[grade="00008B FF6347 008000 4B0082"]السلام عليكم ورحمة الله وبركاته ,,,,,,,
اخواتي صاحبات الخبره بالمشاغل النسائيه :
أنا ناويه أفتح مشغل وأبغا نصائحكم في الموقع ,التجهيزات,العاملات وقبل هذا كله هل تؤيدون هذا المشروع وإلا لا ؟؟؟؟؟؟؟حيث أنه سيكون المصدر الوحيد للإنفاق على أيتام(رصدت مبلغ لهذا المشروع 100ألف ريال قابله للزيادة)أنا أبغا الموقع شرق الرياض في أحياء الربوه والروابي أو الريان ,ناويه أحط الأسعار فيه رخيصه وأن الحمد لله عندي ذوق وخبره في المكياج والشعر بشهادة الجميع فلا تبخلون علي بآرائكم واحتسبوها لها الأيتام.
شاكرة لكل من ترد علي مقدماً
[/grade].
14-03-1427 هـ, 04:19 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وش دعوة ياأخوات 20 قراءه ولا وحده عندها شئ تضيفه.
15-03-1427 هـ, 03:42 صباحاً
 
هلا الغاليه انا من الامارات ...........وماعرف بالرياض اماكنها
المهم
حبيت اقولج
الله يوفقج بالي انتي ناويه تسوينه ......وعلا العموم المشاغل بالرياض حلوه ومربحه بس انا رايي لو بديتي بالبيوت افضل والسالفه سالفه اعلانات
يعني روجي للصالون بالشغل الزين ............والاعلان عنه بكل مكان ,,,,,,,,,,الله يوفقج ويحفظج من كل شر
15-03-1427 هـ, 06:33 صباحاً
 
شكراٌالحياة_80 على الرد بس أبغا أسأل لأن الظاهر ماشاء **** عندك خبره .........
العاملات أجيبهم فلبينيات أو عربيات ؟
س2|أستقدم العاملات أو أجيب متعاونات بالنسبه؟
س3|أحط فيه أخصائية بشرة وإلا لا ؟
س4|أحط خياطة وإلا لا؟
وجزا الله اللي ترد علي خير.........................
16-03-1427 هـ, 07:30 مساءً
 
انا ارد على بعض الاسئله ياعمري لاني زبونة مشاغل واقولك ايش يعجبني فيها
ج1العاملات مشكلات فلبينيات وعربيات لان فلبينيات بارعين بالخياطه وعمل البادكير والمناكير والمساعده وشغيلات والعربيات يعرفون ذوقك خصوصا المكياج والشعر
ج2 بعد شكلي بعضهم بالنسبه وبعضهم استقدام لانك بعدين بتتعبيين في مراقبة العاملات المستقدمات وانتي عارفه بعض المشاكل مايحتاج اقول
ج3 اخصائية البشره ضروريه ولازم لها غرفه خاصه واجهزه متطوره
ج4 الخياطه تدر عليك اموال كثيره خصوصا اللي تبي تضيق فستان او تبي تزيد حركه على فستان وتفصيل المدارس وشوفي المدارس الاهليه ممكن تتقاولي معاها تفصلين لهم زي حفلات اخر السنه اللي يسونها اقل شيء اربعين فستان عشان انشوده او مشهد


ملاحظات مهمه الموقع لازم يكون حلو نوعا ما وواضح
عمل دعايه للمشغل بجعل مثلا اربع خدمات ب100ريال مثلا حلاوة مع بدكير مع تشقير مع قص او غيره من الخدمات صدقيني بتشوفين المشغل مثل خلية النحل بهالعرض هاذي اقتراحاتي والله يوفقك واذا فتحتي بلغينا عالخاص
17-03-1427 هـ, 05:13 صباحاً
 


الساعة الآن 01:58 .