انا منبهرة عيون الفرن صارت تلمع من لمعتها بغيت ابيعها في سوق الذهب

هلا والله وحياكم
والله يا بنات اني مسوية هذي الطريقة البارحة(يعني طازة)
اولا الفضل بعد الله لهذا المنتدى وبناته هم سبب الهامي (مسوية فيها)
ترى حقوق الملكية لهذا المنتدى بس انا اضفت كم اضافة
والله ان النتيجه تهههههههههههههههههههههههههههبل(آه يا حلقي:09: )
المهم اللي تسويها امانة امانة امانة تدعيلي(ان الله يهديني انا وزوجي ويسخر لي زوجي واهله) لا تدعون الا بعد ما تجربون
انا متزوجة لي سنة وثلاث شهور وتصدقون ما غسلت العيون الا ثلاث مرات اربع(لا تقولون رفلة قولوا رفيلة تصغير يعني طبعا اللي خلاني كذا مهملة هو حملي اللي كان كله تعب من اوله وثانيا هالبنت الله يصلحها اشغلتني وطبعا رئيس العصابة الزوج السنع)
الخلطة كالتالي:
ولعي على العيون كلها وخليها 5دقايق وجهزي قدر وحطي فيه كاسة(شاهي)خل ابيض+كاسة(شاهي)خل تفاح+عصير نص ليمونة(الليمونة لا ترمينها حطيها بعد معاهم في القدر)+ملعقة ملح خشن
واملئي القدر ثلاثة ارباعه ماء بعدين حطي عليه عيون الفرن وخليها نص يوم(لا تطبخين عطي نفسك اجازة اليوم ولا خلي هالرجال يجيب لك غداء)
بعدها طلعي العيون وابدي افركيها بالجزء الخشن من الاسفنجة اللي لونه اخضر واحذري تفركين بالسلك النحاسي
اهم شي لازم تكونين متهاوشة مع احد وطبعا:30: ما فيه غير زوجك كخخخخخخخخخخخخخخخ
لا تفتعلين هوشه وبعدين تدعين علي
وقومي حطي حرتك في هالعيون المسكينة(الله يعينها عليك):frown: وافركي افركي افركي لين تشوفينها تلمع
(مو عاد تصدقين وتروحين تبيعينها في سوق الذهب):hahaha:
وببببببببببببببببببببببببببببس وسلامتك
انا كل ما شفت عندي شي حامض او من مشتقاته قمت وحطيته بهالخلطة ولو فيه شي ثاني كان ماني مقصرة حطيته معاهم
بلا كلوركس بلا هم
بس امانة الدعاء لي ولكن بعد التجربة
والله على ما اقول شهيد
تحياتي لكل من قرأها سواء عضوة او ضيفة