ونسيت حاجة بعد
احيانا زبونة تسال التاجرة عن السلعة تقول
وين ينباع او هل متواجد بالمكان الفلاني
طيب يا بنات الله يهديكم انتو عارفين هي عارضته تبي تبيعه و هو عندها
وشلون تبونها تعلمكم وين تلقونه و تقطع رزقها بايدها
يعني تتعب عمرها و تجيب بضاعة و تتكلف و يقالها وين نلقاه بالسوق والا بالمكان الفلاني
وش رايكم
بالله وش نقول
25-02-1427 هـ, 10:32 مساءً
 
والله صدقتي يا شقراوية

أنا وحدة طلبت مني كريم ويوم قلتلها تبغين شي ثاني قالت ليش انتي عندج شي غيره؟!!!!!

هذا وانا حاطة صورة العطور في توقيعي غير الموضوع اللي فيه كل المنتجات اللي أبيعها.

لكن شنسوي لازم الوحدة فينا تطول بالها شوي وتلتمس العذر للناس.

لا وأحياناً وحدة تقولج أبغي هالشي بسرعة وتطلبين اسمها وعنوانها وانتظري كم يوم
لين ما ترد عليج زين اذا انتي مستعيلة ليش ما تستعيلين في الرد وتطرشين اسمج ورقمج؟؟؟
وبعدها تقولج أنا طرشتلج كم رسالة أطلب منج ولا رديتي علي!!!!!
بالله عليكم هذي شو أقولها؟؟؟

لكن الله المستعان
25-02-1427 هـ, 10:47 مساءً
 
ردددديت ..............من القهر اللي فيني ترى ههههههه لا الحمدلله ماانقهر من البنات وارد على الكل ويوميا ولا اتاخر عليهن بس هن الله يهديهن يرفعن الضغط......................

عندي بنااات قالن لي نبغي الدفع وقت الاستلااام والمشكله نصهن ما يعطني لا رقم ولا اسم

عيل كيف بطرش لج الاغراض.................انا من طبعي اطرش رساله وحده اقول فيها طرشيلي بياناتج اذا ما ردت علي خلاص اكنسل الطلب...................
المهم بعد فتره ترجع تقول اختي لو سمحتي تاخرتي علي........................؟؟؟؟

بالله انا اعرف الغيب..........؟؟اشدراني وين ساكنه وشو عنوانج ............؟؟

لي عووووووده اذا تذكرت شي
25-02-1427 هـ, 11:14 مساءً
 
فعلا نقاط مهمة اختي الشقراويه
وجميع الاضافات بالموضوع مهمة
والصراحه انه الطلب مره واحده شي يريح الزبونه نفسها قبل ما يريحنا حتى

لكن بعد اقول مطلوب النفس الطويل بالتجارة وانا الصراحه اعصابي بارده في هالامور اتحمل ههههههه يمكن لاني بعدني جديدة بالتجاره وما صارلي سنوات

او يمكن لاني ابيع منتج واحد بس وهو (الاكسسوارات) اما انتم تعانون لانه طبعا اكثر من منتج ولازم البنات بالطبع يحددوا لكم لانه كيف بتعرفون هي تقصد شو؟

بصراحه لازم البنات ينتبهون لهالنقاط اللي ذكرتوها


وكلام المتحضره الغاليه صحيح بخصوص البنات اللي يبغون يعرفون من وين تجيبين السلعه اللي قاعده تبيعيها يعني يبغونك تقولين لها روحي اشتريه من المكان الفلاني طيب والتاجره شو استفادت ساعتها؟
لها الحق تسأل على بلد الصنع اما من وين هي تقدر تلاقيه بصراحه هذا عجيب غريب ويحصل كثير مع التاجرات مثل هالاسئلة

والله يوفق الجميع ويريح بال الجميع
25-02-1427 هـ, 11:30 مساءً
 
ملاحظات مهمة وانا صادفت نفس الموقف
25-02-1427 هـ, 11:46 مساءً
 


الساعة الآن 02:12 .