بالنسبة لي ما كان في معارضه من زوجي ابدا بالعكس كان في دعم واول دفعه اكسسوارات هو طبعا اللي دفع سعرها
وقالي بالعكس تملين وقت فراغك بس زوجي ما يحب تجميع لفلوس يحب اني اصرفهم بس انا ما اصرفهم قاعده اجمع وقلت له بجمع احسن

بالنسبه للتوصيل عادة ما يجون لداخل البيت او عند البيت بالضبط لكن مكان مره قريب للبيت زوجي يسلم الاغراض للي جاي يستلمهم بمكان قريب من بيتنا يعني يا السواق يكون جاي ولا احد من اهلها للمشتريه

وبالنسبه للي خارج الرياض اوبالرياض بس تفضل تستلم اغراضها بالبريد فانا اتعامل عادة بالبريد الحكومي المسجل لانه رخيص واذا واحده مستعجله مره نرسلها بالبريد الممتاز وهي طبعا تتكفل بقيمة الشحن بكل الاحوال الا اذا فيه عروض انتِ مسويتها

وثاني دفعه لي بالبضاعه جبتها من ربح اول بضاعه

والف تحيه حبوووبه
10-03-1427 هـ, 02:20 مساءً
 
نسيت اخبرك اختي انه اذا بغيتي تفكري في التجاره فكري بشي فعلا تحبيه اولا عشان ما تحسين التجاره متعبه لك وتحسي بمتعه بالعمل
يعني حطي في بالك هالنقاط المهمة:

1) شي ممكن تبدعي فيه او تحبي العمل فيه .
2) تجمعي معلومات جيده عن المنتج وامكانيه توفيره للبنات اذا ردوا طلبوا منك .
3) في حال كان كريمات او خلطات نحافه او كريمات تبييض وغيره فلا بد من انك تتاكدي من الخلطه اللي تبيعها قبل ما تبيعها للبنات لانه بعض الخلطات فيها مواد مضره.
4) ابدئي براس مال صغير جدا وجربي لا تكومي اغراض كثيره عندك وبعدين تتورطي فيها.
5) ابحثي عن شيء جديد تتوقعي انه فعلا بيكون عليه طلب.

اهم نقطه انه تتوكلي على الله ودايما تدعي الله انه يرزقك المال الحلال ويبعدك عن المال الحرام. والصدق والصراحه في التجاره اهم شيءءءءءءءءءء

الف تحيه حبووبه
10-03-1427 هـ, 02:31 مساءً
 
شكررررررررررررررررررررررررررررررررراً لكل اللي ردو على والله يجزاهم خير.
10-03-1427 هـ, 04:03 مساءً
 


الساعة الآن 12:01 .