عملت بنصيحتكم وقرأت سوره البقره ، والآن افكر بقتل نفسي......

ملتقى الإيمان

السلام عليكم


انا كتبت مشكلتي من فتره على هذا الرابط

http://forum.hawaaworld.com/showthread.php?t=513388


والبعض نصحني بقراءه سوره البقره وبالفعل بديت من امس بقرائتها بس انا اليوم في حاله ضيق شديده ،،
صداااااااع فظيع جسمي متكسر ،،
كارهه الدنيا ،
ابي اصرخ ابي اكسر كل شي ،
ما ابي زوجي ،
ما احبه ،
اقوله ما ابيك تقعد وياي اطلع ما ابيك،
يأست احس ماله داعي ادعي ربي يفرج همي ،
خلاص مافي فايده اموري ما راح تتيسر ،
ليش اصلي وغيري يعصي ربه ويتوفق؟؟؟


استغر الله بس انا متضايقه مليون فكره وفكره سلبيه في بالي ، خايفه اكفر

اطق على الكيبورد بقوتي كلها، ابي اكسر الكمبيوتر ، ما اعرف شنو صادني،، ابكي بحرررررررررقه ، مو عارفه اكلم من، مو قادره انام

يتخيل لي اني لو اقتل نفسي راح ارتاح ، بس عيالي من لهم؟


قبل اذا اتضايق اقرأ قرآن او ادعيه ، بس الحين ما ابي اقرأ


كل اللي وصفته ما ينقل لكم اللي انا فيه، اكره الناس ، اكره نفسي

حتى تنفسي غير ، حاسه بثقل على صدري ،، اروح لأمي مافي فايده

شاسوووي؟؟؟؟؟؟ ما ابي اصلي قيام الليل ، قبل كنت اصلي امس صليت بس الحين ما ابغي اصلي .......


آآآآآآآآآآآآآآآآآآآآه ابي اكسر اي شي،، ابي اصرخ



يا ربي استغفر الله ، بس هذا اللي يصيدني .....

اكيد ربي ما يحبني ، عصيته كثير ، وانا اتعاقب على اللي سويته ،، اي اكيد


وين ارووووووووح؟؟؟؟؟؟؟ وين الحل؟؟؟؟؟؟؟ شاسوي؟؟؟؟؟؟؟؟؟؟
31
2K

يلزم عليك تسجيل الدخول أولًا لكتابة تعليق.

تسجيل دخول

غابريال
غابريال
الله يعينك يارب
ويشرح قلبك
ماقدرت اطلع بدون ماادعيلك وان شالله البنات يساعدونك
alryan_g
alryan_g
حبيبتي انا والله تضايقت من اللي قلتية .......وسعي صدرك ......انتي الحمدالله متزوجة والله رزقك بالاطفال ودايما تذكري ها الشئ لانها نعمة من رب العالمين
بس لو تروحي لشيخ يقرا عليك شوية ومو شرط تقرين سورة البقرة بالذات ......اقرأي الصور اللي تحبينها المهم ترتاحين
انا عارفة يمكن تحسين اني رايي مادخل مزاجك بس صدقيني الحل بايدك
الذاكرات
الذاكرات
أختي العزيزة :

إتقي الله فيما تقولين أما تخافين من عقوبة لا تخطر على بالك ِ ؟؟؟
أنتِ مسلمة ولله الحمد والمسلم لا يجزع من أمر الله
نحن نلجأ إلى الله في جميع أمورنا
أنتِ ياأختاه لم تحققي صدق التوكل عليه
كان همّكِ فقط تغيير الوضع بأسرع مايمكن وإيجاد الحل لمشكلتكِ
فالواجب عليكِ الدعاء بإخلاص والصبر والإحتساب


أختي الفاضلة :

كل أمر المسلم له خير
إن أصابته سراء فشكر كان خيرا له
وإن أصابته ضراء فصبر كان خيرا له
وليس ذلك إلا للمؤمن
~¤§الآآآآســـره§¤~

الله يكون في عونكم ويفرج كربكم ويرزقكم من حيث لا تعلمون

"وقلت استغفروا ربكم انه كان غفارا -يرسل السماء عليكم مدرارا- ويمـــــــــــــددكم بامـــــــــــوال وبنين ويجعل لكم جنات ويجعل لكم انهارا"

استغفري ليـــــــــــــل مع نهـــــــــــــــار

ليـــــــــــــــــل مع نهـــــــــــــــار

واجعلي نية الاستغفار بالشي اللي تبغينه يتحقق وظيفه او فلوس او تفريج كرب او اصلاح زوج
مع اليقيـــــــــــــــــــــــــــن ان الله بيستجيب

يعني ادعيه وكانك تشوفين نتيجة دعائــــك ماثله امامــــــك

ما يكفي تدعين

لااااااازم اليقين بالاجابه

ولاااااااازم تحتسبين الاجر في كربتك عشان ما تصير كربه وضياع اجر

يعني تخسرين الدنيا والاخره بياسك

الله يفرج كربك من حيث لا تعلمين
%طوق الياسمين%
يااختي اصبري واحتسبي الاجر
استغفري وارجعي لله
صدقوووووووووووووووووني السعاده بالطاعه والايمان
الله يرزقنا السعاده في الدنيا والاخره
والدليل على كلامي الرسول صلى الله عليه وسلم لم يكن لديه من حطام الدنيا شي
ومع هذا سعيد وزوجاته سعيدات
انتي تشوفين فلانه وعلانه رددي في قلبك لكم الدنيا الفانيه ولي الجنة الباقيه
وان شاءالله ربي بيرزقج الجنه بصبرك قال تعالى واستعينوا بالصبر والصلاه
يااختي ترا الدنيا ماعليها مستريح
كل الناس عندهم هموم ماتنتهي
بس الي يفرق بينهم الي يصبر يؤجر ان شاءالله والي يجزع امره الى الله
الله المستعان وحده وعليه التكلان