المسألة كلها سوء فهم .... و اختي نوادر عزيزتي لا تلومين الاخت حسبي الله لانها اكيد مب فاهمة شو السالفة ... و مثل مافهمنا نحن من الرسالة ان شخص ثاني او عضوة ثانية عرضت عليها الزيت و انها بتوفر لها من الكويت من الاخت حسبي الله العظيم ... و الاخت حسبي الله ما تدري شو السالفة .. لان الاخت ما وضحت لها انها لازم تتفق معاها و بعدين ترسله معاج ... الموضوع كله كله سوء تفاهم بسيط جدا ... بسبب عدم وضوح الرسالة .... و لا تلومين احد لان هالايام بصراحة كثرت هالحركات و كل وحدة تدخل على الثانية على الخاص و تقول انا اوفرلج هالشي و كذا كذا و غيرها من حركات النصب و أكيد هي ما كانت تقصد الاساءة لشخصج و الا كان ذكرت اسمج .... و المسامح كريم ... و أكيد و أنا متأكدة انها اصلا مش فاهمة السالفة و انتي وضحتي الحين و بينتي كل شي .... و بالتوفيق للجميع
10-03-1427 هـ, 08:58 مساءً
 
مشكوره حبيبتي على التعا طف وانت قلتي المشا كل كثيره وكانها مقصوده
على العا م وانا اطا لب من المشرفا ت التفحص جيدا في الوضوع والا ما في احد يثق في احد خصوصا في المنتد ى العرو ض التجا ريه

وانا ما لي غنى عنه وفرلي اشيا ء كثيره وخدمني كما ن وانا اعترف بانو منتدى

ناجح وحل الكثير من المشا كل بس الي حا صل من فتره كل وحده تتهجم على الثا نيه

لا بد من التا كد اولا ثم قولي الي تبغي تقوليه ولكن بصد ق لان الله وحده
يعلم مافي داخلك ويعلم الغيب تبراء الدمه امام الله اولا ثم النا س
والله على ما اقوله شهيد
10-03-1427 هـ, 09:31 مساءً
 
انا ماتهجمت على احد انا وصلتني الرساله المبهمه وحطيتها بالعام عشان ابري ذمتي لاني مو عارفه شنو قاعد يحصل وبعدين انتي حتى ماراسلتيني ولا قلتوا شنو متفقين عليه وانا لا غلطت فيج ولا ذكرت اسمج ولا حطيته بالعام وعموما انا عطيت الاخت خبر باني مابرسل اي شي لاي عضوه بالمنتدى لانه عندي مندوبات ومن حقي دام اني اوفر شغله للبنات اني اسوي هالشي حصر على مصلحتهم وهم حرص على مصلحتي لانه مااضمن اي احد مااعرفه وانااختي لا اعرفج ولا شفت لج اي موضوع بالمنتدى قبل هالمره على اي اساس تتفقين معاها انا ماني عارفه وحتى لو بتساعدين كان مفروض قبل تراسليني تشوفين رايي اقبل او لا مو تييني رساله من العضوه تقولي انه فيه عضوه جذيه وجذيه مثل الرساله اللي وصلتني واناعرضتها باللي فيها من غير زياده يعني الحق حق ومايزعل احد وهذا حقي وحق البنات وماغلطت عليج وانا من حقي ماارسل اي غرض مع بنت ثانيه خصوصا انه مافيه بيني وبينج اي اتفاق ولا راسلتيني بهالخصوص وانا صراحه استغرب الاتفاق اللي تم بينج وبينها وماعرفت عنه الا لمن راسلتني وتقولي انا عضوه يديده وبشتري هل تضمنين لي البنت قلتلها مااعرفها وديري بالج لاني مااضمن ولو اي وحده بمكاني بتسوي نفس الشي هذا تعليقي وهذا راي وكل انسان من حقه يحفظ حقوقه وحقوق الغير
10-03-1427 هـ, 09:49 مساءً
 
كل حد وزرقة ما يطم الدنيا له مب زين الطمع وايد
12-03-1427 هـ, 10:17 صباحاً
 
اعتقد اختي الغاليه مسألة سوء فهم

لانه الرسالة اللي انت حطيتي كوبي عنها مكتوب فيها انه الاخت الكريمه تقول انها على (استعداد) انها تجيب (اذا) البنت تبي
يعني هي تسأل البنت اذا تبين فانا بروح الكويت عشان اذا تريدين ساعتها اكيد بتتصل عليكِ وتخبرك يعني كانها واحده زايره الكويت وتشتري منك مو اكثر
بس اكيد البنت قبل ما تشتري منك لازم تسال البنت اللي تبغي كمساعده لها مو اكثر!!

انا كذا فهمت من الرساله وما فهمت انها تبي تاخذ كميه وتبيع على البنات تحت اسمك بل كمساعده قالت (اذا تبين) (عندي استعداد)

وما اعتقد فيها اي مشكله اختي بالعكس نحنا دايما نحاول نوفر على زبوناتنا من خلال الشحن ولو كان بامكانا نوفر سعر الشحن عليهم يكون افضل والله

يعني مرات كثير من الاخوات لما اكون مسافره لدوله ثانيه يسؤلوني ان كان عندي مانع او على استعداد اني اجيب لهم اغراض معي من احدى العضوات بدل ما يتكلفون شحن والشي عادي جدا والتاجرات ما يقولون شي يعني مثلا بعد ما البنت تقول شو تبغي بعديــــــــن اكلم التاجره واقولها ترى فلانه تبغي زيت وانا بكون مجرد وسيطه كخدمه ومساعده لها وبالعكس الشي مفروض يفرح التاجره والزبونه بنفس الوقت لانه الوسيط سوت خير مو اكثر او الزبونه نفسها تتصل او ترسلك مسج وتخبرك انه فلانه بتكون وسيط وتوصلي الطلبيه عن طريقها ..

واللي حصل بس سوء فهم بينكم وعلى خير ان شاء الله
12-03-1427 هـ, 10:28 صباحاً
 


الساعة الآن 08:51 .