Analysis Services
اقتباس مشاركة  (ويفر)
هلا اختي.. بغيت اعرف شو معنى
FOB NINGBO
بصراحه ما عرفت شو معناتها..اختصارا لشو..؟
طبعا لكل بلد رسوم لخروج البضائع من الميناء فالمصنع يوم يكتب لج هال العباره يعني الاسعار الي عطاج تشمل رسوم الضرائب وتحميل البضاعه من الميناء اقصد ميناء بلد المصنع
06-03-1427 هـ, 09:03 صباحاً
 
بالنسبه للمصنع الجلابيات الي حطيت صورته قبل هو يعرض الجلابيه على 55 درهم كسعر جمله وخذيت منه عينه القماشه حلوه والقصه حلوه بس مشكلته كانت انه مركب عليها شغل بالمخمل ما كان مثبت زين ..

هالمصنع لقيت بضاعته معروضه في دبي بسعر الجمله 85 درهم .. المحل مقابل مركز المنال بس ما اذكر اسمه
06-03-1427 هـ, 09:05 صباحاً
 
مشكوره يا الغاليه
وبارك الله فيك
06-03-1427 هـ, 03:02 مساءً
 
مشكور اختي طموحة بوظبي على هذا الجهد الواضح .. والله يكثر من خواتنا التاجرات اللي يحبون يعممون الفايدة على الكل وبدون مقابل ..

عندي سؤال .. كأني في موضوعج السابق قريت انج توردين لجلابيات هندية - مش متأكدة !! - فهل هذا صحيح ؟؟ وهل توردين لبضايع ثانية ؟؟ مثل ملابس الأطفال ؟؟ اذا صج يا ليت تطرشين لي صور عينات منها وتحددين لي أقل كمية ممكن الواحد ياخذ من عندج بالجملة والأسعار ؟؟ و طريقة التوصيل ؟ عشان أتجرأ وأبدأ بالمشروع اللي كان خاطري فيه من زمان !!!

لأني حابة أبدأ في هذا المجال من فترة لكني ما من النوع اللي ممكن يطلع وايد ويلف على البضاعة .. وبضاعة الهند وايد حلوة وسعرها حلو - دوم الوالد ييب لنا منها هدايا وبس ما له بارض ييب بضاعة -

موضوع النت وااايد حلو ومتأكدة انه بيساعد وايدات حتى ولو لغتهم ميح مثل حضرتي .. بسبب توضيحج المفصل بس يبالنا شوية جرأة .. أخاف يردون وما أدري شو يقولون وأورط عمري بسوالف ما أعرفها .. خلينا نجس نبض الزباين أول ونشوف نصلح لها السوالف ولا لأ ؟! يمكن عقب نتشجع للنت إذا مشى الحال وفقنا الله في المشروع .
06-03-1427 هـ, 05:28 مساءً
 
اختى طموحة بو ظبى جزاك الله خيرواكثر الله من امثالك بصراحه موضوعك شيق وفيه خدمه
كبيره للى حابين يشترون بالجمله من المواقع اللى انتى حاطتها وخاصه مواقع الجلابيات
وانا لى فتره اتابع موضوعك لان ودى اشترى بالجمله بعض الحاجات خاصه الجلابيات
وقمصان النوم لكن تقف اللغه حاجز دون ذلك فياليت لو تعرفين مواقع مترجمه للعربيه
تزودينى بها
اختى الموقع اللى قلتى يبيع الجلابيه ب55 درهم جمله ايش اسمه؟
07-03-1427 هـ, 12:28 صباحاً
 


الساعة الآن 06:56 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏