السلام عليكم ورحمة الله وبركاته
غزيزاتي وجبة الفطور تحتار فيها الواحدة منا ماذا يمكن أن تقدم فيها تسعد أولاده وزوجها
فهلا تكرمتم ووضعتم أفكار متجددة لعمل الفطور
جزاكم كل خير .
24-03-1427 هـ, 02:13 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شوفي الفطور اهم وجبة في اليوم... وانااااااااااااااا احبة بس لين اكون في البيت.. يعني ماوراي شغل
عندك كعكة البيض.. تقطعين البصل شرائح و تكونين خالطة بيض مع فلفل وملح.. تخذين غلاية وتحطين فيه السمنه أو الزبدة وبعد ما يسخن تحطين البصل وتغلبينه شوي وتحطين عليه البيض بسرعة وتغطين المغلاة وتخلين النار هااااااااااااااااااادءة لين ما تحسين البيض الي فوق نضج .. تخذين البيض وتقلبينه في صحن التقديم .. فيكون شكله مثل الكعك والبصل يكون بني والطعم لذيييييييييييييذ

وعندك بيتزا البيض.. تخذين بصل شرائح تطبيخنة شوي مع زبد وتحطين عليه مشروم وفلفل الأخضر البارد وبقدونس وطماطم مقطع تخلطينهم وتطحين عليهم بهار وملح... وإذا حبتي تحطين شوي صلصة طماطم .. بعدين توزعينه عدل وتكسرين فوقة بيض عيون وحطي عليه شوي فلفل و ملح وتغطين المغلاة .. بس إذا حابة تقدمينه في صحن تقديم بعد ما تسوين الحمسة حطيها في بايركس وكسري البيض وحطيه داخل الفرن... وبعد مايستوي البيض بشري جبن وحطيه عليه ودخليه شوي لين يذوب الجبن..

وعندك بعد الحمص الصحيح ... تخذين بطاطاس وتقطعينه مكعبات صغار تحمرينه واثناء التحمير حطي عليه كركم وبهار وملح وإذا تحبين فلفل الأخضر الحار... ومن يستوي البطاطاس حطي عليه الحمص وخلطيه ونثري عليه شوي بقدونس مفروم ...

عندك الخبز الفرنسي ... تخذبن سندويتش شرائح + بيض مخفوق مع ملح وبهار ... تحطين السندويتش في البيض لين يتشرب البيض من كل الجهات وتغلين السندويتش وتقدرين وهو حار تحطين شريحة جبن فوقة

هذة إلى اتذكرة الحين ... إذا تذكرت شي بعدين اقولك.. وحبيت اقول معضم الأوقات اسوي الأطباق للعشاء..
24-03-1427 هـ, 02:45 مساءً
 
جزاكي الله كل خير أختي الغالية فعلاًوصفات رائعة وأفكار أروع تسلمين وجعل يد كتبت اته ما تمسها النار
24-03-1427 هـ, 03:31 مساءً
 


الساعة الآن 11:36 .