بالنسبة لي نعم جربته .. وما زلت أستخدمه .. وإن شاء الله بستمر في الاستخدام

بكل أمانة بذكر تجربتيه

أنا صار لي أستخدمه شهرين تقريباً

أول شهر كنت أستخدمه يوم هيه ويوم لا

بس ثاني شهر 3 مرات في الأسبوع .. بناء على نصيحة الأخت بدرية1


النتايج اللي شفتها ولله الحمد

لمعة حلوة في الشعر وحيوية وصحة .. وخف التساقط بشكل كبييييير (وهذا أهم شي)

أما الطول .. فأول شهر .. هيه نعم طول شوي .. بس ثاني شهر ما لاحظت أي زيادة في الطول

ويمكن السبب أنه شعريه أساساً مش قصير .. فما لاحظت وايد

لكن الحمدلله أنا مرتاحة عليه .. وبستمر في استخدامه

مش عشان شي .. بس حسيت أنه طبيعي وخفيف ومش شرات الشامبوهات اللي عندنا

ولأنه شعريه ابتدى يغلظ عقب ما خف التساقط


وإن شاء الله نشوف تجارب غيري من الخوات

لأنه النتايج تختلف من شخص للثاني بسبب اختلاف طبيعة كل إنسان


ربي يحفظكن



أنا صارلي أسبوعين مجربته مداومة عليه بغيت شي من النتايج تظهر...

ملاحظتي الأولى أنه ما ينعم الشعر بالرغم أن البلسم موجود، بالعكس يوم أمشط أحس شعري متشابك وأتبهدل...

شعري مازال يطيح...

بس الشي الثاني اللي لاحظته أن شعري ما صار نايم، صار كثيف، مو كشة، يعني جنة صار غليظ، من ناحية الطول، مو ملاحظة شي لين الحين وبالرغم أن شعري قصير...

وهذي تجربتي...
مشكوره عيوني


الساعة الآن 03:53 .