بنات ساعدوني ..زوجي عازم شباب بكره على العشا ؟ وش رايكم ايش اصلح لهم

السلالالالام عليكم ياقلبي

شوفي ياقمر السفره لازم تكون كامله
المنيو
كبسة كاري
صينة خضار رووعه بالقرع
سلطه ملونه
سلطة حمراء مطحونة
سلطة لبن
حلى بيبسية
وحلى الترميسو

البيسيه صح قديمة بس اغلب الرجااااال يحبونها وطعمها جنان



اول شي هم بيجون عشاء
يعني خذي بعد صلاة الظهر وسوي الحلا
حلى الترميسو
بياخذ معاك شغل تقريبا ربع ساعة

خذي اي نوع كيك اليمامة او سويس رولز او كيك العائلة
قطعيه شرايح ورصيه في صينه اللي تنفك
او صينه باريكس
وسي الخلطة هذي 1 قشطة+1 ظرف دريم ويب+نصف بيكت بسيكويت مطحون+ ملعقه كبيرة
نسكافيه ونخلطها ونحطها على الكيك في الفريز لمدة نص ساعه

في هذي الاثناء سوي انت حلى البيسيه كمان
كيف رصي البسكويت في الباريكس وصبي حليب عليه وخليه يتشرب بس يعني بالملعقة شربي البسكويت
بعدين 2 قشطة + 2 دريم ويب واخلطيها وصبيها على البسكويت وساويه
وحطيه بالفريز لمدة نص ساعه كمان


في هذي اللحظة جهزي الخلطه اللي في الوجه للصنيتين


حلى الترميسو
تخلطين 6 ملاعق حليب نيدو مع كاسه ماء مغلي مع 2 بكت كريم كراميل
في الخلاط الكاس
وبعدين على النار حتى يتجانس
وتخلينه حتى يبرد وترصبينه على وجه الحلا اللي حاطتة بس انتبهي شوي شوي حتى ما يرتفع
الحلا ويخرب ودخليه الثلاجه انا ارش عليه نسكافيه ويصير زي كذا بس انا
حاطة بلاستيك لاني ما سويتها في الصينية اللي تنفك
وغرفته في صحون


حلى البيبسية
كوبين بيبسي حطيه على النار وحطي عليه ظرفين كريمة كراميل وتخلينه على النار
حتى يغلي خليه يبرد وبعدين طلعي الحلا وصبي بملعقة الغرف الكبيره شوي شوي
بس لازم يبرد شوي البيبسي


هذا الحين كله في الظهر طلعي حبتين دجاج وخليها تفك من الثلج
وقطعيها ونظفيها وخلي كل دجاجة اربع قطع وتبليه بملعقه ثوم مطحون وزنجبيل اخضر مطحون
بهارات وملعقة بهارات كاري ونص حبة ليمون وخليه حتى الليل


جينا للصينة الخضار
اقلي قرنبيط
وحبتين باذنجان
وحبتين بطاطس
وحبتين جزر
وشوية فاصوليا
وخليها تنقلى حتى تستوي قطعيها تقطيع وسط زي الصورة


بعدين خذي زبديه خلاص ابشري فيها 2 كوسا ونص حبة قرع
الاصفر الامريكي
طيب بعدين حطي عليها ملعقتين مايونيز وقشطة وجبنه مازورلا مع شوية ثوم
ورصيها على الوجه وحطيها في الفرن وبعدين حميها اذا جاء الضيوف
طبعا ثلث ساعة من تحت ومن فوق حتى تتحمر


السلطات في صلاة العصر صلي العصر
واقعدي سوي السلطات الحمراء حطي في خلاط البصل
2 طماطم +فلفلة+فص ثوم واخلطي
وعلى جنب عن التقديم قطعي بقدونس وحطي ملح وليمون


السلطة الملونة
علبة صغيره ذره اصفر
فاصوليا حمراء
فلفله روميه مقطعه
2 خيار مقطع
2 جزر مبشور
اربع ورقات خس امريكي مقطع كبير
كرنب احمر ورقتين مقطع
زيتون اخضر بالشطة حلواني ملعقتين

ابدا اخلطي كل المقادير وحطي عليها عند التقديم ليمون وشبث وملح هذا الصوص

سلطة اللبن خذي حبتين خيار وقطعيها مع علبتين زبادي واخلطيها مع شوية نعناع وبقدونس
وليمون




بعدين اذا اذن المغربخذي الدجاج اللي تبلتيه وقصي 3 بصلالالالالات
واحمسيها على النار
وبعدين حطي الدجاج حبة بطاطس
ولا تحطين قطرة ماء
وخليها على نار هادئه لمدة ساعه

على جنب اسلقي الارز مع ملح وزيت

اذا استواء الارز وجاء وقت الغرف حطي الارز على خلطة الدجاج لمدة نص ساعة على النار
وفي حمام مائي الارز


شوفي ياقلبي لو مشيتي على طريقتي بيجي وقت العشاء وانت مانت محتاسة
شوفي ياقلبي هذي صوووووور اكلالالالالالالالات كنت مجمعتها ابغى انزلها وحده وحده بس علشانك نزلتهم ياقمر
الله يعينك اختي سوي شيش طاووق وورق عنب وصينية مكرونه بالبشاميل وبيتزا دوار الشمس كشخه مره خاصه اذا حطيتي بالوسط سمبوسه وتبوله ومتبل وفتوش واشتري الكبه الجاهزه ماعليك الأتقلينها ومصقعه وتوست مقلي ودجاج صيني وسويسرول مالح وشوربه بيضاء وحلى
انا عندي حلأ مره كشخه اذا ودك بالطريقه ابشري
وكل الي قلتها انا مجربتها وماتاخذ وقت
اتمنى اني ساعتك
عددهم 5


الساعة الآن 02:51 .