السلام عليكم

مثل ما المفروض ويحصل انه يتوضح عن التاجرات اللي يتلاعبن بالبنات، ايضا لازم نكتب عن الغير جديات بالشراء بعد التاكد 100% من هذا الموضوع.

ورسالتي هذي لاحدى الاخوات معانا بالمنتدى طلبت مني احجز لها اغراض من اكثر من شهر واكدت من البداية وحتى قبل سفري بشوي انه تبغاهم لاكثر من مره وللعلم هي ايضا حاليا تعتبر (مندوبة يعني تاجره) ورجعت من السفر وارسلت لي انها تبغي اكسسوارات جديدة يوم رديت عليها بنفس الوقت ما ردت علي اتصلت عليها بالتلفون ما ردت علي شوفوا بنفس اللحظة اللي بعثت لي فيها الرسالة اتصلت عليها ما ردت ومن ذاك اليوم لا مسج ترد عليه ولا الرسايل الخاصه ترد عليها ولا حتى بموضوعها اللي تجمع فيه طلبيات للبنات كتبت لها رد وما ردت بعد رغم اني اعطيتها اشاره عشان تصير عارفه قبل ما ااكتب الموضوع لكن خلاص .


واقولها:


مضطرة اكتب لك هنا، واقولك اني الغيت لك طلبيتك من الاكسسواراتك بسبب عدم جديتك في الطلب واسمحي لي اني اكتبها لك على العام لاني تضررت منك بهالشي حجزت لك لمدة طويله بتاكيد منك احجزي احجزي وابغاهم اكيد ولازم واكيد وتم كل شيء وفي النهاية ارسل وارسل ولا تردي

رغم اني قلت لك بكل ادب وباسلوب راقي يا اختي الغاليه ااذ ما تبين الاكسسوارات او غيرتي رايك يا ليت تعطيني خبر علشان اتصرف فيهم لانك اكدتي لي اكثر من اربع مرات انك تبغينهم على الاكيد وبالاخير لا رد ولا غيره رغم اني قلت لك اذا غيرتي رايك قولي لي عادي لكن طنشتي ,


بالرسايل الخاصه ما رديتي
مسج بالتلفون ما رديتي
رديت عليها باحد مواضيعها وردت بعد ردي ولا ردت علي

اتبعت كل الوسائل وواضح انك ما تبغيهم وانا فاهمه هالشي الحين رغم اني بالبداية من كثر تاكيدك حسبت انه فعلا تبغينهم

عشان كذا ورغم اني فاهمه انك الحين ما تبغينهم لانه لو الرسالة ما وصلت بالمنتدى مو معقول بالتلفون ما وصلت ولو انتي فعلا رديتي علي كان رديتي هنا وقلتي لي اني رديت عليكِ بالخاص لكن للاسف ولا شي من هذا صار يعني متعمدة طنشي .

وانتِ المفروض تاجره ما تسوي هالشيء لانه اظن بعد انتِ ما تحبين احد يحجز من عندك شيء وبعدين يطنشك ويكون جايتك بيعه فيه ولا كلامي غلط يا اختي؟

اللي اريد اوصلك اياه من هنا انه لما تغيري رايك وتهوني المفروض كاقل شيء تخبري التاجره انه خلاص تتصرف بالبضاعه مو تاكدي لها. والمفروض وملزم واجباري على كل مشترية انها لما تغير رايها تخبر وتقول وتعلم التاجره مو يجي للتاجره بيعه فيهم وما تبيعهم عشان عندي امانه ووعدتك احجزهم لك وصح انه مبلغهم صغير جدا لكن في النهاية هذي رزقه وانا مو عشان قيمتهم لكن عشان الاسلوب نفسه الغير جدي منك والتطنيش .


ما كتبت هنا الا بعد ما اتبعت كل الوسائل الطيبه معك. وعشان بس تعرفين انه لازم يكون الانسان جدي ولو صار عليه ظروف وما قدر يشتري نحنا نقدر ونفهم بس لازم تقولي انه خلاص ما اقدر اخذهم مو تاكدي علي وتطنشي.


وهالشي عشان المرات الجايه مع البنات الثانيات.


هذي الرسالة ابخليها يوم واحد واذا ما تم الرد علي بالخاص وقلتي انه ما تبين الاكسسوارات راح احط اسمك عشان البنات يصيروا عارفين مين الجديه ومين اللي مو جدية.



++++++++++++++

اول رسالة اكدت وحجزت فيها كانت بـ 1/2/2006م واتفقنا على طريقة التوصيل والدفع وكل شيء واكدت انه اليوم ولا بكره يجي احد ياخذهم.

وما صار قلت يمكن عندها ظروف مشغوله


فارسلت لها هالرسالة بتاريخ 12/2/2006م
هذي الرسالة هنا خبرتها اني بسافر اذا كان اكيد تبغاهم وشوفوا ردها باللون الاحمر
تاريخها هذي الرسالة 12/2/2006 يعني اكثر من شهر ورحت اسبوعين ورجعت وارسلت لها ولا ردت

اقتباس مشاركة  (أ.........)
اقتباس مشاركة  (مليكة القلم)
الغاليه

حبيت اخبرك اني بكره باذن الله مسافره لمدة اسبوعين
بالنسبة للاكسسوار ما خبرتيني تبغيه ولا غيرتي رايك عشان اعرف اذا ما ودك فيهم قوليلي عشان اتصرف فيهم

والف تحيه

ابيهم الاكسوارت


ترجع بسللامة
25-02-1427 هـ, 04:53 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
باين عليك طيبة اخت مليكة القلم

الله يعطيك على قد نيتك

لكن نصيحتي للتاجرات انه يحججون ايام معدودة للطلبية والي
ماتأكد طلبها في خلال هذي الأيام وترسل المبلغ تتكنسل طلبيتها
25-02-1427 هـ, 05:08 مساءً
 
لاااااااااااا تقولين انه الاشياء اللي ما بعتيها لي كانوا من ضمن اللي حجزتيهم للاخت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لاني بمووووووووووووووت قهر ..............................................................
25-02-1427 هـ, 05:12 مساءً
 
السلام عليكم
والله معاج حق يااختي مليكه تغتاضي من هالاخت اللى ابدأ مو قد كلمتها

واللى كان المفروض ترد عليج وتقولج ماريدهم خلاص
ومافيها شي ان قالت لك ماريدهم عشان تتصرفي في البضاعه
25-02-1427 هـ, 05:13 مساءً
 
الغاليه وثاب

تسلمين والله على ردك
فكرتك صح حلوه بتحديد وقت معين

لكن والله ساعات في بنات جديات ويكون عندهم اسباب بالتاخير ونستنى عليهم عشان بعض الظروف واحب اني اقدر ظروف اي انسانه

يعني مثلا في واحده من البنات ما شاء الله عليها من اسبوعين ثلاثة اول واحده حجزت عندي اغراض وقالت لي اخر الشهر احول لك بس احجزي قلت لها مره واحده اكيد قالت اكيد وحجزتهم وسبحان الله امس لحالها من غير ما ارسل لها اي رسالة قالت رقم حسابك عشان احولك المبلغ عشان الاغراض مثل هذي الانسانه والله قمه في الذوق والجدية في التعامل.

ففي ناس فعلا عندهم ظروف عشان كذا نضطر ننتظر بدون اي تذمر بالعكس لانه كلنا نمر بظروف فنقدر هالشيء.


والف تحيه وشكرا على ردك
25-02-1427 هـ, 05:17 مساءً
 


الساعة الآن 07:51 .