السلام عليكم ورحمة الله وبركاته
بخبركم ...بسالفه صارت امس بمستشفى بدبي..كان عندي موعد هناك ولا اشوف لكم وحده اهلها يابينها ويها محمر كانها كانت حاطه ي على ويها عفانا الله ..المهم عاد جاسني فضول الاعلامي وقلت يالله بحصل خبر الحين ونسيت موعدي وتميت اراقب النيرسات وهم يركضون يمين ويسار المهم شفت ام البنت وهي تصيح على بنتها المهم سالتها شو بلاهلا بنتج عاد هي خبرتني انه بنتها من فتره مشتريه كريم للتبيض من وحده من البلاد وكانت تحط منه نقطه نقطتين كل يوم ويهها اتحسس من البدايه بس خبرتها الحرمه ما عليه هذا يعني الكريم اونه يسوي مفعوله الحين ...وتمت البنت الا كل يوم تحط منه نقطه زياده وامسات تبا المفعول يصير بسرعه حطت الكريم على ويها وفركتها...الا التهب الويه كامل وصار لها نوع من الحروق ...وشفت الدكتور هناك يهزب البنت ويقولها انتوا ما تيوزون من هالكريمات كل مره تجينا وحده عندها مشكله بالكريمات التبيض...المهم حبيت اخبركم عن السالفه للي مازالت تستخدم ادورها ابرك لها...



ام سيف




[]
مشكوووره الغاليه على القصه المعبره
اللهم الهدايه و رضا الله الوالدين و الزوج

اللهم يرزقني الذريه الصالحه
والله صدقج يالغاليه
ها الكريمات ما منها فايده
وللعلم انا سألت من فتره الصيدلي عن مفعول ها الكريمات اذا كانت راح اتظل ولا لا بعد التوقف عن الاستعمال.. قال لي ان الكريمات بمجرد ما انج تتركينها يرجع لونج الطبيعي بعد 3 أشهر من ترك الكريم وهذا بالنسبه لجميع كريمات التبييض ما عدا الي تحتوي على نسب عاليه من الزئبق فاهي اتثبت اللون بس اتسبب في الامراض الجلديه وبعدها سرطان الجلد في المستقبل.. الله يبعد عنا هاالامراض..

اذا الكريمات الي موجوده في الصيدليات شي عيل كيف عن الي مصنوعه في البيوت ..أقول يا بنات ترا مافي أحلى من السمار ..... وخل عنكن ها الاشياء الي مافيها غير المضره.






مشكووووورة واتمنا الكل يستفيد

والي تنبا تستخددم كريمات على الاقل اتكون على اتصال مع الدكتور المختص وتاخذ شي باشراف طبي
السلام عليكم

لاحول ولا قوة الا بالله...الله المستعان..الكل يركض ورا هالبياض بس ما يفكرون بالعواق الوخيمه اللي بتصير لهم بعدين...

والمصيبه الاكبر ..أبر التبيض المزعومه انها تبيض الشخص..وهذا كله جذب في جذب ...الهدف من وراء هالابر كسب المال فقط...وما اعتقد مرخصه من قبل الوزاره...واكيد فيها بلاوي مثل بلاوي هالكريمات

وشكرا لانج خبرتينا بهذا الشي لان في ناس ما تقنع مهما تقولين لها...بس يوم يصير شي ذاك الوقت يفكرون بالكلام اللي قلناه

تحياتي
حقوق التصميم محفوظه لدى @ ريمي الصغيره


الساعة الآن 01:35 .