اعذريني اختي توي شفت طلبك
الحلى سهل مره تجيبين خلأط الطماط وتحطين فيه كاس مويه دافي وظرف جلي كرز او توت وملعقتين زبده سايحه وملعقتين قشطه التاج وتشغلين الخلأط لمدة ربع ساعه في هذا الوقت تجهزين قوالب كريمة الكراميل الصغيره او صينية صغيره انا جربت الثنتين بس القوالب مره شيء خيالي واذا انتهت مدة الخلط صبيهافي القوالب بعدين حطيها بالفريزر وعلى بال ماتبرد جهزي الطبقه الثانيه وهي نفس الأولى بس تبدلين الكرز بجلي ليمون اخضر
ثم حطيها على الطبقه الأولى واذا بردت اقلبيها في صحون التقديم ويطلع شكلها احمر غامق ثم احمر فاتح ثم اخضر غامق ثم فاتح طعم خيالي وكشخه


اما الشوربه هي شوربة الجريش المفضله عندي
طريقتها كوب جريش تغسلينه وتنقعينه وبعدين جيبي صدور دجاج قطعيها وسط
وجيبي قدر وحطي فيه زيت قليل وحمري فيه الدجاج ووطي النار
ثم خوذي الجريش وصفيه وحطيه بالخلأط معه مويه وبصله وملعقتين دقيق ثم اخلطيه زين وحطيه على الدجاح وزيديه مويه تقريبا كوب لأني اصبه عشوائي تم حطي الملح ملعقه وكمون مطحون ملعقه وفلفل اسود ملعقه صغيره او حسب الرغبه وخليه على نار وسط الى ثلأث اوساعتين ويمكن اقل وقبل التقديم قطعي شوية كراث وبقدونس وقلبي الشوربه وقدميها وبالعافيه
ملأحظه الملح يقلل ويزاد حسب الرغبه


الساعة الآن 12:26 .