وكيف يتم تحديد الحد الاقصى للاقتراض؟ويعطيك العافية
29-02-1427 هـ, 10:41 صباحاً
 
الاسبوع الجاي فيه تطبيق لقرارات جديدة وعندنا السوق يتحكم فيه صناع السوق
ومانعرف كيف راح يكون تفاعلهم مع هذا القرارات
فالافضل ننتظر شوي الين نشوف حركة السوق وتأثير القرارات الجديدة عليه قبل الدخول
بس ان كان هدفك استثمار فماعليك خوف بإذن الله
29-02-1427 هـ, 01:51 مساءً
 
مره اسفه كان عندي اغلاط املائيه كثيره بردي السابق ولكذا ماكان كلامي مفهوم
بس اختي اذا انتي مستعجله عالمبلغ فما انصحك تفكرين ببنك ثاني لان الراجحي حتى يعطيك اخلاء طرف يبغى له ثلاث اسابيع ويمكن اكثر وهو معروف بهالحركه القذره يعني بيكرهونك حياتك لحد مايسلمون الاخلاء... بس لو مو مهم عندك الوقت فقدمي من الحين طلب اخلاء الطرف وانتظري لحد ماتستلمينه منهم وبعدها انصحك مباشره باخذذ تمويل شرعي من البنك الاهلي والي فيه ميزات مو موجوده بكل البنوك السعوديه اهمها لو حبيتي تسددين مبلغ القرض فراح يسقط عليك 85% من اجمالي ربح البنك للمده المتبقيه وهالعرض جدا ممتاز وانتي احسبيها موفقه حبيبتي
29-02-1427 هـ, 02:15 مساءً
 
ترى لما كنت اقول لك بيعيهم انتي بالصاله بدل مايبيعون هم لك الاسهم الي بيشرونها فهذا لانهم بيبعون لك باقل سعر والخساره من حسابك الراجحي ماراح تفرق معه
يعني الموظفه تسالك عن خيارين تبين البنك يبيع والا انتي تبيعين.. اوكي
طبعا انتي لازم تعرفين كل تفاصيل القرض من الى وتستفسرين قبل توقيع العقد حتى تكونين بالصوره... على فكره ميزه الراجحي انه وانتي جالسه يفتحون لك المحفظه على طول دامك بتاخذين من عندهم تمويل اسهم مو يعلون قلبك بفتحها زي كل البنوك... ومتى ماصار المبلغ بحسابك علمينا وبننصحك بافضل الفرص اذا الله راد وحبيتي تستثمرين بسوق الاسهم
29-02-1427 هـ, 02:26 مساءً
 
تحويل الراتب متى ماجهز اخلاء الطرف من الراجحي يعني يعتمد على الراجحي اذا عطاك اخلاء طرف وتاخذين اخلاء الطرف للوزارة علشان يحولون راتبك ويعتمد عالوزارة بعد
انا انتظرت البنك الاهلي شهر لحد ماشكيتهم وبعد الشكوئ عطونياه وغيري ماخذ معهم اخلاء الطرف الا يوم وبعدها وديتها للوزارة اللي انا تابعة لها واعطوني الوزارة ورقة موافقه تحويل راتب ووديتها لهم وهذي خذت يومين بس بعدها استلمت المبلغ من بكره من الهولندي
يعني كل تأخيري من البنك الاهلي لان ادارة الاهلي بجده
بعدين كل تأخيره فيها خيره والارزاق مقسومة كل واحد راح ياخذ حقه وراح تلقين فرصتك بالاسهم الجديده اللي راح تطرح انتي سوي اللي عليك واصبري


الاخت (طفلي) هو موضوع في منتدى البورصة السعوديه كنت اسوي بحث بالقوقل عن القروض وحصلت وحده في الردود تشرح الطريقة
http://www.sahmy.com/archive/index.php/t-2586.html

اما الحد الاقصى للقرض يعتمد عالراتب بالمقام الاول وعدد السنوات بس كيف تنحسب ما اعرف اتصلي عليهم وهم يقولونلك كم احسن

الاخت طموحة جداً من ناحية راح تكره نفسها صادقه بس الحياة يبغالها تعب وصبر انا غصبت نفسي عالتعب وتمرمطت وهواجيس كله من اخلاء الطرف اللي حومو كبدي منه هالاهلي التعبان اجل غيري يطلعه بيوم وانا بشهر هذا يرضي الله والا مخلوق والله كل ما طلعت من عندهم صحت اكلم الموظفة والعبرة خانقتني
بس كله يهون عشان النسبة الاقل والبنك الهولندي نفس الشي اذا حبت تسدده بالكامل قبل المدة ياخذون عليها قسطين اضافين فوق المبلغ الاساسي المقترض يعني نفس العملية وفي حالة وفاة لا سمح الله او عدم القدرة عالعمل يسقط المبلغ كامل
29-02-1427 هـ, 03:01 مساءً
 


الساعة الآن 02:14 .