أنا من عرفت هالمنتدى وللأمانة بطلت الطلعة برا البيت وعاد تونس الريل وما عدت أصدعه بالمولات ، طبعاً إلا ناين وست وألدو ما لي غنا عنهم خخخخخخخخخخخخ


المهم مخصصة هالموضوع علشان أشكر كل من تعاملت واشتريت من عندها شغلات حلوة....ومن بينهم...


أول واحدة كانت الفنانة المتميزة...الغلا....
خذت من عندها البخور السايل، والعطورات...هريتها وأنا اعذبها كل مالي أطرش من عندها...
أسلوبها رائع، وخفيفة دم وتحسين انج اتعرفينها من زمان، ويزاها الله خير ما تقصر بالنصايح وعند السؤال اتكون موجودة وحاضرة بالأجابة...عسى الله يناولها اللي بمرادها ويشفيلها ظناها يا رب...


uaeyah
كنت مستعجلة وأبي هدية حق أختي، ومابقى إلا يوم واحد، ومن خبرتها يزاها الله خير طرشته وثاني يوم لقيته، والله أني خذيته لها غيرت الجيسة واعطيته أختي، تسلمين أختي وما قصرتي والله يكثر من أمثالج يا رب...


جنااااان
مش عارفة شااييب حق ريي هدية كوني تقريباً كل أنواع الهدايا الرجالية يبتله، إلا وألاقي موضوعها عن عطر شيخ العرب... وطرشت من عندها مع الدهن العود الكمبودي، كنت خااااااااااايفة أني ما ألاقيه قد المفام، لكن من كثر حماسي ووناستي بهديته راويتها ريلي قبل ذكرى زواااااااااااااجنا... ومعاملتها روووووعة...وتسلمين على الميدالية يت في وقتها لأن ريلي توه ماخذله سيارة يديدة...

اسبرانسا
طالبة ماكياج من عندها وبعده ما وصلني، لكنها ماشاءالله وايد حبوبة ودمها خفيف، عسالله يوفقها في حياتها يا رب...

بنت بنفسجية
روعة وقمة في الأخلاق، عن طريق موقعها اشتريت شدو كلاسيك...وكان فضيع...يعطيج العافية الغالية...

Email...
عدلت صور عيالي بالألوان الي تمنيتها ولله الحمد أحنا ربع وأكثر، وأنسانة خلوقة وطيبة واااااايد وما تقصر وراعية واجب...يعطيج العافية الغالية...

بصراحة، الله حباني ببنات فنانات واللي أعرفهم وااااااااااايد، بس مو من النوع اللي اتشرى واااايد،

من بينهن Romanove مندوبتي وأختي، عسى الله لا يغير علينا، حبوبة ووناسة وأخت الله أرسلي اياها من حيث لا أدري... وباااااااااااااااالها طووووووووووووويل معاي...عسىالله يوفقها في حياتها المستقبلية يارب...


والسموووحة من كل البنات اللي يعرفوني وأعرفهم...ويعطيكم العافية..





يشرفنيه أكون أول وحدة ترد على موضوعج هذا

وأنا اللي أسعد أنيه عرفت أخت شراتج يالغالية

والله لا يغير علينا إن شاء الله



بارك الله في كل تاجرة تعتبر البنات خواتها قبل لا تعتبرهن زباين

والله يوفقنا جمييييع


تسلمين الغالية ويزاج الله خير

وأنا اللي تشرفت بمعرفتج والتعامل معاج ما شاء الله عليج انسانة حبوبة وذووووووووق

ويعلم الله اني حسيت كأني أعرفج من زمااااااااااااان.

وربي يوفقنا جميع ونكون عند حسن الظن فينا.
تسلمون الغاليات Romanova وحناااااان على ردودكم ودعواتكم الطيبة
و فقك الله أختي الغالية صبح وليل و الله فيك الخير وكل من تعاملت معاهن يشهد لهم الكل بالكفائة و حسن المعاملة و حسن الخلق ما شاء الله الله يوفقهم جميعا

و أختي الغالية الحبوبة رومانوف و الله تستاهل كل خير نعم الأخت و الصديقة أن أيضا كسبتها كأخت غالية و عزيزة جدا علية الله يوقفها في حياتها و يهنيها يارب


الساعة الآن 04:40 .