بنات شو بيكون موقفج لو خطيبج.... تعالووو

هلا وغلا بنات بقولكم سالفة ربيعتي ويا خطيبها وقالتلي أستشيركم في الموضوع عاد هالله هالله لا تفشلوني عدالها فديتكن :26:

الموووووووووهيم السالفه يا طويلات العمر هذا في يوم قررت هي وخطيبها (مملكين) يطلعون ويا بعض وكانو متعاودين الساعه سبع يمر عليها البنيه تجهزت ويلست تترياه ويوم صارت الساعه سته ونص دقت عليه جان يرد ويقول أنا ويا الوالده بخلص وبييج عطيني بس ساعه (على فكره ربيعتي أبوها ما يخليها تتأخر أكثر عن الساعه عشر وهو يعرف هالشي) عاد البنيه قعدت تتريا لين صارت الساعه عشر إلا ربع قام يدق عليها وهي طنشته قام طرشلها مسج يعتذر ويقول إنهم كانوا في المشفى عاد هي دقت على عمتها وتطمنت عليها وهو يوم طرش المسج طرشتله مسج وقالتله كان المفروض من البدايه تقول ولا تترياني أنا اللي اتصل (هي مسكينه حازز بخاطرها تقول أحس إني طلعت مثل الملقوفه تبي تطلع ويا خطيبها وهو ماهمه هالشي أو حتى فكر يدق علي ويعتذر ويقول بنأجل الموعد) وهي قالت لو هو اتصل حتى قبل الموعد بخمس دقايق ما عليه بس بهالطريقه يبين إنه أبد موبمهتم الموووووووهيم يوم طرشتله المسج عاد هو ما رد دق عليها مره ثانيه غير بعد 3 أيام قامت ردت عليه وقعد يتكلم وما ياب طاري السالفه أبد وهي بعد ما حبت تفتح الموضوع مره ثانيه وتكلمت عادي

الحين يا بنات بعد ما قريتو سالفتها هي تسأل إنه هالمشكله اللي صارت كان معاها حق والا لا ؟؟ لأنها يوم سألتني قلتلها الصراحه الحق وياج لأني أحس ما عطاها قيمه :( وانتم شو رايكم ؟؟؟