السلام عليكم
مثلما يحرصوا الاخوات العضوات في معرفه من الموثوق من التاجرات من الغير موثوق فيهم ....

فايضا نحن كتاجرات لنا الحق في معرفه من العضوات اللاتي يماطلن في ارسال المبلغ بعد استلام طلبيتهم

او يطنشن بعدها او يتاخرن في السداد


كل واحد نعم له ظروفه الخاصه ... فيه عضوة مثلا تعتذر عن تاخرها في ارسال المبلغ لظروف وتسامحها التاجره لكن لما الوقت يعدي اكترر بتبقي العمليه زادت عن حدها
وهذا هو الغير مقبول

...................................

ياريت التاجرات يتفاعلون معي ويشاركوني في وضع قائمة سودا او زي مابنسميها البلاك ليست للعضوات اللي تعاملن معاهن وكانوا للاسف غيررررر ماكنا متوقعين
خاصه ان بعض التاجرات منا ممكن ترسل الطلبيه قبل وصول المبلغ لها



وده هااااااااااااام جدا بالنسبه لنا كتاجرات حتي لاننخدع اكثر من مره .........
حبيبتي فيه مواضيع العضوات حطوهم لافضل التاجرات والناس الثقه
ماعتقد فيه موضوع للتاجرات في اللسته السوده
ولا صارت مصيبه
واعتقد ماله داعي لمثل هامواضيع لانها بتسوي مشاكل ومنتدى العروض روحه مب ناقص
والسموحه اختي على هالمداخله
صحيح مافي داعي لها الموضوع والله سبحانه وتعالى

أمرنا بالستر مهما كان

الله يوفق الجميع
هلا اختي :

موضوعك ممكن يكون فيه نوع من الأحقيه ، بس مثل ماقالوا الاخوات ممكن يثير مشاكل .
هذا بالاضافه ان موقعك كتاجره يحتم عليك معرفة نفسية الناس والصادقه من الكاذبه ، وايضا مافي شي يلزمك انك تحجزين بضاعه أو ترسلينلها من غير ماتضمنين حقك ، هذا من وجهة نظري .

يعني مع الوقت راح تتأقلمين وتعرفين الجاد وممكن تحطين شروطك للي حابه تتعامل معك . الحجز يكون بدفع عربون او المبلغ .

والبنت الغير خلوقه ماراح يردعها تكون بالبلاك ليست ، لأن اسهل ماعندها تغير اليوزر نيم وتطلب من جديد . يعني مافي فايده .


انا شخصيا كثير عندي بالقائمه السوداء ، بس والله ماتذكرهم ولا يجون ببالي ممكن أول مابديت التجاره كنت شايله بقلب وكانوا يجون ببالي ، الحين عدي واغلطي عددهم كثير مجرد يرسلون رساله واحس بعدم جديتهم ارسلهم رساله بالمقابل وأحذف رسالتها الين ماتثبت العكس . وخلاص اصلحلهم ديليت من كل شي عندي .

وكل ماكانت لك سمعه بالمنتدى صار البنات يحترمونك واغلب اللي يجونك جادات .

والله يجازي الكل ويعطيه على قد نيته ، حتى اللي يضيع وقتك بأسئله مالها داعي وهو في نيته مايبي يشتري ، الله يجازيه .



وبالتوفيق لك .


الساعة الآن 06:43 .