صباح الخيرات ويا هلاااا بهامورات عالم حواء

تصدقوون من زماااان ماكتبت موضوع بهالقسم وربي محتاسه الله يفرجها بس
بس اليوم جايه ونفسي مفتووووحه للدردشه والسواااالف
ومتفائله كثير بوضع السوق خلال هاليومين اذا ربي كتب
طمنونا عنكم بنات ان شاء الله المتعلقات خففو خسايرهم والجديدات استفادو من ارتفاع مابعد القرارات

بس قبل ما اكمل كلامي في عندي ملاحظه صغيييره ياليت ماتضايق احد..... يعني ماشاء الله المنتدى مليان مضاربات ومستثمرات وعضوات على خلفيه جيده بسوق الاسهم امثال الغاليه ام يوسف والمميزه حواء السعوديه ولا يهونون باقي البنات... بس مع كذا تقريبا كل المواضيع كوبي بيست من منتديات ثانيه وتوقعات كتاب ياصابت يا خابت... طبعا كلهم اقلام معروفه ومميزه ولهم خبرتهم بالسوق مانقول شي... بس بعد احنا عندنا عضوات لهم نظره بالسوق ويفهمون باسس التحليل الفني وقراءه المؤشر ويتباعون الاخبار ويحللون كميات العرض والطلب ويقدرون يفيدونا بوجه نظرهم بمواضيعهم هم
صح بنات ؟


نرجع لموضوعنا >> مطوله الاخت
انا الحمد لله دخلت السوق الاربعاء وبكره الصباح ناويه اجني الارباح و اعرض نص المحفظه (الخدماتي) عالنسبه لاني حاطه عيني على كم شركه ومحتاجه سيوله ومتوقعه وبناء على الي حصل اليوم ان بكره افتتاح السوق عالنسبه القصوى لكل الشركات الي قفلت اليوم بالنسبه وبتلحقها باقي الشركات بمختلف القطاعات.. بعدها بيكون في جني ارباح من خفيف الى متوسط وهو فرصه للشراء للي للحين برا وفرصه بعد للدخول في القطاعات الي بتتجزئ السبت

اسهم بتبدع الايام الجايه ان شاء الله
البلاد شراء بين 760 الى 770
اتحاد الاتصالات شراء بحدود 650
الصحراء شراء بحدود 400
المجموعه شراء بحدود 730
سافكو شراء بحدود 1000

اسهم راااائعه لمحترفات المضاربه
البحري %%
التعمير %%
تهامه %%



نصيحه:

السهم الي ناويه تشرين فيه اطلبيه بسعر النسبه نزول قبل افتتاح السوق الصباحي
وخلك لمده نص ساعه راقبي حركته بعدها ممكن تزيدين السعر لوحسيتي حركته جيده او يمكن تلغين الطلب بالمره او يمكن فجاه ينزل السهم للقاع ويلقط طلبك ويرجع يرتد
وهالطريقه كثير طبقتها وصابت معي بنسبه كبيره خصوصا بمثل هالايام والتذبذب لبعض الشركات صار بنسبه 20%



http://forum.hawaaworld.com/showthread.php?t=297079
على فكره بنات هالموضوع كتبته قبل سنه ويومين
ولهالحين اعيد طلبي فيه
04-03-1427 هـ, 03:05 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا والله وغلا بطمووحه

انا كم مره قلت لكم خبرتي دواجه بالمنتديات وبعض المصادر ومابعد اصير خبيره بمعنى الكلمه

لي سنه بالسوق بس مازلت اجرب واتعلم واخطط<<ام الخطط خخخخ

والى الان مااحس نفسي مؤهله للتحليل او التوصيات لان هذه امانه ومسؤليه مو سهله

وفي مثل هالوضع الرجال تخبطوا وحاسوا الدنيا

خبراء قدامى ومصادر قويه عجزوا عن فهم وضع السوق وشلون احنا اجل

احنا نجتهد بنقل المعلومات الي نشوفها ممكن تفيد الاخوات

واي شي جديد نتعلمه اكيييييييييد بنجيبه لكم على طول

فيه خطه بالطريق بس انتظر اني اجربها بشكل عملي عشان اجيبها لكم مع الدليل القاطع
04-03-1427 هـ, 03:26 صباحاً
 
شكرا اختي طموحه على هالطرح الرائع

بالنسبه لي لو ابي انقل موضوع او رؤيه او تحليل فأنا ابحث عن الاشخاص المميزين في اطروحاتهم و لهم نضره صائبه بحكم خبرتهم الطويله في عالم الاسهم و التحليل

ودائما لما انقل شئ يكون مذيل برؤيتي المتواضعه او بتوصيات ارى انها مناسبه وفيها ربح باذن الله

وبالنسبه للشركات الي وصيتي عليها راااااائعه وخصوصا المجموعه و سافكو واحب اضيف

سابك الثانيه و هي التصنيع
04-03-1427 هـ, 05:28 صباحاً
 
اختي وش تقصدين بهذي اسهم راااائعه لمحترفات المضاربه
البحري %%
التعمير %%
تهامه %%
ابي اعرف بس >>>>>>> تحب تعرف كل شي
04-03-1427 هـ, 08:08 صباحاً
 
يعطيك العافيه ....

والله يعننا و نقدر نرجع شي من خسايرنا ...
04-03-1427 هـ, 11:46 صباحاً
 


الساعة الآن 11:18 .