السلام عليكم ورحمه الله وبركاته

هلا والله بمون لوفر ( أسمج حلو )
الغاليه حنا تاجرات على قد حالنا مثل مايقول وانا عن نفسي اول مره بتاجر فاذا البنك خذ كذا مبلغ وحنا العموله اللي حاطينها 15 درهم يعني مع هذا نكون خسرانين على البضاعه اكثر من الربح ؟؟؟
وحنا هنا ننافس بالاسعار الا عسب نفيد البنات ونستفاد بعموله بسيطه
بس مع هذي البنوك والحوالات والمصاريف الله يساعد الزبونه والتاجره على الخساره

والمشكله أننا مانعرف الخلل وين وعلى قولتج
اقتباس مشاركة
من جرف لدحديرة وياقلبي لا تحزن وللحين مو عارفين الخلل وين!!
وياليت البنات اللي تعاملوا مع الوسترن يونيون يخبرونا عمولتهم كم بس عشان نعرف بالمرات اليايه ونخبر الزبونه قبل لاتتورط

يعافيج اختي والف شكر على المرور والتعليق
حياج الله


هلا وغلا بفراولة سويت (يم يم يمي )
شحالج اختي
أنزين اذا كان المبلغ اكثر عن ال50 شو بنسوي نحن ؟؟؟
وحنا مانبغي نزيد على البنات وحليلهم
والله هالبنوك غربولنا
مشكوره اختي وماقصرتي
حياج الله


هلا والله بعنبر ( هبت الروايح الغاويه )
أنزين اختي واللي ماعندها حساب ببنك ابو ظبي بعد نفس الشي او البنات اللي ماعندهم حساب ببنك الراجحي ؟؟
ياليتج تخبرينا اذا تعرفين
وماقصرتي الغاليه
صج بتخبرج بنك ابو ظبي الوطني ولا الاسلامي
مشششششششكوره اختي


هلا والله بمليكة القلم
اختي عندنا الصراف الانصاري هو الوسترن يونيون وهذا بياخذ بيزات التحويل مقدم اعتقد ( حسب علمي ) الا اذا كانت البنت ماتعرف وماتخبره انها تبغي تحول المبلغ كامل مثلا 300 درهم الصراف من نفسه يقتطع اجور الصرافه من المبلغ نفسه ويحوله والبنت ماتدري تتحسب انها دفعت المبلغ كامل !!
صراف لاري اول مره اسمع فيه ؟؟؟
لاحظي كشف حسابك تره البنوك اللي تحول لها بعد تقطع من التحويل ( هذا اللي صار معي ببنك الامارات اخذوا عني 10 درهم اجور فممكن عندكم نفس الشي )
زمعاج حق حنا اللي ننفع البنك وماشي ضمان لنا
الله يعين بس
حياج الله الغاليه



مرحبا ملايين بـ !i!i!باربي!i!i!
هلا والله الشيخه
أنزين اختي ياليت تخبرينا كم رسومهم عسب نعرف ؟؟
مشكوره الغلا
وحياج الله



هلا والله بتوته الحلوه
شحالج الغاليه
يختي انا بعد متأكده من البنات اللي طرشولي وبعد وحليلهم طرشولي حتى صوره عن الحواله وخذتها للبنك اتهموا بنوك السعوديه ان التقصير منهم وبعد البنك عندنا ياخذ على الحواله 10 درهم
أنزين انتوا ماخذين من البنت في السعوديه وبعد بتاخذون مني والله انها حاله
والله بعد ماشي عندنا غير الوسترن يونيون ... بنفك أعمارنا
مشكوووره اختي



هلا والله بهدهد
يختي ان كانك اتصلتي انا سرت للبنك لني مليت من تحويلات الانسر مشين وتهت فيها وبطلب الخدمه يقولولي ردي اتصلي بنفس الرقم واتبعي الخطوات الين سرت لهم للبنك وافتهمت على البنك الوسيط ...والله انها حاله يرثى لها
الله يساعدج اختي ويطول صبرج عليهم
حياج الله الغلا


أم حسين
هلا والله بالغاليه

عاد والله اللي ارسلت من الانصاري ماكده عليهم انها تبغى يوصلني المبلغ كامل 400 ريال ودافعه رسوم تحويل، لكن وصلني 385 ريال فقط

واعتقد انه السبب من بنوك السعوديه مع انه محول لحسابي بس اعتقد بين الانصاري فيه وسيط والانصاري ما يرسل دايما ويسترن يونيون في عنده عدة طرق للحوالات وهي حولت على حسابي بالراجحي لكن وصل ناقص رغم انها ماكده عليهم يوصل كامل!!
واعتقد في صرافه وسيط بينهم وبين الراجحي هم اللي يقتطعون مبلغ
بس مفروض يخبرون اللي تحول عن هالشي عشان تتلافى مسألة نقص التحويل

واعتقد المشكله تبقى مستمره الا ااذا الكل حول على الويسترن يونيون فقط مع اني اشوفه غلبه بعض الاحيان والتحويل غالي بعد عن طريقه بس اذا صارت باقي البنوك لها وسيط وتبي تتكلف البنت اكثر من الويسترن يونيون يبقى خلاص خليهم على الويسترن يونيون افضل مادام صارت التكلفة واحده
خواااتي جريوا الانصاري للصرافه...وياخذو عموله 30 درهم
عندهم فرع في جده-اسمه صراف العمودي-ورقمه 6474545
وكذلك يتعاملون مع البنك السعودي الامريكي...وعمول هم حسب قيمة الحوالة مثلا لو 500 درهم ياخذوون 55 درهم عموله....

والله يعينا حنا التاجرات....
هلا الغاليه كل الغلا 99

ايوه هو هذا صراف العمودي
انا البنات اللي بالامارات لما يرسلون لي من الامارات على الراجحي يرسلونه من صرافه الانصاري وياكدون على الانصاري انه توصل الحواله كامله ويدفعون الرسوم لكن لما توصل على حسابي توصل ناقصه حوالي 20 ريال ولما شفت التفاصيل لقيت انه واصلتني من شركة العمودي للصرافه
يعني العمودي يقتطعون مبلغ ثاني غير اللي يقتطعه الانصاري!!

اجل اذا الانصاري ياخذ نسبه
والعمودي ياخذ نسبه
طلع نفس سعر نسبه الويسترن يونيون اجل الويسترن يونيون احسن واسرع

والف تحيه يا الطيبات
مليكة القلم
الغاليه ماتقدرين تستلمين فلوسج عن طريق الانصاري....من غير تحويل الى رقم احسابج؟...عشان العمولات تكون اقل وماتخسرين عمرج....


الساعة الآن 09:54 .