بصراحه انا اذا البنت طلبت وحددت وحسبنا التفاصيل وكل شي خلاص اترك بياناتها اذا ارسلتها على ورقه اذا ماردت خلال اسبوع اكنسل الطلب ولا احجز ولا شي ومريحه بالي لا اراسلهااقولها تبين ولا هم يحزنون اللي راغبه بترسلج من نفسها تقولج عندي ظروف ماله داعي اراسلها عشان اذكرها او اجبرها وكل بنت ولها ظروفها بس انا هذي طريقتي مافيه شي اسمه اجبار انها دام دخلت الخاص عندي وطلبت انها تشتري وانامعاج تعب بس انتي سوي نفسي الطلب اللي يصيرله اسبوع وماترد مسحيه من الخاص وريحي عمرج
07-03-1427 هـ, 11:22 صباحاً
 
يعنى كلنا لنا نفس التجارب ونفس الردود بالتالى مايمنع ان التاجرا تسال التاجرا الاخرى هل تعاملت مع صاحبة الاسم هذا اذا تم التعامل كان بها لان فى بنات بكميات يطلبوا انا بالنسبه لوضعى لا بد من انى اعمل اتصالاتى للسؤال عن اسعار الجمله وانى اجيبها رخيص بس النتيجه ان الزبونه ماتترك خبر نهائى او حتى على الاقل اتقول بطلت وعلى فكرا انا من النوع اللى مايفرض نفسه الزبون ولا يحاول يتودد له السوق عرض وطلب ناس تعجبها وناس لا بالتالى الوقت والجهد اللى اقضيه للوصول الى ارضاء الزبونه لابد ان يكون له حد معين وتالى خلاص على سبيل المثال واللى صار معاى انى اضيفهم على الماسنجر على اساس انى اختصر وقتى بارسال الرساله ولانى انا حسيت انى اتعامل مع شخص جاد و الكلام مرتب بس للاسف ماتكتفى بالطلب بل تتطور الى الحياة الشخصيه طب ليه ما اتفى ان صارت لى علاقات طيبه على النت والله مثل الاخوات بس ناس بالاسابيع سوالف سوالف يعنى فكرة الاضافه على الماسنجر ماهى صح بالعكس ممكن تضر اكثر بالتالى طالما الزيون عرفت الاسعار والتفاصيل اللى تبيها الى هنى وخلاص مايمنع ان يكون بينا استفسارات احنا التاجرات عن صاحبه النك فقط لمعرفة هل تم التعامل من قبل وااذا اماصار يبقى لى انا القرار فى قبولها او رفضها الفكرا مثل ما الزبونه اتخاف اتها تتعامل مع بنات يدعون التجارة احنا ايضا لنا الحق كتاجرات بمعرفه من الشخص اللى نتعامل معاه وكل يصب لاستفادة الجميع سواء كان زبون او التاجراسواء سلبى او ايجابى يعنى لو وحدا من التاجرات سالتها زبون عن كل مايهما وخلاص تمت البيعه تسجل التاجرا فى ورقه اسم النك من الناحيه الاخرى حتى لو ماتشترى منى نفسها الزبونه بس انا اعرف انها جادا على الاقل فى السؤال بدل ما اضيع وقتى مع زباين يلفون ويدرون اركز جهدى ووقتى مع زبون جاد لان كلنا كتاجرات على الاقل صارلنا معرفه بالاسلوب وطريقة طرح الاسئله من قبل الزبون فالسؤال هل تقبلون انى انا كتاجرا مسجله فى المنتدى انى ارسل لكم رساله استفسر فيها عن صاحبة النك على سبيل المثال تعاملتى معاها من قبل او لا هل تم عقد صفقة ام لا ؟وحتى الاسئله تصير قصيرة ووواضحه هو اقتراح لمنفعه التاجر اذا تم خير وبركه اذا صار فى تخوف من قبوله لاى سببب كان او حتى من غير سبب كمان ما فى مشاكل لان هى مجرد فكرا نسعى بها للتنظيم شكرا مرا اخرى
07-03-1427 هـ, 04:49 مساءً
 
اختي الغاليه
تسلمين على الموضوع والاقتراح
اختي انا معاج انه في وايد بنات يحبون يضيعون وقت ومن خلالنا احنا يضيعون وقتهم
اختي عشان تريحين نفسج حطي كل التفاصيل بالموضوع
والي تطلب منج التفاصيل كتبيلها انه التفاصيل بالموضوع
وخلاص انسي موضوع المشتريه لأنها موجاده
وبجذي بيكون اريحلج

واختي بخصوص الاقتراح راح يضرنا اكثر من انه ينفعنا
لاءنه مثلا موشرط البضاعه الي عندي تعجبها ويمكن بضاعتج تعجبها وتشتري
واي تاجره بتي تسئلني بقول لاء بس تتسلى وبتي تسئلج بتقولين لاء جاده وبجذي راح تزيد الحيره بالتاجره

وهم في نقطه مهمه
بعض المشتريات ادش الموضوع وفي صور بس تقول الصور موطالعه وتي الي بعدها ونفس الطريقه الصور موطالعه والي وراها والي وراها

وبعدين يبوني ادز الصور على الخاص
كأنه الموضوع وايد سهل ني ارد احط الصور وادز حق كل بنيه
بصراحه يوم اشوف هل ردود اتضايق وايد
ليش يستهترون فينا

واختي السموحه من خلال موضوعج بقول نقطه وايد مهمه
وتخص البنات وبشكل اخص التجارات

وايد في تاجرات السموحه تلف ودور مع تاجره ثانيه

يعني عاجبتها بضاعتها وتبي منها وتبي تاخذها بنفس سعر التاجره الاولى
وااااااااااااايد صادفتني هل مواقف

ادزلي رساله على انها تبي تشتري مني وتبي اتاجر بالدراريع
اضيفها بالمسنجر عندي
وتبدى تسئلني من وين تشترين دراريعج انتي تفصلينهم ولا جاهزين
من اي مجمع تشترينهم
عندج خياطه
عندج موديلات يدد
دزيلي اياهم(تطبعهم وتسوي مثلهم)
انا بي لكويت ادليني من وين تشترينهم
والي تراسلني على انها تبي شغله اوصلها لها من الكويت
وبعدين تطلع تبي تي لكويت وادليها على كل شي انا ابيعه

خواتي التجاره شطاره وكل تاجره لها سريتها يعني من وين تيب البضاعه وبجم

ولويحصل لها تقولي ابي مثل بضاعتج وبدون ماتاخذين مقابل

وواحد من المواقف الي صادفني وحسيت اني طيبه وينقص علي
وحده من البنات ضفتها على اساس انه تبي تشتري من دراريع
ويوم ضفتها ابي موديلات غريبه دزيلي صور وابي وابي دزيلي
وبعدين يوم تسولف تقولي انا اصمم دراريع وابيعهم وانا ماادز الصور واريهم اياها بالمسنجر عشان مايبوقون اميلي

تخيلووو رضتها علي بس مارضتها لنفسها
ووايد مواقف

فخواتي خلونا نحب لكل البنات نفس مانحب لنفسنا


واسفه طلعت عن الموضوع
تحياتي
كويتيه
08-03-1427 هـ, 01:35 صباحاً
 


الساعة الآن 04:56 .