بالعكس هذا وقت الشراء والدخول بالسوق ....الاسعار نااااااازله بالمره ..ومغريه للشراء ..بس وين السيوله (..اخذتها الاسعار سابقا...)
انصحك تشترين هاليومين قبل ماترتفع الاسعار.... وحطي في بالك الربح والخساره ...بس باسوأ الاحوال لو خسرتي ما اراح تخسرين كثير لان الاسعار هالحين منخفضه جدا..
انصحك طبي واقحشي وتنقي وتخيري ...واحمدي ربك انك مادخلتي قبل ...
والله يوفقك لكل خير
اما وشلوون تتعلمين فبداية المنتدى راح يساعدك كله مواضيع وتوصيات وناس ثقه...
وفيه موضوع المتابعه يوميا يحطونه البنات اول باول ادخليه وخليك معاهم
واتمنى لك خير
25-03-1427 هـ, 10:15 مساءً
 
مطر الصباح
هلا والله
صادقه والله اني على نار ودي اشتري بس المحفظه قاعدتلي
وانا انصح اللي مادخلو بالاسهم يدخلوا الان
واللي ماعنده سيوله ولاكن عنده محفظه يدخل لو بمبلغ رمزي انشالله 100 ريال تجيب كذا سهم من الاسهم المنخفضه
صح كلامي ولا لا
25-03-1427 هـ, 10:32 مساءً
 
محفظتي لها شهرين ماانفتحت الين دحين وانا ببكي من القهر نفسي اشتري والاسهم نازله اخاف ترتفع وانا مااشتريت ادعولي يفتحولي المحفظه
26-03-1427 هـ, 12:23 صباحاً
 
انا رحت للبنك وطلبت افتح محفظة قالولي اكتتبي باي شركة تنزل للسوق والمحفظة تنفتح اتوماتيكياً فادعولي يفتحوها لي بسرعة
26-03-1427 هـ, 01:14 صباحاً
 
السوق صراحه فرصه لاتتعوض انصحك فتح محفظه يأخذ وقت ماهو قليل اذا كان عندك احد ثقه وقريب عطيه قريشاتك وهو يشتريلك في الشركه المناسبه اللي تشوفينها حسب المبلغ ممكن كذا شركه وخليها استثمار قصير الاجل في هذا الوقت انتي حاولي تتطلعين وتقرين عن كل شي في عالم الاسهم وخليك دائما متابعه للسوق وضاربي يعني توهمي واختبري نفسك لو المساله بيني وبينك صعبه لان المضاربه يبغالها قلب جامد مو زي يدي تنتفض ويدوب احصل كم قرش بعد خصم العموله - المهم نرجع لموضوعنا في هذا الوقت ايضا ياما تفتحين محفظه طبعا اذا كان توفر عندك سيوله او حتى تطلبين المبلغ سلف تفتحين المحفظه وتردينها بعدين اوا تنتظرين على قريشاتك تجيب ربح معقول وتبيعينها وبعدين تكملين المشوار -مجرد حلول حطيتها لك يمكن ماتناسبك بس قلت اسوي اللي علي واعطيك من تجاربي اهم شي عيوني ابعدي عن الحرام الي يمحي البركه وصدقيني بترتاحين والله يوفقك
26-03-1427 هـ, 02:13 صباحاً
 


الساعة الآن 09:59 .