صباح الخير و السرور على الجميع


من كثر ما انا فرحانه قلت لازم اقول لكم سالفتي

و بصراحه الكلام اللي بقوله مب مجامله او شي

بس صج طالع من قلبي

بقول لكم سالفتي اوكي

من فتره واحنا نشوف مواضيع عن الحلاوه سوفت سكن ..

وانا اعاني مع الحلاوه ،، لا مب ألم او شي

مشكلتي ان جسمي بسرعه يبقع .. و الشعر ياخذ 3 شهور لين يطلع كامل

عشان جذي اتعب من الحلاوه لانها ما تشيل الشعر الصغير

المهم شفت موضوع اختي pRettyHend انها توفر الحلاوه بقطر

فقلت ليش ما اجرب ،، وفعلاً خذت رقمها من فتره

اول امس ارسلت لها مسج قلت لها فيه عن الطلبيه

والاخت ما قصرت اتصلت كذا مره ،، وانا انشغلت ما قدرت ارد ..

امس الصبح ارسلت لها مسج اعتذر وهي يحليلها اتصلت

اول ماكلمتها وربي ارتحت لها فرفوشه وحبوبه

قلت لها عن الطلبيه وهي تشرح لي

لا مب شرح تاجره تمشي بضاعتها

بس فعلاً حسيتها تتكلم بصدق

حبوبه و متعاونه لأبعد الحدود

بس انا اذيتها وايييييييد لو تذبحني يحق لها

بس كانت صبوره و متفاهمه

كنت موصييتها على طلبيه معينه ورجعت المغرب غيرت الطلبيه وهي صابره علي

ما قصرت و وفرتها لي على طول مع انها ما كانت موجوده عندها بنفس الوقت

اخرتها وعطلتها لما لقيت حد يروح ياخذ الطلبيه

كل هذا وهي معاي اول بأول ...

وانا مفتشله منها

المهم انا طلبت الحلاوه و علبتين من بودرة الاثاره

وانا رايحه اخذ الطلبيه الوالده الله يخليها لي حشرتني تقول قاصين عليج بنات النت

وش بودرته هذي

المهم اول ماخذت الطلبيه امي شافت العلبه وقالت ما تستاهل وايد صغيره

انا من الفضول بطلت العلبه

والله بنات بس توني مبطلتها الا الوالده تقول شهالريحه الزينه اللي هبت علينا

و جمركت علبه لها

رجعت البيت وكلمت pRettyHend ياعمري عليها وعلى طيبتها

تطمنت ان الاغراض عجبتني وتمت تسولف حبيبتي والله ارتحت لها

وبالنهايه اتفقنا اني اكون زبونتهم الدائمه ونكون ربع

خل اقولكم شسويت بالحلاوه

عندي مناسبه بعد 10 ايام عاد ما صبرت وقلت الحين بجرب الحلاوه

بس نصيحه بنات اذا تبون تفتحون العلبه بسهوله خلوها قبل بالثلاجه كم دقيقه ..

قبل مع الحلاوه الالم كان خفيف ما يهمني

بس هالمره مافي ألم بالمره

والشعر الصغير اللي معقدني انشال من اول مره ..

ولا بقع واحمرار ولا شي

النتيجه واااااااااااااو

وربي اني فرحانه من الشغلات اللي خذتها

وفرحانه اكثر اني تعاملت مع ناس بهالطيبه والرقه و الرقي في التعامل

ربي يوفقكم دنيا و آخره
21-03-1427 هـ, 09:17 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يعطيج العافية وموفقة ومبروك عليج الأغراض
21-03-1427 هـ, 09:31 صباحاً
 
الله يعافيج و يبارك فيج حبيبتي
21-03-1427 هـ, 09:35 صباحاً
 
اقتباس مشاركة  (صبح وليل)
يعطيج العافية وموفقة ومبروك عليج الأغراض
21-03-1427 هـ, 09:39 صباحاً
 
تقطعينه بالعافية ياقلبي

وعساج دووووم مبسوطه والف شكر لج وللاخت الغالية pRettyHend
21-03-1427 هـ, 09:46 صباحاً
 


الساعة الآن 02:10 .