السلام عليكم
حصل موقف غريب اليوم عضوه جديده ارسلتلي رساله بخصوص الزيت اللي اوفره تقولي انه بنت تراسلها تقولها انها بتروح الكويت تييب كميه من الزيت للبنات مني وانا اخلي مسئويتي لا اعرفها ولا كان بيني وبينها اي كلام ولا لي خص باللي بتبيعه لكم او ان خذت فلوسكم انا مالي خص
شوفي الرساله اللي ارسلتها الزبونه اللي حابه تطلب مني بعد ماراسلت مندوبتي الاخت اخصائيةنفسية ولقت الزيت خالص من عندها لاني ماوفرت كميه يديده من الزيت لانه كان في احتمال اسافر الاسبوع اللي فات بس تاجلت السفره لظروف خاصه

الرساله

اقتباس مشاركة  (---)
مرحبا اختي
انا من السعودية من ---- وارسلت رسالة خاصة للاخت اخصائية نفسية اسالها عن وجود زيت الحشيشة وابلغتني ان الكمية نفذت عندها
وانا الحين ابي اربع تولات ضروري
وقالت لي الاخت -----2000 انها مسافرة للكويت الثلاثاء والعوده الجمعة وعندها استعداد انها تجيب الزيت من عندك
وانا جديده بالمنتدى ولا ادري هل لك تعامل مع الاخت----
وكم سعر الزيت وبكم سعر كريم ماجيك وكيف يتم التحويل
ارجو منك افادتي
ولك جزيل الشكر
انا مندوباتي لزيت حشيشة الارض الخضرا الخوات مرت سلطان للامارات وللسعوديه الاخت اخصائيةنفسية ماعندي اي مندوبات ثانين ولا لي اي رابط في اللي راسلت البنت واللي حابه تطلب من الدول الثانيه غير الامارات والسعوديه تراسلني شخصيا

موضوع الزيت في توقيعي وانا بريت ذمتي

وانااحتفظ بالرساله واسم العضوه لاي مشرفه بالقسم حابه تطلع عليها
وماحطيت هالموضوع الا عشان لا تنغشون ولانه العضوه مااتفقت معاي على اي شي بخصوص اللي كلمت فيه العضوه اليديده فديروا بالكم
10-03-1427 هـ, 03:34 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مشكوره اختي على التنبيه بس الاخت يمكن حابه اتزور الكويت وادق لج تلفون وتتعامل معاج ولو حصل هالشي نبهي البنات بعد
10-03-1427 هـ, 03:40 مساءً
 
مشكوره يالغاليه على تنبيهج
10-03-1427 هـ, 03:42 مساءً
 
حبيبتي ورده الشي هذا يكون بالاتفاق بيني وبينها قبل لا تعرض على البنت مو تراسلها وتقولها انا اوفره لج واهي لا اتفقت معاي ولا شفت لها رساله بالخاص ولا اعرفها اصلا وانا من الاساس عندي مندوبه للزيت بالسعوديه يعني ماله داعي هالحركات وكان اولى انها تراسلني تشوف اوافق او لا ويمكن الكميه خالصه من عندي لاني اوفره بالطلب وساعات مايتوفر عند المورد وانا حطيت الموضوع عشان الكل يضمن حقه واخليت مسؤليتي
10-03-1427 هـ, 03:58 مساءً
 
اقتباس مشاركة  (wardah33)
مشكوره اختي على التنبيه بس الاخت يمكن حابه اتزور الكويت وادق لج تلفون وتتعامل معاج ولو حصل هالشي نبهي البنات بعد
انا اشارك الاخت الراي

وياليت انتي تراسلينها وتشوفين وش السالفه

وتتبين لك الامور
10-03-1427 هـ, 04:03 مساءً
 


الساعة الآن 11:30 .