Analysis Services
السلام عليكم .... أولا حبيت أبشركم اني استخدمت برنامج مباشر برو للتداول عن طريق النت ... وما شاء الله عليهم لأنني توني ماعرف شلون أدخل أذيتهم في الشركه من كثر ما أتصل بس مايلحق يرن التلفون الا وردوا عليه وبالهم طويييييييييييييييييييل حتى أنقعهم ع الخط وبعد يتريون .... البرنامج رووووعه حلووووو وممتع .... وسهل وااااااايد .... واللي أعرفه أنه الاسعار توصل أسرع حتى من شاشة التداول في السوق .... تنفيذ الأوامر سريع وسهل ... يعني باختصار استانست ع البرنامج ... بس فيه ناس نصحوني ومن بينهم أخوي اني في البدايه أركز ع المضاربه بالاسهم الصغيره ... اللي تبا أي مساعده أو استفسار آنا حاضره .... وربي يكتب اللي فيه الخير ...
21-03-1427 هـ, 06:54 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اختي ياليت انا ابغي حد يفهمني ويساعدني شوي
21-03-1427 هـ, 10:40 مساءً
 
عشان طلب وحده من الأخوات .... بحط السالفه كلها ... واللي تبي اي مساعده تخبرني ....
.... في البدايه ماكنت أحب شي اسمه أسهم ولا أحب طاريها يمكن ليش اني ماكنت أفهم فيها ولاعطيت نفسي المجال اني أفهم .... بس اللي كنت أسويه انه لي صار اكتتاب أبويه اييبلي أوراق الاكتتاب وأوقع عليهم وحتى ما أدفع شي اهو يدفع من عنده ( الأخت ماتشتغل وتاخذ مصروفها من أهلها الله المستعان ) .... المهم في يوم دق عليه شخص كنت مشتركه معاهم في تنظيم معرض واهو كان مسؤولي قالي تعرفين حد عنده أسهم للبيع في البدايه استسخفت موضوعه بس قلتله ماعليه بدورلك بالذات أنه بنت خالي تشتغل بروكر في بنك الاتحاد بسوق بوظبي للأوراق الماليه .... سألتها قالتلي جم بتطلع عمولتنا من الصفقه قلتلها ليش فيه عموله قالت اي طبعا هني تشجعت وقلت أجرب ليش لا ... ومن ساعتها صار طاري الأسهم عندي مثل الادمان ...
دخلت في صفقات كوسيط طبعا منها الفاشل ومنها الناجح وتعرفت على ناس واااايد يشتغلون في هالمجال لين لاعت جبدي لأنه أغلبهم ماعندهم أي مصداقيه في الشغل ....
المهم اني استفدت مبلغ صغير شوي بس ممكن أمشي فيه حالي وقلت ليش يابنت ماتدخلين عالم الأسهم بروحج ... وفعلا خذيت هالمبلغ وكان بالضبط 40 ألف درهم وقلت حق الوالد وأخوي اني بدخل فيهم الأسهم ... وهني كانت المفاجأه انه ابويه فديت روحه كان يكتتب بأسامينا ويدفع من عنده عشانا ... أخويه قالي بشتري الأسهم اللي عندج وافقت طبعا وبعتله وزادني ابويه من عنده لين صار عندي 100 ألف درهم ... خليتهم في البنك عشان أفكر وأسأل عند أي وسيط أحطهم وبنت خالي مدحتلي مصرف بوظبي الاسلامي ( اهي حاطه حسابها عنده ) .....
ودشيت منتدى الأوراق الماليه وصرت أسأل وأقرا عن الوسطاء اللي تعاملهم زين مع الناس لأنني قبل اتصلت مليون مره الإمارات الدولي للوسطاه وكانوا يذلون الواحد لين يردون .... بس اذا بحط بيزاتي عند وسيط وبخليه هو يشتري ويبيعلي بلقي صعوبات مثل انه الأوامر تنفذ بالتلفون والا الفاكس والا أروحلهم وما أضمن انهم ما يتأخرون ... قلت ليش ما أشوف وسيط عندهم خدمة التداول من الإنترنت لقيت جولدن جيت والوسيط المباشر ... وتميت أسأل وأدور وأقارن بين الاثنين ... في النهايه تأكدت انه المباشر أحسن من جولدن جيت لأنه برنامج تنزلينه في جهازج مب موقع .... البرنامج مابيكون عليه ضغط شرات الموقع ... مشاكل سيرفرات وضغط ..... وقررت اني احط فلوسي عند الوسيط المباشر للمعاملات الماليه ...
رحتلهم في دبي مركز دبي التجاري الطابق 14 .... وقعت معاهم الأوراق وقلتلهم بحول لهم الفلوس عطوني سي دي فيه البرنامج وأوراق فيها شرح ... وقالولي مابيفعلون الاشتراك لين أحول الفلوس طبعا بعد ماحولت طرشتلهم ورقة الحواله من البنك بالفاكس وماخذوا يومين الا وهم مفعلين الاشتراك ودخلين الفلوس في الحساب ....
دقيت عليهم وعلموني شقايل أستخدم البرنامج وكانوا متعاونين ما شاء الله ويردون من أول رنه ... البرنامج سهللل وبالعربي ... يعني سهل التعامل معاه وواضح ...
طبعا مب شرط تبدين ب 100 ألف هم مايشترطون حد أدنى بس اذا كان حسابج أقل من 100 ألف ياخذون منج شهريا 200 درهم ...
واذا اشتركتي مب شرط تشترين بالفلوس كلها على طول اشتري كميه صغيره وبيعيها وشوفي جم تربحين يعني شغل مضاربه ع الاسهم الصغيره .... لا تجازفين بالاسهم الكبيره واللي يبالها وقت لين ترتفع ولازم تشاورين ناس عندهم درايه بعد ....
واذا احتجتي اي خدمه أو مساعده آنا حاضره حبيبتي ... واذا اشتركتي ممكن نتواصل وأعلمج ع البرنامج ....
21-03-1427 هـ, 11:33 مساءً
 
اقتباس مشاركة  (Doori)
اختي ياليت انا ابغي حد يفهمني ويساعدني شوي

آمري أختي اي شي تبينه آنا حاضره مايردج الا لسانج ..........
21-03-1427 هـ, 11:46 مساءً
 
ماشاء الله وفيتي وكفيتي ..نبغي بنات

من الإمارات يفيدنا في الأسهم ..الله يعطيج العافية
22-03-1427 هـ, 09:03 مساءً
 


الساعة الآن 03:51 .