هلا والله بنات ....

اشلونكم عساكم مرتاحين ..؟

بس حبابه اذا وحده تعرف طريقة مطبق الزبيدي او دياي اتعلمني عليها ؟؟

لنه خاطري اسويه ... !

بس مو اطنشوني حبايبي ......

والسمووووحه ...


ينقل لأطباق حواء...


¸.

( `•.¸
`•.¸ )
¸.•
(`'•.¸(` '•. ¸ * ¸.•'´)¸.•'´)
«´¨`.¸.*..*المسافر *..*.¸.´¨`»
«´¨`.¸.* *. ¸.´¨`»
(¸. •'´(¸.•'´ * `'•.¸)`'•.¸ )
.•´ `•.¸
`•.¸ )
¸.


السلام عليكم

مطبق الزبيدي
_____________

المقادير :
زبيدي
3 جيلات عيش
لومي اسود
شدة كزبره
كركم
كمون
كزبره ناعمه
فلفل اسود
هيل ناعم
ملح
بصل
ثوم


الطريقة :

قبل كل شي تشقين الزبيدي من الظهر وتغسلينه زين أكثر من مرة بعدها تحطين له كركم وتخلينه على جنب .

طريقة الحشو:

تقصين البصل صغار وتفرمين الكزبره وتدقين فصين ثوم
حطي البصل في مقله وحركيه وإذا تلزق رشي عليه شوية ماي لما يقلب لونه أصفر
بعدها ضيفي الكزبرة وحمسيها معاه شويه بعدين حطي اللومي الناعم والفلفل وملعقة دهن وحمسيهم تقريبا 10 دقايق بعدها شيليه عن النار وخليه على جنب

عودة للطريقة :
هاتي جدر وحطي فيه ماي وشوية بهارات وفصين ثوم مدقوقين وشوية ملح وخليه يفوح
وبهالوقت رجعي للسمج وغسليه مرة ثانية بعدين فركي بطنه من داخل بالثوم المفروم وحشي بطنه بالحشوموكله خلي شوي للتزيين خيطي بطنه بالخيط وعقب خلطي البهارات ورشي على الزبيدي من فوق
جهزي مقلى بدهن وإقلي الزبيدي لي يستوي نص سوى وبعدها خليه على جنب يكون حزتها الماي انغلى شيلي السمج وحطيها بالماي وقصري النار علشان لا تتفتت السمجه ويخليها بالماي لين تستوي تقريبا من 10 لي 15 دقيقة على حسب حجم السمج
وبعد ما نضى السمج شيليهم وحطيهم بصينية علشان ينزل الماي الي فيها
بعدها حطي العيش بجدر الماي نفسه الي غليتي فيه السمج وشوفي قياس الماي لازم يغطي العيش فوقه بشوي مو وايد ومن يخف الماي ويادوب تشوفينه حطي حديدة تحت الجدر وقصري على النار وهاتي السمج ي نكمل ومن تشوفين الماي خف ومايبين حطي حديده تحت الجدر وقصري على النار وبعدين حطي السمج وباجي الحشوعلى العيش وسكري الجدر بقصدير وفوقه الغطا وتخلينه لين بستوي عدل يعني لين يتسكر العيش يعني تقريبا من ساعه لي ساعه ونص
وبعدها من تخلص الطبخة نجي اول العيش وبعدها رشي العيش بالحشو من فوق وحطي السمج فوق الحشو بس شيلي الخيط قبل.

وعليج بالعافية

وبشريني عن الطبخة شلون بتصير معاج
فهرس ملف الأطباق الساخنة المصور لدردشة مطابخ
http://forum.hawaaworld.com/showthread.php?t=265255
http://forum.hawaaworld.com/showthre...87#post3221487
بِلادِيْ وَاِنْ جَارَتْ عَلَيّ عَزِيْزَةُ

واَهْلِي وَإنْ شَحّوُا عَلَيّ كِرَامُ




[IMG][/IMG
السلام عليكم ورحمة الله وبركاته

هذا المجبوس الكويتي
http://forum.hawaaworld.com/showthre...8&page=9&pp=10


وهذا مطبق الزبيديhttp://forum.hawaaworld.com/showthre...8&page=6&pp=10


وحياج الله


الساعة الآن 09:44 .