السلام عليكم ورحمه الله وبركاته

الحمد لله ثبتنا موضوع عن شركات الشحن ومواقعها واسعارها

ولكن الان تواجهنا مشكله اعتقد ان التاجرات ومن تعاملن مع الزبونات في السعوديه أكتشفن الامر لكن الموضوع وللأسف لم يثبت كي يعرف الطرفين سواء التاجره او الزبونه اجور التحويلات البنكيه

يعني التاجرات بيحصلون منتج منافس وبأسعار منافسه ووقت الدفع نكتشف ان المبلغ الواصل اقل ب130 درهم عن السعر الاصلي !!! تفاجأتوا صح !!
أنا بعد مثلكم تفاجأت سرت اليوم اتخبر عن حوالات من السعوديه وأحصلها ناقصه المبلغ ويلست أسال ليه هالنقص واكتشفت التالي
اولا البنوك السعوديه ماعدا بنك ستانفورد ( أظن هذا اسمه ) ماعندهم تعامل مع بنوك الامارات فيوم تيهم حواله من عملائهم بيدفعوهم اجور التحويل اللي هي 20 ريال وعقبها بيطرشون المبلغ لبنك ستانفرد اللي عمولته كوسيط هي 100 درهم هذي 120 ريال
ومن توصل لبنك الامارت بياخذ اجور من المستلم 10درهم هذي 130 ريال
صدمه؟؟؟

والغريبه ان بعض البنوك بينقصون عنها 50 كعموله لبنك ستانفرد ( الحقيقه مابعرف اي بنوك بس لأحظت بعض الحوالات ناقصه اقل عن الحواله الثانيه فسألت البنك خبروني ان العموله على حسب البنك السعودي وهم مايقدرون يتحكمون فيه ) عجيب

وبهذي الحاله الطرفين التاجره والزبونه بيخسرون التاجره كمنافسه منتجها للاسعار+ انخفاض الطلب نتيجه لأرتفاع معدل الفائده
والزبونه فلوسها + منافسه البضاعه بالاسعار

وشـــو الحــــل ؟؟؟


هذا المطلوب :

بسأل التاجرات عن اقل عموله حصلتم عليها من بنك اوشركه وساطه تعاملتم معاها بالتحويلات ؟؟

وفي وساطه وسترن يونيون في السعوديه هل تعرفون كم عمولتها ؟؟

اتمنى التفاعل بالموضوع لما فيه مصلحه الطرفين

والشكر مقدما

ام حسين

مو بس عندكم للامارات حتى عندنا للبحرين...!
مرة نقصت فلوسي بالضبط 80 درهم والمرة الثانية عشرين..
العشرين تهون بس الثمانين درهم!!
وانا اتصلت البنك اتاكد قالوا هذا اللي وصل لنا.. والبنت تتصل ببنكها قالوا طرشنا المبلغ كامل.. ومن جرف لدحديرة وياقلبي لا تحزن وللحين مو عارفين الخلل وين!! فاحسن لبنات السعودية التحويل من محلات ويسترن يونيون او من اي محل للصرافة حفظ للحقوق..
تحياتي لصاحبة الموضوع على التوضيح.. ويعطيج العافية..




لا إله إلله وحده لا شريك له.. له الملك وله الحمد وهو على كل شيء قدير..
هذه الحركة صايرة معاي من الخليج ككل يوصلني المبلغ ناقص 30 ريال واحيانا 50

وانا ما اطالب البنت فيهم بس الحين بخيرهم بخيارين

الارسال على الويسترن يونيون او اضافة 50 ريال على المبلغ الإجمالي .

أعوذ بكلمات الله التامة من كل شيطان وهامة ومن كل عين لامة
الهي اعطهم ضعف ما يتمنون لي خير أو شر
انا من الامارات و عن تجربة استلمت فلوس من اخوات بالسعودية و كان المبلغ كااااااااااامل و انصح الاخوات من الامارات و السعودية بالتعامل بين بنكي الراجحي السعودي و بنك ابوظبي الاسلامي بالامارات بينهم اتفاقية تعامل.... اي فلوس تحول من بنك الراجحي تدفع العميلة الرسوم 20 درهم فقط و تستلم المستلمة من الامارات الفلوس كاملة لذلك الحين انا افضل زبوناتي من السعودية يكون عندهم حساب ببنك الراجحي....لم اجرب ان احول انا من الامارات للسعودية لاعرف هل المستلمة بالسعودية تستلم الفلوس كاملو ام لا.........
اما الويسترن يونيون فرسومه بالسعودية 80 ريال اذا كان المبلغ اقل من 1000 ريال وتصل الفلوس كاااااااااااملة لا تنقص فلسا.... واعتقد الويسترن يونيون موجود عندكم ببنك سامبا...........
و الحين بنزل موضوع كامل عن هذا الشئ لتعم الفائدة




الساعة الآن 10:31 .