Analysis Services
  • «
  • 1
  • 2
  • 3
  • >
  • »
يا أخوات أمس طول وقتي وأنا في منتديات الأسهم ولقيت كلام معقول من بعض الأعضاء
يقولون إن الاكتتاب هذا اكتتاب فيه لعب و استغفال للشعب من قبل الهيئة ومن قبل عجلان والورق
حيث إن السهم قيمته فوق السبعين ريال رغم إنه مجزء وخالص
يعني المفروض يكون عشرة ريال و مع علاوة الاصدار نقول مايزيد عن خمسين
خاصة إن عجلان موب بالشركة الكبيرة اللي تستاهل علاوة اصدار فوق السبعين ريال

و كذلك شركة الورق
بصراحة فيه كلام منطقي كبير وفيه اسهم مش مجزئة و تتداول و قيمته اقل من قيمة عجلان و الورق
و الله حاسة إنهم يبغون يكبرون شركهم على حسابنا وحاسة إن الموضوع فيه لعب على كبير
وين الاكتتابات الكبيرة وين اكتتاب مدينة الملك عبد الله والبنك الموعود وين اكتتاب كيان وغيرها وغيرها من الشركات
اللي طووووووووووووووووووووووووووووووولوا ولا نزل اكتتابها وقيمة سهمها عشرة ريال بالظبط
بينما عجلان والورق اللي عمرنا ماسمعنا فيه على طول نزل وقت اكتتابه بيوم وليله
حسبي الله على اللي بيضحك على الفقارى و الأرامل و الشياب اللي مايعرفون يتداولون مايعرفون غير الاكتتاب

والله يابنات هذا الكلام مش من راسي لا والله إني لفيت النمتديات ولقيت كتاب فاهمين وواعيين لكل كلمة يقولونها كاتبين الكلام هذا
في منتديات الأسهم ومنتديات دوجي
وبس
حسبي الله على الجماز وحاشيته وكل من قال إنه مظلوم
ينظر للاكتتاب الجديد والضحك على الذقون وحيعرف إن الحقيقة باينة زي عين الشمس
هذا يا اخواتي من وجهة نظري وحسب مافهمته و أتمنى إني ما أكون ظلمت أحد
و إن كنت غلطانة وضحوا لي غلطي ... و سامحوني
عجلان والورق يبيعون لنا اسهمهم عن طريق الاكتتاب بربح 700 في المائة
والسوق نازل مليون في المائة ....

يا أخوات نحن اكتتبنا في البلاد و ينساب والسهم قبل التجزئة بخمسين ريال ولما نزل السوق زعلنا رغم إن أي واحد سهمه مكتتب به لسه كسبان فيه يعني اربعة اضعافه اقل شيء
فما بالك بسهم مجزء وخالص وسعره في الستينات والسبعينات هذا لو نزل تداول وصار سعره عشرين وش بنسوي ؟؟؟
15-03-1427 هـ, 08:15 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
كلام صحيح اسعار اسهم هذي الشركات عالية جدا
كيف نكتتب فيها واسعارها مرتفعة !!!!
طيب وش نستفيد من تجميد اموالنا في شركات ماندري عنها
وعندنا شركات في السوق اقوي منها وارخص بكثييير بالنسبة لسعرها الأساسي,,,,,,,
15-03-1427 هـ, 10:05 مساءً
 
كلامك صحيح الاكتتاب في اسهم الاتصالات ما كلفنا عشان نجي نتكلف بملابس داخليه
مدري وش شايفينا قاعدين على كنز
15-03-1427 هـ, 11:16 مساءً
 
العجلان بعقولكم هذي الاسعار ومساهمه بسعر غالي عشان فنايل وسراويل
15-03-1427 هـ, 11:20 مساءً
 
وانتي الصادقه اختي وكلامك صحيح غير اسم 50 ريال للسهم ولا بلالالالالالالالالالاش
وحنا في انتظار كيان ومدينه الملك عبدالله الاقتصاديه وجبل عمر ان شاء الله يكونون قريب
فجاه يطلعون لنا شريكات الشعب ماله مصلحه منها بحكم اصدار العلاوه وبكذا يرتفع سعرالسهم
والناس ماتقدر اتساهم
16-03-1427 هـ, 01:08 صباحاً
 


الساعة الآن 11:47 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏