السلام عليكم ورحمة الله وبركاته

بنات ترى انا غيرت رقم موبايلي

الرقم القديم قطعته

طبعاً من اليوم ورايح اي بنت بعطيها رقمي (( وبكون حريصه جداً جداً )) بكتب اسمها عندي عشان اعرف حركات النص كم من وين اتيي

وما استقبل مكالمات نهائياً الي حابه تطلب شي اطرش لي مسج فقط

لان في بعض من البنات يتصلون في اوقات غير مناسبه ويزعجوني

لذلك خلاص قررت اني ما ارد على المكالمات ،، والي عندها استفسار ضروري وما ينفع الرد عليه الا انها تكلمني اطرش لي مسج وانا بتصل لها

وبالنسبه لارسال الطلبات

اتمنى من البنات الي يحولون لي يمهلوني يومين بالكثير

لان مثل ما انتو خذتوا وقتكم الكافي لارسال الحواله انا بعد محتاجه اني افضي نفسي لارسال الطلبات

لاتنسون الاجازات الرسميه

ان شاء الله محد يزعل من كلامي

بس وايد اشياء صارت في المنتدى خلتنا ناخذ الحيطه والحذر


وتحياتي للجميع(( روعة الإحساس ))
للرفع
والله عين العقل يا الغاليه
وبصراحه انا اشوف انه الرسايل الخاصه ومسج التلفون كافيه جدا للتفاهم وللاتفاق ولاي شي ثاني وحتى اوفر لها للزبونه

بيني وبينك حركات نص الكم اللي يسوونها البعض ايش نقول بس الله يهديهم

ونتمنى البنات كمان يقدرون بالنسبة لاوقات الاتصال لانه الواحده ممكن تكون متزوجه ممكن يكون وقت راحتها يعني معروفه الاوقات اللي المفروض الواحد ما يتصل فيها وخاصه الظهر وفي الليل متاخر، يمكن تذهب الغدا او نايمه لانه هذي بنت قاعده ببيتها مو شركه مفتوحه طول الوقت وخدمة عملاء !!

الف تحيه حبوووووووبه
تسلمين اختي على هالكلام .. ياليت ينفع هالشي
الغاليه يعطيج الف عافيه
وأريح لج انج تحددين يوم فى الاسبوع أطرشين الاغراض للبنات
وترتاحين وتخلصين شغلج الغاليه


الساعة الآن 03:32 .