السلام عليكم

بنات الله يجزاكم الجنة ويرحمك برحمة

اختي في فترة نفاس مالها الا يومين وبالغربة

وما عندها احد يساعدها


ودقت تسالني عن الشوربات المجربة والمضبوطة


والله ماعرفت شقول لها

بس وعدتها خيررررررررررررر

بنات تكفون لاتفشلوني

واكسبوا اجر هالنفاس


ابي الشوربات المجربة

وكل الانواع بس ابيها تكون مجربة وناجحة

وياليت تكون بالدجاج او اللحمة

في انتظاركم

هلا اختي .. حمدلله على سلامة اختك و مبروك ما جاكم ..

انا ما اعرف في الشوربات وايد لكن عندي طريقة شراب لإدرار لبن الام.
الطريقة: نمزج مقدار دلة من الحليب الطازج به 3 ملاعق من الحلبة وقليل من الزعفران والهيل والسكر حسب الرغبة وبعد غليانه يصب في الدلة بدون تصفية ويشرب على مدار اليوم.
و للأمانه انا ما جربتها.


وهذه الطريقة من كتاب الطبخ الميسر - لفاطمة بنت محمد
هلا حبيبتى حمدلله على سلامة أختك
شوفى اهم شى اول 15 يوم تسوى العصيدة وهى تحمسين بصلة مع قطع من اللحم لما تطلع ريحة البصل وبعدين تحطين حبة سوداء وحلبة وقطع من الفقع ( ترى فيه فقع يابس عند العطار بينفع كثير للنفاس ) وفلفلة باردة وبعدين تضعى ماء وبهارتك وخصوصا الثوم والكمون ولما يطبخ وينضج لمدة ساعة تقريبا ضعى على جنب طحين يفضل اسمر واخلطيه مع ماء وضعيه على المرق حتى يغلظ قوامه وطفيه ..بصراحة نسوى كمية تكفى حق 5ايام ونضعها بالثلاجة وكل صبح على الريق افطرى منها والساعة 8 افطرى فطورك العادى خبز بحبة السواداء والكمون لذيذ ونصيحة بعد كل وجبة انقعى منقوعة من مره- صبره- محلب - وبالنسبة لتمرة الاربعين اول 15 يوم اخلطى مع تمرتك رزنه خضراء ودارسين وفائدتها تنزل الدم أكرمك الله وتنظف الارحام وبعد 15 يوم اخلطى مع تمرتك رشاد وشوية فلفل اسود وحبة سواداء وبعد 20 يوم حطى تحاميل كل ليلة لتنظيف الارحام وافضل شى ( تحاميل البتدين ) واذا تبين اى سوال انا حاضره ....
اختي الأميره ساره

ممكن اختك تسوي شوربة العدس وهي عباره عن :

4بيالات شاي عدس
2حبة كوسة
1حبة بطاطس
1جزر
1حبة طماطم
1بصل
بهارات .. فلفل اسود . كمون . ملح

الطريقة

يغسل العدس ويسلق مع جميع ما ذكر في المقادير وبعد ما تحس انها استوت تترك لكي تبرد قليل

وتخلط في الخلاط وتوضع في قدر وتترك الى ان تغلي قليلا ثم تبهر وتملح ...

وممكن ان تترك البصل والطماط ما تسلقها مع العدس بس تفرم البصل والطماط وتحط شوية زيت

وفص ثوم وشوية بقدونس وتطبخها على النار قليلا وبعد ان تخلط المقادير المسلوقة توضع على

خليط البصل والطماط وتترك الى ان تغلي وتقدم مع الف عافيه لها .....

اسفه على الأطاله واتنمى انك فهمتي علي ...
ماقصرتوا يابنات

بس بقيت اسال شنو رزنة خضراء؟


الساعة الآن 02:01 .