السلام عليكم
حبيت انوه بشي مهم في موضوعي هذا وهو بخصوص الخلطات الموجوده بالمنتدى باختلافها للتبيض والتخفيف وزيادة الوزن ووووووووووو................
كلنا نعرف ان الاعشاب والطب الطبيعي لازم يكون من اشخاص فاهمين ودارسين هالعلوم والاعشاب حتى بخلطها تحتاج فهم ومعرفه خاصه
الملاحظ ان كل فتره تطلع بنت تقول هذي الخلطه تسويها حرمه وهذي يسويها عجوز وهذي...........المهم هل هؤلاء الاشخاص مؤهلون لهذا العمل؟
هل لديهم خبره وعلم؟
هل خلطاتهم موثقه ومعتمده؟
اغلب الاجابات لاااااااااااااااااااااااااااااا
اذا
ليش مايتم منع هذي الخلطات خصوصا اللي تنبلع وتؤكل لما لها من آثار ضاره اكثر اذا ماكانت مدروسه ومقننه
ليه ارواح الناس وصحتهم رخيصه عند اغلب من يسوي هالخلطات؟
كم مره سمعنا عن خلطات وقالو طبيعيه 100% وظهر فيها غش!!!!!!!!!
ولا كل من خلط اعشاب خلاص يعني صار مضمون طبيعي 100% ومافيه ضرر!!!!!
هذه علوم يدرسها ناس بجامعات وكتب وناس تخلطها بصحون المطبخ!!!!!!!!
ونشتري ونتوجع وبعدين نقول غشونا!!!!!!!
بعدين في اشياء يجهلها اغلب الناس حتى اللي يخلطون الاعشاب بكيفهم وهو ان لمعظم الاعشاب تداخلات كيميائيه ضاره مع بعض الادويه حتى البنادول
هل وجدتي تحذيرات من هذا النوع على خلطه شريتيها من عجوز او من بيت فلانه؟
لاااااااااااااا والسبب واضح
اتمنى ان تمنع هذه الخلطات باسرع وقت لمصلحة الناس وصحتهم
في النهايه اتمنى ان لايزعل مني احد وأنا ما اخص احد بموضوعي هذا ولا خلطه معينه ولا تاجره معينه والله شهيد علي بكلامي اني اريد مصلحة الناس وماابي ضرر من ورا هالشي لأحد كان والله من وراء قصدي
وسامحوني

ياالله ياكريم احفظ اخواني ووفقهم في دينهم ودنياهم وآخرتهم ووفقهم في عملهم ودراستهم وابعد عنهم الحسد والحاقدين واشغل حسادهم بنفسهم وارزقهم وعوضهم كل الخير واهديهم واصلحهم وارزقهم ببنات الحلال الصالحات وبلغنا فيهم يارب
انا مع الاخت نكوشه بكل كلمة قالتها واضم صوتي الى صوتها



الحمد لله انا مستحيل اشتري خلطه او كريم او زيت شعر ينباع بالدس

يعني خلطه ام ماجد او زيت رتاج او ما ادري وشو حبوب صينيه ولا زيت حشيش

كل هاي اشياء تخوف وانصح البنات لوجهه الله ما يستخدمون شي مب معروف

الواحد ما يستعمل كريمات التبيض مالت كريستيان ديور ولا لوريال والله اخاف من المواد الي فيها واسعارهم واسماءهم معروفه بعد بروح اشتري اشياء رخيصه ومب معروفه ليش انا عندي كم بشره ولا كم شعر عشان اجعد اخرب واجرب في عمري ايش دعوه فار تجارب


لا اله الا انت سبحانك اني كنت من الظالمين
وانا معاكم في كل كلمة اختي وانا ياما حذرت وايد بنات من هالخلطات
بس للاسف ماحد منهن يعتبر .............اهم شئ عندهم البياض المؤقت

اما باقي الاضرار والسرطانات مش مهمة بعدين.................

لاحول ولاقوة الا بالله ................
جزاكم الله خير
وان شاء الله الاقتراح يؤخذ بالحسبان
وفقني الله واياكم

ياالله ياكريم احفظ اخواني ووفقهم في دينهم ودنياهم وآخرتهم ووفقهم في عملهم ودراستهم وابعد عنهم الحسد والحاقدين واشغل حسادهم بنفسهم وارزقهم وعوضهم كل الخير واهديهم واصلحهم وارزقهم ببنات الحلال الصالحات وبلغنا فيهم يارب


الساعة الآن 04:29 .