السلام عليكم ورحمة الله وبركاته خواتي انا اشوف وايد شغلات تعجبني من النت بس ما اعرف شلون اشتري منهم يعني ما ادري عن طريقة الدفع شلون وهل فيه أمان في الشرا عن طريق النت لأني سمعت ان وايد يتعرضون للنصب وهل بامكاني اشتري باستخدام بطاقة الكي نت لأن تدرون بطاقات الفيزا وغيرها من بطاقات الائتمان ياخذون عليها فايدة وهذا ربا ياريت تساعدوني وتردون علي ومشكورين مقدما

هلا اختي

اول شي تقدرين تشترين من مواقع ثقه ومعروفه

ثانيا الدفع لازم يكون عن طريق الفيزا او الماستر كارد
بالنسبه لموضوع الربا تقدرين تستخدمين الفيزا مالت بيت التمويل لان ماعليها فوايد لو تسحبين 100دينار او 1000 دينار نفس الشي في مبلغ اشتراك سنوي يندفع وبس وطباع معروف ان بيت التمويل تعاملهم اسلامي
وبعد عندهم ميزه حلوه حتى لو كان الموقع مو ثقه تقدرين تكنسلين العمليه اللي تمت
يعني تدقين عليهم وتقولين لهم وقف العمليه ما ابيه يسحبون وعلى طول توقفينها
وبعد تقدرين تتاكدين من حسابج عن طريق النت
وفي حركة اختي تسويها لما تتعامل مع مواقع مو مضمونه ما تخلي بالفيزا مالتها الا مبلغ بسيط على قد الطلب يعني 50دينار بس بحيث انها تتاكد من الموقع اذا سحبوا اكثر من المفروض او سحبوا وما ارسلوا الاغراض
اتمنى اني اكون افدتج واي استفسار ثاني انا حاضره
السلام عليكم ورحمة الله وبركاته مشكورة اختي وجازاكي الله خير على الرد الشافي


الساعة الآن 05:53 .