان زوجي مسافر ولا كان بهذلني
مايستوي الله يهديكم تقبلون يستوي فيكم مثل اللي يستوي فيني ويالريايل يللي يدخلون بنكنيم الحريم تقبلونهة على امهاتكم ولازوجاتكم ولاخواتكم ولابناتكم انهم يتعرضون لنفس موقفي يكلمهم ريال غريب عن موضوع حساس مثل هذا ؟؟؟
حسبي الله عليكم
ربي يستر كل من سترني ويعافيه ويفضح كل من فضحني وأنا ما استحق

ام حسين

الله يعين

مسألة التلفونات هذي كثرت وحتى صارت معي لكن يا ليت عشان يسألون لا يتصل رجال على باله يتعرف يحسب بنات الناس لعبه لكن الحمد لله خليت زوجي يتصرف معه

وكتبت موضوع بانه يا ليت البنات مثل ما نحن نستأمنهم على ارقامنا يكونوا محل الثقة هذي ولا يهملون ارقامنا سواء بقصد او بدون قصد والله يهديهم بعد في خوات كثير كتبوا بخصوص هالموضوع


الله يعينك يا اختي
وما دامك ماشيه صح لا يهمك احد وطنشي كل من يكثر كلام بخصوص انهم يقولون لك نصابه ومو نصابه وما ادري ايش من هالكلام
انتِ ما دامك صح يا جبل ما يهزك ريح وواثق الخطى يمشي ملكا يعني طنشي ولا تردي عليهم ولا كانك شفتي شي

والف تحيه لك حبوبه
لا والله مانرضاها عليج يالغاليه

انتي مالك الا تحتسبي امرك لله

وغيري رقم تلفونك او اشتري لك شريحه مسبقة الدفع يكون خاص بالمنتدى

الدنيا والله مافيها امان

والله يحميك من كل شر
اختى لا تضيقى خلقك ودام انتى صح ولا يهمج من غيرج

والبنات الا يعطون الارقام للاولاد يتذكرون ان الله يراقبهم لانه صج موب عدله
نحن فة المنتدى كلنا اخوات والمفرض نخاف ع بعض ولا نرضى ع بعض الا يصير


والله يعينج اختى والأرزاق ع الله ولكل مقسوم رزقه تصبرى وعسى خير ان شاء الله

وفعلا فى شباب يدخلون باسماء بنات وفعلا وصلتنى رساله من بنت تبى تتعرف طبعا قلت اكيد ولد لانه الاسلوب غير عن اسلوب البنت

الله يستر علينا وع المسلمين
و الله الموضوع صار صعب و متعب و المفروض يكون الانسان أرقى من هذه التصرفات وما يهمج الغالية و حسبي الله و نعم الوكيل.


الساعة الآن 04:49 .