السلام عليكم ورحمة الله وبركاته
بنات حواء والله إني محتااااااجه لكم حييل حيل
وأبيكم تساعدوني
جارتي ولدت أمس
وودي أروح أزورها في المستشفى بس ماأدري إيش أخذ معي
رحت لها اليوم زياره سريعه أول مادريت وخذت قهوة وتمر
وودي أروح مره ثانيه خصوصا إنا في غربه وأكيد تحتاج أحد يونسها
بس أبي أخذ معي شي يحمل عليه القيمه متعوب عليه
بس ماأدري وش الأكلات اللي تناسب النفاس
هذي أوووووووووووول مره أزور وحده والده في المستشفى
ماأدري وين راسي من رجولي
حطوا في بالكم إني مانيب طباخه ماهره
معليش طولتها وهي قصيره بس بغيت أشرح ظروفي عشان
ترحموني وتساعدوني بسرعه
تكفون يابنات

سويلها أكله دسمه مثلا مرقوق.
أو صينيه دجاج بالتوست مع شوربه..
أو صينه بالفرن شوفي المنتدى مليان صواني روعه أختاري وحده مع شوربه..
هذا اللي في بالي وبأذن الله البنات يفيدونك..


اللهم أغفر لأمي الغاليه وارحمها واجعل قبرها روضه من رياض الجنه ..قولوا آآآآآآآآمين..
سويلها حبيتي شوربة الشوفان لانه ممتازه للوالده وخوذى فطائر محشيه لحمه لاتنسين الشوربه حطي معه قطع لحمه وصلحي شاي زنجبيل بالدارسين الي هي القرفه كل الي قلته خفيف وراح يقوم في الواجب ممتازه وتصلح للوالده
حبيبتي ممكن تسوين عصيدة تمر

واليك الطريقه ........

تاخذين تمر وتعبين تقريبا نصف الخلاط بعدين حطي ماء حار اذا كان التمر نصف الخلاط ضعي الماء 3/4 يعني زياده ربع ثم حطيه في قدر وافضل التيفال عشان ما يلصق عليك بعدين ذوبي زبده وضعي ملعقه على التمر ثم انخلي دقيق اسمر بس ضعي الدقيق شوي شوي على التمر حتى يتماسك لكي الخليط لكن خليه ياخذ راحته في الطبخ يعني خليه على نار هادئه وضعي من فتره الى فتره ملعقة زبده حتى تلين لكي ..........

وهذي طريقه اخرى

ضعي كوبان من الحليب في قدر واتركيه حتى يغلي ثم اضيفي كوب شاي سكر واتركيه حتى يذوب ثم ضعي نصف كوب دقيق ثم حركي با ستمرار حتى يصبح الخليط كثيف واتركيه خمس دقائق وصبيه في حافظه للطعام ثم صبي عليه قليل من السمن وممكن وضع العسل لرفع القيمه الغذائيه في حال استغنيتي عن السكر...........


اتمنى ان اكون افدتك


واسأل الله لكي الجنه
الفجر البعيد
مشكوره ياقلبي بس مرقوق مره وحده أنا قلت مانيب طباخه ماهره
والصواني فكره حلوه شكرا ياعمري

mdry
مشكوره ياقلبي إن شاء الله راح أسوي شوربه
بس المعجنات أنا متعقده منها

المستعيذه من النار
ماشاء الله أفكارك حلوه ومناسبه جدا لوحده والده
إن شاء الله راح أطبقها
وأسأل الله لك الجنه

مشكورات حبيباتي والله يجزاكم الجنه جميعا


الساعة الآن 12:43 .