مشاءالله البنات ماقصرو كفو وفو
بس حبيت ازيد عليهم حراره الفرن مهمه جدا جدا لنجاح المعجنات
ونوع صنيه الي اتحطين فيها الفطائر احسن شي تفال الفرنسيه عن تجربه اقوال هالكلام لأني مره سويت فطائر وحطيتها بصنيه التفال وزادات كميه العجين وضطريت احط باقي عجينه الفطائر بصنيه تيفال بس ماهي اصليه يعني اي كلام يوم استوت الفطائر فرق الي بتفال الفرنسي صراحه خيال قطنه وصنيه الثانيه يساتر حصى شفتي الفرق مع ان العجينه وحده
الله يستر مااكون صجيت راسك
04-03-1427 هـ, 08:26 مساءً
 
شوفي يا قلبي انا خذت هالعجبينة من منتدى ثاني من وحدة يزاها الله خير ما اعرف اسمها,,

بس لها الفضل بعد الله اني اكون اشهر وحدة تسوي فطاير بالعيلة

جربيها وادعيلي لي ولامي بالصحة والعافية "وسائر نساء ورجال واطفال وشيوخ المسلمين^_^"

الطريقة والمقادير مع بعض:

جيبي ملة "بادية,,زبدية"كبيرة,,وحطي فيها :

2 كوب ماء
1كوب نيدو بودرة
فنجان"قهوة عربية"سكر
ذرة ملح
نص كوب زيت
وملعقتين "اكل" خميرة

اخلطيهم عدل...

حطي فوقهم:

ملعقة"اكل" بيكنغ باودر
و4 اكواب طحين,,

واعجني لين تتماسك العجينة,,

انقليها على سطح رخامي او طاولة او اي شي يريحج,,,

ورشي طحين..انا عن نفسي ما احط طحين,,,احط زيت واعجن لييييييييييييييييييين الله يشوفلي,,,

يعني تقريبا عشر دقايق اعجن,,,

بعدين احطعها في الملة وادهن وجهها بزيت واغطيها بنايلون عشان ما يصير وجهها يابس ,,

واتركها بتلاحظين بعد نص ساعة انها تخمرت وانتفخت ,,,

يوم تحسين انها اختمرت بما فيه الكفاية بس تراها ما تاخذ اكثر من ساعة الا ربع,,,افرديها واحشيها,,

تصلح للبيزا والفطاير والكرواسون والدونت وكل المعجنات اللي تتخيلينها,,حتى ممكن تسوينها خبز عادي...

طعمها لذييييييييييذ ..

ملحوووظة:
كل ما زدتي فالعجن كل ما انتفشت"انتفخت"..

ملحوووظة2:
الكوب اللي استخدمة هو قياس الكوب اللي يجي دعاية مع المراعي,,الماج الابيض ابو عروة ,,,

وهذا والله اعلم,,,

بشريني بالنتايج^_^

كحوولة
04-03-1427 هـ, 09:05 مساءً
 
ماشاء الله على اخلاص البنات في نقلهم الله يجزيكم الجنه 00

بغيت اعطيك طريقتي بس ما تختلف عن طرق البنات وهم مو فين الموضوع الله يعطيهم العافيه 0
05-03-1427 هـ, 12:13 صباحاً
 
بصراحه بنات المنتدى خوش بنات من جد ماقصرو وفو وكفو على( قولتهم) والله ادعيلكم من كل قلبي زبطت معي والا مازبطت وراح اجربها انشالله والرد عليكم.
05-03-1427 هـ, 03:18 صباحاً
 


الساعة الآن 02:13 .