اقتباس مشاركة  (*لونا*)
انا تعاملت معاج مرتين اشتريت منج الفستان و قطعة ماركات
و صراحة اشكرج على البضاعة

و اللي زعلني منج في بداية تعاملنا كنت طالبة منج عطور و صابون و زوجي كان عنده موعد في مستشفى زايد ساعة 9 و انا خبرتج قبله بيوم بأن هو بيكون موجود في بوظبي و قلتيلي اوكي

و لكنج تصلتيلي ساعة 7 صبح و خبرتيني بانج في درب رأس الخيمة و وايدين طالبين منج اغراض و تبين اتوصلين لهم الاغراض و انج اتحسبتي زوجي بيجي قبل ساعة سبعة اللي ابداً ما كان معقول بأن يكون موجود في هالوقت المبكر

صراحة وايد زعلت من هالتصرف و حسيت لان طلبيتي صغيرة عاملتيني بهالطريقة

و لكني مع الايام نسيت الموضوع و ما في قلبي شيء بس حبيت اقولج و لكل التاجرات بان لا تعاملون الوحدة على هالمبدأ




السلام عليكم

الغالية انا قريت ردج الصبح الساعة سبع وبغيت ارد وما قدرت كنت بطلع
اول شي السموحة يالغالية ما كنت ادري انج زعلانة لين الحينة برغم اني اعتذرت منج استوالي موقف وما قدرت اسلمج الطلبية لاني كنت نازلة عند هلي في راس الخيمة وبرغم من هذا اتصت فيج وقتلج بوصلج طلبيتج لين مكان شغلج وانا مارة دبي وانتي رفضتي

اختي الغالية الله يعلم اني ابدا وعمري من دخلت في هذي التاجرة ما طنشت حد مهم كان قيمت الطلبية من فترة يتني طلبية ب 20 درهم ووصليتها ما اهملتها

برغم من بعد بيتي عن مدينة بوظبي نص ساعة انا الي اسير شركة الشحن واسلمهم الطلبيات لانهم ما يون المكان الي ساكنة فية ايقولون ما نوصل لهذي المنطقة


الله يشهد علية كيف اتعب وما ارتاح لين ما اوصل الطلبيات كاملة

والسموحة مرة ثانية
اقتباس مشاركة  (جرحي عميق)
روح العطور


يعطيك العافية على المجهود التي تبذلينه من أجل الزبونات

الله يوفقك في الدنيا والآخرة
وويوسع باب رزقك

يمكن انا تعاملت معاك من الأوائل

اخذت من عندك بخور > > > > يجنن ( عدة أنواع )
اخذت من عندك بزار يدتي > > > فضيع ( لين اليوم نستخدمة )

ها شلون الحين بادخل القرعة

الله يعافيج يالغالية
وانتي من الزبونات والخوات الي اعتز بمعرفتهم

اكيد اسمج دخل في السحب
اقتباس مشاركة  (شذية العطر)
انا خذت :
دخوون روح العطور
عطورات فرنسية مخلطة
دهن عوود
صوابين معطرة
بزار يدتي امممممممم اللذيذ
ويشهد الله انهن كلهن بجوودة عاااااااااااااا االية و روووووووووووووو وووعة بعد
ماشاء الله عليج..ذويقة في ترتيب و تغليف العطور كل من زارنا يسألنا عن أشكال العطور و تزيينها
..كلج ذووق ..طيبة و ما تحبين تزعلين حد..
و الاحلى من هذا اتدلعين زبااااااينج واااااااااااااي د
الله يووفقج و يووسع رزقج
مشكوووووورة يالغالية على كل شي

و السمووحة اذا نسيت شي




لييييييييي الشرف يالغالية بالتعامل معاج واي خدمة انا حاضرة

اسمج دخل في السحب
اقتباس مشاركة  (UAEDEW)
مرحبا اختي روح العطور ... شو بقولج والا شو بقولج انه كله ما يهمني قد ما همني روحج الحلوه الله يوفقج وييسرلج امورج كلها يا رب وان شاء الله بتلاقين الخير صدقيني ما همني اللي شريته قد ما همني اني عرفتج وكسبتج اخت لي ..!! وحبيتج من قلبي ودوم على بالي .. وانا تراني شريت منج الشيل مالات البيت وخذت عطور يوم عرس اخوي وكانن روعه الصراحه ..!!

تراني اتريا الهديه ... امزح وياج انت هدية المنتدي لنا كلنا والله ... تشرفنا والله بمعرفة اخت عزيزه وغاليه



مرحبتييين حبوبة


مشكوووورة يالغالية كلج ذوق ويسعدني اتعامل معاج دايمن واي خدمة انا حاضرة
اقتباس مشاركة  (بحيرة الوفا)
اللي خذته منج الصوابين المعطره ... وكانن حلوات ماشاء الله ..

وان شاء الله اجرب باقي بضايعج... موفقه الغاليه


اسعدني التعامل معاج


اسمج دخل السحب


الساعة الآن 04:31 .