آنا توني مشتركه في برنامج مباشر للتداول عن طريق الانترنت وأبي أعرف اذا وحده استخدمته تساعدني فيه آخاف أضيع بيزاتي ......

انا ما اشتركت بس ناوية اشترك ها الايام ... اذا استفدتي منه خبريني
فاااااااااالج طيب الصراحه البرنامج يمدحونه ويقولون سهل وايد بس هي البدايه يبيلي حد يعلمني عليه عدل .... اذا تعلمت بعلمج أكيد ..... نورتي الموضوع حبيبتي ........
الغاليه كيف اشتركتي بالظبط؟؟وين رحتي وشو طلبوا منج وكم اقل مبلغ؟؟ممكن كل التفاصيل؟
لاتقول "ياارب" همي كبيرر....لكن قول: ياهم "ربي كبير"...



اقتباس مشاركة  (ملاك12)
الغاليه كيف اشتركتي بالظبط؟؟وين رحتي وشو طلبوا منج وكم اقل مبلغ؟؟ممكن كل التفاصيل؟
هلا أختي نورتي الموضوع ... رحت مكتب الوسيط " الوسيط المباشر للخدمات الماليه " .... مكتبهم في مركز دبي التجاري الطابق 14 ويقولون لهم مكتب في مكان ثاني بس ما أدله .... طلبوا مني الجواز وخلاصة القيد الأصليين مب صور وقالولي ماعندهم حد أدنى بس اذا كان في حسابج أقل من 100 ألف ياخذون منج 600 درهم كل 3 شهور ... وممكن اذا عندج أسهم تحطينها بدل البيزات .... أو تحولينها اذا كنتي حاطتهم مع وسيط ثاني ... بيوقعون معاج عقد وبيعطونج سي دي فيه البرنامج آنا نزلته شكله حلوو ويقولون سهل وأحسن من الوسطاء الثانيين اللي يقدمون خدمة التداول عن طريق النت لأنج مع مباشر تتعاملين مع برنامج أما الثانيين تتعاملين مع مواقع وتعرفين مشاكل المواقع ضغط شبكه وبطء وغيره .... هذا كل شي وهم بيعطونج بعد أوراق فيها كل شي .... واللي تبي رقمهم تخبرني وبرسله حقها .... واول ما أبدا أتداول بخبركم لأنني محوله الفلوس أمس واترياهم يفعلون الاشتراك


الساعة الآن 05:49 .