السلام عليكم

بنات ابي اعرف شلون اسوي الحسوو اللي فيه حبوب الرشاد والبيض

وشلون اسوي العصيده مع البيض


بلييييييييززززز بنات محتاجة مساعدتكم..... مب تطنشوني


ابيهم على الطريقة القطرية او البحرينية لاني ماعرف شنو يسمونها باقي الدول..
سبحـــان الله وبحمـــده سبحـــان ربي العظيــــم



اختي الغالية العصييدة نحن نسويها في الامارات وبعطيج طريقتها لكن أول مرة اسمع انها تتسوى مع بيض بصراحه مدري اذا تقصدين عصييدة غير المتعارف عليها عموما بعطيج طريقتنا وهي سهلة وايد وانا دايما اسويها




المقادير : 3 كوب طحين أسمر

كوب وربع سكر

ربع كوب زيت او سمنه


منكهات (نصف ملعقة هيل ناعم+ ملعقتين صغار قرفة ناعمة+ ملعقة صغيرةحبة حلوى مطحونة ناعم (شمر) + قليل من الزعفران )



الطريقة : يحمر السكر على نار هادئه حتى يذوب ويصبح لونه احمر غامق او بني خفيف وحاسبي اختي لا يحترق منج السكر لانه بيعطي طعم مر لازم يتحمر على راحته بعدين نحط عليه ماء حار تقريبا 5أكواب ماء ونضيف اليه المكنهات اللي خبرتج عنها ونخليه يغلي مع بعض الين يذوب السكر كله ثم نطفي النار ونخليه لما يبرد تماما


في هذي الأثناء تكونين محمرة الطحين الأسمر على نار هادئة الين يصيير لونه بني فاتح وتخلينه يبرد وبعدين تنخلينه زين


الحينه الطحين والسكر باردين هذي طريقتي اسويها دايما عشان ما يتكتل الطحين معاج ولا يتعبج

الحينه تصبين الطحين على الماء اللي فيه السكر وتحركين الين يذوب الطحين كله ويصيير صلصة خفيفة وبعدها ترفعينه على النار الأقل من متوسطة وتحركين باستمرار وبتلاقين الطحين صار يثقل شوي شوي خليه على نار هادية وكل شوي قلبيها وجوفي اختي اذا تبينها بها السمك او أخف من جذي لان الأغلبية تحبها خفيفة وأنا نفس الشي يعني اذا جفتيها ثقيلة شويه زيديها ماء مغلي شوي شوي لغاية ما توصل للسمك اللي تبينه وبعدين يوم تشرب الماي كله حطي عليها الزيت وخليها على نار هادية مع التقليب كل فترة 3 دقايق تقريبا نص ساعه أو ساعة الا ربع وبعدين اغرفيها بالعافيه.


اتمنى تكون طريقتي واضحة لج الغالية
مشككككككووووووورة فديتج ماقصرتي بس احنا عندنا غير يسون معاها بيض

بس بجرب طريقتج بعد..

بنات اللي تعرف شلون تسوي العصيده اللي انا اقصدها والحسووووو ترد علينا..
سبحـــان الله وبحمـــده سبحـــان ربي العظيــــم



السلام عليكم
شكلج عندج وحده والده لان هذي الاكلات تقدم في النفاس غالبا

شوفي حبيبتي العصيده يبغالها كتوف يعني برزي حالج هههههه

المقادير:
2 كوب طحين رقم واحد الي من الخباز يشفشف على النار وينخل ويترك حتى يبرد
مقدار 3 اكواب سكر توضع في القدر حتى تحمر ولمكن لا تحترق معاج تراها تصير مره
مقدار 10اكواب ماء تسكب على السكر عندما يحمر ويترك حتى يذوب السكر تماما
يضاف لقدر السكر مع الماء ملعقه من الهيل المطحون والدارسين المطحون وحبة الحلوه المطحونه
الحين نزلي الجدر من على النار
ضعي الطحين في قدر ثاني واضيفي له الماء والسكر بالتدريج مع الخلط المستمر حتى يصير عندك الخليط سائل
رفعي القدر على النار واستمري بالخلط حتى لا يتكتل معاج واضيفي مقدار من الزيت حوالي نص كوب واستمري بالتقليب ثم ضعي الرسايه على النار وتركي القدر لمدة نص ساعه على نار جدا هادئه حتى ينضج الدقيق وتثقل معاج العصيده

طريقة عمل البيض
اخلطي ا لكميه الي تبغينها من البيض حوالي 9 بيضات لهذا المقدار وضيفي عليها الملح وملعقه صغيره من الفلفل الاسود وقليل من الهيل اخلطيهم وصبيهم بالمقلاه واستمري بالخلط على المقلاه باستخدام الشوكه حتى يصير البيض مفتوت

عند التقديم صبي العصيده ورشيها بالبيض وبالهناااااوالعافيه
تستطيع تغيير حياتك كلها بتغيير طريقة تفكيرك في الأشياء .
و اذكر دائماً أن الأفكار تتحول إلى حقائق .. !

هذي طريقة الحسووو

بس مادري انتو تسوونها نفسنا او لا

http://www.hawaaworld.net/showthread.php?t=377469


انستغرام: q8crochet


الساعة الآن 06:32 .