Analysis Services
اختي Romanove كثير انا اعجبت بأمانتك وصدقك ماشاء الله عليك مع انك مندوبة التونيك ما حاولت تخبي حقيقة تجربتك بكل صدق الله يوفقك 000
وحلو الواحد يكون صادق مع الكل حتى لو على حسابه
وشكرا لصاحبة الموضوع لانها مهمة فالوحدة تحب تتعرف على تجارب غيرها
وشكرا لكم
29-02-1427 هـ, 10:57 صباحاً
 
السلام عليكم...

:: روح الــورد ::
أشكرج لانج طرشتيلي مسج عالخاص بخصوص كتابة تجربتي..
لاني ما شفت الموضوع وصارلي فترة طويلة ما قريت المواضيع...

بالنسبة لتجربة الشامبو والتونك.. انا استخدمته من شهر تقريبا... واكثر شوي..
وكنت استخدمه 3 مرات في الاسبوع.. وما استخدم له اي زيوت..
انا خذته لانه شعري كان متقصف وخفيف شوووووووي... عاد انا قلت ابا ها التقصف يوقف ويغلظ شعري ولو شوي..
وللأمانة شعري أصلاً طويل وناعم الحمدالله... وشعري من النوع اللي يطول بسرعة ولله الحمد...
"يعني مادري ها الزيادة في شعري سببها الشامبو والتونك او طبيعة شعري"
بالنسبة للتقصف الحمدالله ما استويت الاحظه بشكل كبير شرات قبل..
والغلظ... للحين عندي امل يغلظ ولو شي بسيط يعني ماشي ملحوظ...

وهذي تجربتي بكل صراحة...
تحياتي لكم
29-02-1427 هـ, 11:25 صباحاً
 
اقتباس مشاركة  (بنفسج2006)
و الله العظيم عمرج اطول من عمري
كنت ناوية افتح موضوع عن نتايج التونيك
بخبركم تجربتي و انا اسفة ما شفت الموضوع قبل الا لما الاخت روح الــورد طرشتلي لينك الموضوع

المهم تجربتي انا خلصت 28 يوم و استخدمته مثل التعليمات بالضبط يوم هيه و يوم لا حتى لما اكون تعبانة و متعايزة ما ودره و استخدمه

النتايج ابد هب نفس ما كنت متوقعه و لا حتى نفس الصورة الي حطينها بالموضوع

شعري ما طول بس للامانة انا ركزت على مقدمه الشعر و لاحظت ظهور شعر يديد و شوي طول الشعر الي من قبل " قصتي او الغرة " و اعتقد انها بلا تونيك كانت بتطول

اما اللمعه و النعومه من قبل انا ما شاء الله شعري جيه بس كنت اباه يطول و للاسف لا طول و لا شي
حتى قررت اشتري زيت رتاج بعد ما كنت متأمله خير بالتونيك
و هاي تجربتي و يمكن يختلف من بنت للثانية فياريت انشوف تجارب البنات الباقيات

حببتي انتي تقولين ان شعركي في المقدمة تغير و في الطول تغير يعني ان المنتج يناسبكي لو كانت النتيجة يعني بالصفر و لا شيئ لاحضتيه لا قلت لكي لا يناسبكي لكن في 28 يوم لما تشوفين تغير في الشعر يعني يناسب و اكيد في 28 يوم لا يطول الشعر ب 10 سم متل لزم الاستمرار لان النتيجة تبان بعد 28 يوم و الباقي مع الاستعمال و الزمان
29-02-1427 هـ, 01:33 مساءً
 
انا كثير سمعت عن التونك

بس للامانه ماجربته

ونشوف تجارب البنات
29-02-1427 هـ, 01:37 مساءً
 
اقتباس مشاركة  (بدرية1)
حببتي انتي تقولين ان شعركي في المقدمة تغير و في الطول تغير يعني ان المنتج يناسبكي لو كانت النتيجة يعني بالصفر و لا شيئ لاحضتيه لا قلت لكي لا يناسبكي لكن في 28 يوم لما تشوفين تغير في الشعر يعني يناسب و اكيد في 28 يوم لا يطول الشعر ب 10 سم متل لزم الاستمرار لان النتيجة تبان بعد 28 يوم و الباقي مع الاستعمال و الزمان
هلا اختي

يمكن فهمتيني غلط انا شعري موليه ما طول
بس قصتي " الغرة طولت اشوي " و اعتقد انها طبيعي تتطول بدون تونيك
و اشوي طلعلي شعر يديد عند القصة " الغرة "

انا كنت افتكر ب 28 يوم بيطول بنفس المقدار الي في الصورة الي حاطتها بالموضوع
ع العموم بكمل عليه و ان شاء الله يطول الشعر

و ارد اقول اعتقد يختلف من بنت للثانية يمكن حد يفيده اكثر عني بس انا نقلت تجربتي بامانه للبنات
29-02-1427 هـ, 01:50 مساءً
 


الساعة الآن 05:12 .