انا كان خاطري اعرف نتايج البنات في الطول
لانه مهم عندي وااايد
اقتباس مشاركة  (بنفسج2006)
و الله العظيم عمرج اطول من عمري
كنت ناوية افتح موضوع عن نتايج التونيك
بخبركم تجربتي و انا اسفة ما شفت الموضوع قبل الا لما الاخت روح الــورد طرشتلي لينك الموضوع

المهم تجربتي انا خلصت 28 يوم و استخدمته مثل التعليمات بالضبط يوم هيه و يوم لا حتى لما اكون تعبانة و متعايزة ما ودره و استخدمه

النتايج ابد هب نفس ما كنت متوقعه و لا حتى نفس الصورة الي حطينها بالموضوع

شعري ما طول بس للامانة انا ركزت على مقدمه الشعر و لاحظت ظهور شعر يديد و شوي طول الشعر الي من قبل " قصتي او الغرة " و اعتقد انها بلا تونيك كانت بتطول

اما اللمعه و النعومه من قبل انا ما شاء الله شعري جيه بس كنت اباه يطول و للاسف لا طول و لا شي
حتى قررت اشتري زيت رتاج بعد ما كنت متأمله خير بالتونيك
و هاي تجربتي و يمكن يختلف من بنت للثانية فياريت انشوف تجارب البنات الباقيات

استفسرت من المنتج عن النتائج التي لا تضهر بعد عندكي و انقل لكي الاجابة: احيانا تضهر النتيجة عند بعض المستعملات متاخرة يمكن ان تضهر بعد شهر و نصف او اكتر ان لم تضهر عندكي في 28 يوم لا يعني ان المنتج لا يناسبكي الله شهيد علي بما اقول وصلت لكي الامانة و اشكركي حببتي
مرحبا خواتيه..

سمحوا ليه على التطفل.. لأني أنا ما استخدمت الشامبو ولا التونيك..

بس ختيه رومانوف استخدمته.. وبصراحة شعرها وااااااااااايد تغير..

أنا اللي كل يوم أييهم حسيت بهالتغير.. وتخيلوا خوات ريلي يوم شافوها على طول يو وتخبرونيه ختج شو تستخدم لشعرها؟؟

قلت لهم ليش السؤال؟؟ قالوا شعرها واااااااايد تغير.. غدا في لمعة حلوة.. ونعومة.. والتقصف اللي كانت متطايرة أبد مالها وجود.. وقرروا ياخذون منه بعد..

وبصراحة.. حسيت وااااااايد فادها..

حتى قلت لها إن شاء الله باخذ منه..

بس أتريا شوي ألين ما أتفيج.. لأني إنسانة صدق عيازة.. وللأسف إني قصيت شعريه عقب ما شفت إنه ما من وراه أي فايدة..

وإن شاء الله تبين النتايج ويا الكل مثل ما بين ويا ختيه..

وعلى فكرة.. شعرها طول بعد شوي..

حتى أمي ذاك اليوم أحيدها مسكت شعرها قالت لها شعرج غلظ..

وسمحوا ليه جان إني طولت عليكم في الرد..
ورده ... ان شالله بتشوفين التجارب هنيه ..
بدرية 1 صح يمكن الشغله تاخذ لها وقت
شويقي .. مشكوره حبيبتي على نقل تجربة اختج .. مدري عاد اختج هيه والا ربيعتج رومانوف.
لا شكر ع واجب..

ورومانوف ختيه.. مب ربيعتيه..



الساعة الآن 03:21 .