بسم الله الرحمن الرحيم

السلام عليكم اخواتي بنوتات حواء

ما احب اني اكون محلله الله يرحم حالي بس ما تشوفون معي ان الاسهم كانها تجزأت فعليا بفعل الانهيار ؟؟؟

يعني وش بقى منها يجزأ بصراحه ؟.؟ ولو جزأت كم بيكون ارباحها ( بافتراض ارتد السوق ) هلالات كل يوم ؟؟

الغذائيه من الشركات المنتجه والمظلومه ... من فوق الالف الى حدود 280 !!!
كم بيوصل سهمها بعد التجزأة يعني ؟؟؟

سؤال اخر يتبادر للذهن ؟؟

قالوا التجزأة تدفع الكثير من الشرائح للشراء لانها تتناسب مع فلوسهم مو كل احد قادر على شراء اسهم بالف والفين الخ .. السؤال .. هو باقي فيه فلوس برا ؟؟؟ واذا فيه فلوس برا .. تتوقعون احد بيدخل ؟؟ من ها القلب القوي اللي بيدخل ؟؟


صح ان فيه تجميع غريب بطريقه جهنمية لقارءات السوق جيدا .. اسهم تشترى على النسب الدنيا من الهوامير ... وقبل يصبغ اخضر بلحظات من كثرة الطلب تنبااااع على طووول اذا وصلت من خمسه بالمية نسبه تحت لواحد بالميه او اقل بشوي ... مستغلين الضعوف اللي ما يعرفون الا احمر او اخضر ولا يقرؤون اللي بين السطور ؟؟


انا ما احب اخوفكم بصراحه واخوف نفسي ... بس ليه ما نلاعب الهوامير بالشركات الموثوق فيها والقياديه ... عيونا على الطلب اذا صادف طلب شراء شركات قويه بنسب دنيا نشتري .. ونبيع قبل يلامس الاخضر بشوي ... ونعوض خسارتنا ؟؟
اذا ضبط الحمد لله واذا فشل اسم اننا امتلكنا بقياديات مو خشاش ... بس يبقى السؤال وين السيوله واحنا معلقين ؟؟؟


الخبر المطمئن :

الارتداد القوي قادم ... شهر شهرين .. اربعه ... جاي جاي باذن الله وما بقى كثر اللي راح ... لو حددنا هدف شهر رمضان المبارك القادم مثلا .. هل بيكون المؤشر زي ما هو يعني ؟؟؟ مستحيل

اهم شي على قول القائل هي خاربه خاربها خلينا نعميها ... ما راح نبيع يا هوامير ولا فيه احد بيموت من الجوع ... والوعد ... وعد ابو متعب الله يحفظه يكفي بس مدينته الله يطول بعمره ... اضافه الى الانضمام لمنظمة التجارة العالميه ... وبقائنا على رئس الدول المصدره لاكسير الحياة ( البترول )

وتذكروا .. ما بعد العسر الا اليسر .. ما يجي عسر بعده عسر

والله يعوضنا خير ويرجع خساراتنا ارباح .. وتكون لنا دافع على العمل بها لاخرتنا

هذا تفكيري بصوت مسموع وباذن الله ابشروا بالخير ..


تحياتي
ثلاجة مطبخ ااقصد دفاية كهرب
اقتباس مشاركة
الغذائيه من الشركات المنتجه والمظلومه

الغذائية من الخشاش

اقتباس مشاركة
تتوقعون احد بيدخل ؟؟ من ها القلب القوي اللي بيدخل ؟؟

احنا المساكين متعلقين
بس فيه هوامير وناس طالعين قبل الانهيار او مازال معهم فلوس وينتظرون اي فرصة للتاكد من ان السوق تعافى وخلاص بيرجع يرتفع

اقتباس مشاركة
اذا وصلت من خمسه بالمية نسبه تحت لواحد بالميه او اقل بشوي

ايه الهوامير اول وقت ال 10% كانوا يخلونا نقاسمهم الكعكة او الارباح الحين مع ال 5% يالله تكفيهم
هذا غير ان النزول الي صاير من شهر فيه ضغط على السوق ومحاولة لانزاله مهما حاول اي شخص رفع السهم
يعني الامر مقصود

اقتباس مشاركة
عيونا على الطلب اذا صادف طلب شراء شركات قويه بنسب دنيا نشتري .. ونبيع قبل يلامس الاخضر بشوي ... ونعوض خسارتنا ؟؟

هذي هي اصلا طريقة البيع والشراء بس للاسف الناس تلاحق الاسهم الخضراء مع ان الهوامير يحبون الاسهم الحمراء

بالنسبة للارتداد مانقدر نحدد متى نرتد او متى نصحح مرة ثانية لانه التحليل الفني اثبت انه ماينطبق على سوقنا
بس سمعت انه بيجي تصحيح في اكتوبر
عموما لو جاء وفي اي وقت المفروض نكون اخذنا دروس من النزول اللي راح وماعاد نخلي اسهم تبات ليلة في محافظنا او نحاول نحتفظ باسهم متوسط سعرها قليل
قبل لا ترسلون لي اي رسالة تأكدوا من الاسم
فيه عضوات كثار باسم بنت ابوها بس يختلفون بشي بسيط اما باقواس او مدة في الحروف
اضغطوا على اسم العضوة وبيطلع لكم خيار ارسال رسالة خاصة
واذا جيتوا تردون على رسالة اختاروا اقتباس مو تحويل عشان ماتضطرون تكتبون اسم العضوة مرة ثانة وتلخبطون بيني وبينها
والله انك صادقه ما بقي شيء في الاسهم عشان تتجزء حسبي الله ونعم الوكيل في اللي كان السبب في هذا النهيار
اقتباس مشاركة  (# بنت النور #)
والله انك صادقه ما بقي شيء في الاسهم عشان تتجزء حسبي الله ونعم الوكيل في اللي كان السبب في هذا النهيار


الساعة الآن 06:22 .