السلام عليكم ورحمه الله وبركاته ،،

في البداية اعتذر لان الموضوع منقول ^_^

نتمنى نسمع ،، رأي المشترين--> بالتاجرات ورأيهم في البضاعة اللي اشتروها


يرجى ذكر الرأي الخاص ببضاعة معينه مع ذكر الأسباب ........
اذا عجبتك واذا لم تعجبك

و يرجى المصداقية في ابداء الآراء ..


ونبدأ صفحه يديده في المنتدى ..!

شو رايكم،،







سبحان الله وبحمده عدد خلقه ورضا نفسه وزنة عرشه ومداد كلماته
موضوع مميز ربي ايوفقج اختي اتمني من العضوات المشاركة في الموضوع
شمسة المهيري
للصناديق العطـــــــــور ات والمخلطات العربية
دبي
جميرا
وعليكم السلام ،،،

مشكورة الغالية على طرحج للموضوع واتمنى من اخواتي المشرفات ان يثبتن الموضوع للإستفادة يالله الحينه راح ابداً :

اول ما عرفت المنتدى تعاملت مع الأخت : ( ما يهم ) : وهي من الكويت وبصراحة الجلابية الي طلبتها طلعت واااايد احلى عن الصورة واسعارها بعد مناسبة ، واحلى في الموضوع كله انها انسان في قمت الذوق والإحترام واسلوبها في التعامل ما عليه كلام وان شاءالله الأيام الياية بعد راح اتعامل معاها .

والأخت ( رقيقة ) وهي بعد من الكويت وتعاملت معاها لاني كنت اطلب منها اغراض من الكويت وكنا انوصل لبعض ، وما شاءالله عليها قمة في الذوق والتعامل .

والأخت ( أم محمد للخلطات) من الإمارات : خذت منها بودة التضيق والحمدلله انها ما خابت ضني والبودرة طلعت احسن من إلي كنت اتوقعه، واسلوبها بعد ذوق في التعامل .

وتعاملت بعد مع الأخت (صاحبة همة) من الإمارات وشريت منها عطر من فكتريا سيكرت وتعاملها والله قمة في الذوق والأدب ، واهتمامها بالزبون

وتعاملت مع الأخت ( بنت حواء ) من السعودية : قمة في الإحترام والتعامل وخذت منها كريم الحرير وحبوب للمهبل، بس بصراحة ما نفعوو معايه ما دري وكريم الحرير ما عليه اي كلام بس المشكلة انه سعره وااايد غالي بالنسبة للحجم وعندها ذوق بعد .

وتعاملت بعد الأخت (رياحين الجنة) من مصر : وخذت منها حبوب التخسيس وبصراحة بعد ما نفعوا معايه وعن تعاملها اوووكي .

وبصراحة تعاملت مع وااايدات من المنتدي من السعودية عشان حبوب التخسيس بس بصراحة ما نفعوا معايه ، وابصراحة عاهت نفسي اني ما اتعامل مع اي وحدة من السعودية لانه المنتجات إلي يبيعونهم وايد اغلى اضعاف الأضعاف من السعر الأساسي وهذا طبعاً من غير الشحن والحوالاة بعد .

بس فعلاً اني تعلمت وااايد اشياء من المنتدى وتعرفت على وااايد بنات وكلهن الحينة صديقاتي[/align][/b]

وان شاءالله بس ما نسيت حد
السلام عليكم ورحمة الله وبركاته

اولا اشكرج اختي لهالموضوع الي بيفيد الجميع ان شاءالله ..

ثانيا .. انا تعاملت ويا بنات وايد في المنتدى .. وبصراحه كلها كانن قمة في الذوق والاخلاق والاسلوب الحلو في التعامل ..

اول مادخلت المنتدى تعاملت ويا الاخت مولا )moooolaaaa( شريت عن طريقها خلطات للتبيض والنعومه وزيت للشعر .. ايامها كنت عروس واندور شي يصفي البشره ويخلينا نلق لق .. هذا كله عشان المعرس يتخبل
بصراحه انا استفدت من هالخلطات بس ماستمريت عليها وااايد بس كانت النتيجه باينه ..

والاخت ام عبدالله (كومبلكس) ..وااافديتها من حبوبه .. تعاملت معاها اكثر من مره .. وبعدني بتعامل معاها .. حبوبه خذت من عندنا هديه لمولوده .. وهديه لريلي وبعد في بنات من اهلي طلبن هدايا من عندها لرياييلهن .. وشغلها ماعليه كلام ..

والاخت انستازيا .. خذت من عندها السنوايت والدخون الدوسري .. بصراحه ماستمريت على السنوايت والدخون ماعيبني وااايد .. بس الاخت كانت قمة في الذوق ..

والاخت سود الاعيان .. حبوبه .. طيبوه .. خذت عندها من القباضات .. بصراحه روووعه القباضات .. واشكالهن حلوه .. بصراحه دلع .. وانا رديت في نفس الاسبوع ايل خذت من عندها ريدت وطلبت منها بعد كميه كبيره والغاليه ماقصرت .. سوتلي خصم حلو ..

والاخت ام الغالي .. من اول مكامله بيني وبينها استويت ربيعتيه صح ام الغالي ..؟ خذت من عندها دخون .. روووعه .. وهادي وريحته خبال خاصه فليل .. حق الي تبا تخبل ريلها بطريقة هاديه .. وبعدني بطلب منها .. ان شاءالله هالاسبوع يا ام الغالي في طلبيه نباها منج ..

والاخت الغلــــا .. بصراحه قمة في الذوق والاخلاق .. تعبت ويايه بالنسبه للتوصيل الطلبيه .. وانا تميت متلومه منها .. لانه صارتلي ظروف وماقدرت استلم الطلبيه بسرعه .. والحمدلله هيه كانت متفهمه وحبوبه وااايد .. خذت من عندها عطورات فرنسيه والدخون السائل والعود و كريم الجسم .. لو تكلمت عن عطوراتها وكريم الجسم مابوفيه حقها .. شي خبال .. وخاصه كريم الجسم .. انا تخبلت عليه .. بتريا ريلي بشوف شو ردة فعله يوم بيشمه مسافر)..

وهذيلا الي اذكرهن الحين .. وان شاءالله ماكون ظلمت وحده من الي تعاملت معاهن ..
اتمنى من البنات يلي شرو مني يحطون رأيهم
ومشكورة عالموضوع




الساعة الآن 06:19 .