هلا الغاليه الضوء المنير

الصراحه انا ما اقدر افتي بهالموضوع بخصوص الزياده لازم فعلا حد فينا يسال شيخ بخصوص الزياده الكبيرة جدا ويحط الفتوى للتاجرات هنا عشان نعرف الحلال من الحرام

الحمد لله اني اشيائي اجيبها من خارج البلاد واوفرها للبنات بسعر ارخص من السوق غالبا وللان ما جبت شي من الاسواق المحلية كله من خارج الخليج

بس من جد يا ليت واحده تتكرم وتتصل على شيخ معروف وتساله بخصوص البيع باسعار مضاعفه عن المتعارف عليه بالسوق خلينا نشوف الجواب والفتوى بهالخصوص

والف تحيه يا الطيبه
16-03-1427 هـ, 09:11 مساءً
 
انا معاكم في هالشي في سالفه النصب وانه في السوق اقل من المعروض ,, انتي عادي فكري يستاهل ولا لأ ,,

وبعدين في شي ثاني يرفع سعر المنتج يمكن المواد الخام المستخدمه ,, مش رخيصه ,, ويمكن يكون المصدر الي تاخذ منه غالي ,, وهيه ما اتعرف انه في ارخص منه ,, و واايد اشياء ثانيه اتكلموا عنها التاجرات ,, وانا بضاعتي ربحي فيها بسيط جدا ,,
16-03-1427 هـ, 09:41 مساءً
 
السلام عليكم جميعا
الحقيقة اخوواتي انا بالنسبه لي ليس فقط السعر المبالغ فيه هو الي يقهرني لان كما قالت قسم من الاخوات مادام رضينا نحن بالشراء بهذا السعر فخلاص الحق علينا , لكن والله انا الي يقهرني كثيرا عندما اشتري بضاعة واكتشف اني انغشيت بالبضاعة يعني اكو بعض الاخوات يعرضون بضاعتهم بمواصفات اقل مايقال عنها رائعه ويكتبون انه الخلطة الفلانيه تحقق كذا وكذا وكذا وانها فريده ونادرة وان كل من استعملها طار عقله بالنتائج الخياليه الي حققتها الخلطة وبعد ما اشتري المنتج وادفع به الشيئ الفلاني خاصة اني اسكن في النرويج ولكم ان تتخيلوا الشحن كم هو مكلف الى هنا اكتشف انه الخلطة عديمة الفائدة كليا واني انخدعت بها وضاعت فلوسي هباء. والله شيئ يقهر يابنات
واذا كانت التاجره تعلم ان بضاعتها عديمة الفائدة وتغش البنات فحسابها عند الله سبحانه وتعالى. والله يهدي الجميع
16-03-1427 هـ, 10:01 مساءً
 
اممم والله ما لومج لو زعلتي

انا تاجره وتعرضت لمثل هذا الموقف

كانت وحده من التاجرات عارضه غرض وتمدحه

وشافت العرض وحده صديقتي وطلبت اني ايب لها اياه

وقلت دام انه عيبج عيل بيعيب باقي البنات

وارسلت للتاجره رساله اطلب فيها كميه من الغرض هذا وقلت لها اني ابغي ابيعه في المنتدى

والاخت ارسلت لي معلومات التحويل وسعر المنتج وانا صراحه ما فاصلت في السعر لاني استحيت منها وبعدين هيه تعرف اني ببيعه يعني المفروض ترخص عشان استفيد

المهم الاخت عطيتني الحبه 13 درهم وحولت لها الفلوس على الوسترن يونيون واكيد تكاليف الشحن ويا التحويل تكلف سعر الحبه فوق30 درهم وانا اشتريت تقريبا درزنين

لما وصل شفت انه الحبه ما تسوى اكثر من درهمين وعرضت الحبه ب 25 درهم لاني على الاقل ابغي ارجع فلوسي اللي ضاعت

وبعدين عرفت انه وحده من الخوات تبيعه في منطقه ثانيه سعر الحبه درهمين للجمله

عاد هنيه انا انقهرت وقررت اني اوزعه بلاش ما ابيعه كيفي لاني حرام اغش فيه غيري كيف انا ابيعه 25 وغيري يبيعه درهمين ؟؟؟!!!

وكل اللي طلبوه مني طرشته لهم بلاش وقلت الله يعوضني في خسارتي انشاء الله

هذي سالفه صارت لي في المنتدى لاني وثقت بكلام الاخت اللي عرضت الغرض
16-03-1427 هـ, 10:17 مساءً
 
يرفع للاهميه
17-03-1427 هـ, 12:44 صباحاً
 


الساعة الآن 07:53 .