هلا ..

انا برغم اني ما شريت الاسفنجه من الاخت شقراوية .. شريتها من القرية العالمية عندنا .. لكن و الله انها روعه .. و انا في القرية الريال اللي يبيع يركض وراي و يقول "الاسفنجه العجيبه ، الاسفنجه العجيبه" و انا مطنشتنه على الآخر .. و في خاطري اقول حركاتكم هاي ما تمشي علي (مسويه نفسي انسانه خطيرة و فاهمه و ما انخدع بسهوله ) خخخخ

بس قبل لا ابتعد قال جمله استوقفتني .. "بالله ما عندك شنط جلد فاتح و لونهم صار اسود من العبايه"!!! ما وعيت الا و انا ادور على نفسي دوووووورة كامله .. انطلاق .. (حشا غرندايزر) و سرت صوبه .. طبعا سوا لي العرض مالها و عجبتني .. رحت البيت و ما استعملتها خخخخخ

من كم يوم اختي توها شاريه كرسي جلد ابيضضضضض ناصع لمكتبة الكمبيوتر .. قام ولدها الصغير اللي ايده كلها كانت متوسخه حبر و قعد على الكرسي و لعب به و دار فيه .. إلا و اصابع ايده مطبوعه و الكرسي صار عليه حبر ازرق .. اختي قعدت تلطم .. و فجأة .. طلعت لمبة فوق راسي .. و لمعت عيني (مثل جماعة الكارتون) جان اوقف و ادق صدري و اقول لها "ما إلك إلا ريموه" .. و جبت لها الاسفنجه العجيبة و كانت اول تجربة .. و الله ان الجلد رد مثل ما كان .. هالاسفنجه انقذت كرسي اختي و بيضت لي ويهي جدام اهلي .. جان تاخذ امي منها (كنت شارية مجموعه).. و اصبحت بطلة البيت هذاك اليوم .. امشي رافعه راسي و نافخه صدري و يا ارض انهدي ما عليكي أدي ..

انا ما جد تعاملت مع الاخت شقراوية .. بس و الله من البنات اللي على المنتدى اللي حبيتهم لله في الله .. احب اشوف مشاركاتها و احس انها انسانه ممتازة ..

ان شاء الله تجربتي مع الاسفنجه العجيبة تشجعكم انكم تطلبونها من اختنا شقراوية ..
مباركين وبالتوفيق للجميع
فعلا الاسفنجه عجييييييييييييييييييييييييييييبه وللجلد يعد
انا كنت شاريه مثلها في المعرض

صج كانت عجيبه
تستاهل شقراوية كل خير الله يوفقها000000000


الساعة الآن 07:45 .