Analysis Services
مرحبا خواتي
حبيت اتكلم عن تجربتي مع همسات الجنون وبخور الغلا

بصراحة الإخت همسات الله يوفقها مندوبة أكثر من رائعة حبوبة وسلسة بالتعامل.. وأهم شي صادقة وما عندها اللف والدوران.. أنا طلبت بخور الغلا عن طريقها وحبيت تعاملها وصرت زبونتها الدائمة .. طلبت كذا شي من عندها وحابة اتعامل معاها على طول لأني شفت فيها الصراحة والصدق وهذا الشي اللي ريحني .

اما البخور إللي خذيته من الغلا فهو روعة . أنا خذيت المكور والعود بس الريحة تفوح بالبيت كله .. والكل قاللي انه حلو ومن وين خذتيه .. انا حطيت شوية منه بس عشان اجربه بالبداية بس بصراحة الريحة وايد حلوة وتبقى مدة طويله.. وأكثر شي عجبني العود الملكي.. بصراحة أدمنت على ريحته
وزوجي قال وايد حلوة الريحة وطبعن ما دام بو العيال نطق وقال حلو خلاص بيتنا ما راح يخلا منه.

حبيت افيدكم بنات بتجربتي مع اختي همسات الجنون وبخور العزيزة الغلا.
وصدقوني ما راح تندمون.
21-04-1427 هـ, 07:18 صباحاً
 
مرحبا خواتي
حبيت اقول لكم عن تجربتي مع الأخت همسات الجنون وبخور الغلا
بصراحة وايد عجبني التعامل مع الأخت همسات لأنها إنسانه صادقة وبعيدة عن اللف والدوران. وهذا الشي خلاني اكون زبونتها واطلب منها كذا شي لأنها سلسة بالتعامل وواضحة.. وخلوقه.. وبالفعل اطلب من الله إنه يوفقها بكل شي.

أما عن تجربة البخور .. فأنا شريت من البخور المكور والعود الملكي .. وبصراحة انا حطيت شوي عشان اجربه لكن الريحة فاحت بالبيت كله .. وبصراحة كانت الريحة وايد حلوة .. وعجبني وايد العود المعطر وصرت مدمنه على ريحته .. وايد حلوة ... وأهم شي إن بو العيال نطق وقال حلو .. فأكيد ما راح استغنى عنه.

اتمنى البنات يستفيدون من تجربتي ويتشجعون .. لأنه بالفعل يستاهل .
شكرن همسات الجنون
شكرن اختي الغلا
21-04-1427 هـ, 07:31 صباحاً
 
مشكوووره غاليتي امولي على طرح تجربتج ورايج في بضاعتي والله يديم المحبه بينج وبين زوجج .................وان شاءالله ما يخلى البيت من السعاده والحب....................وربي يوفقج وين ما تكونين.......................ومثل ما قلتي الاخت همسات ونعم المندوبه ونعم الاخت والله ...............
21-04-1427 هـ, 10:28 صباحاً
 
تصدجون عاد انا توني مجربة العينات الي طرشتهم اختي همسات لي
وبصراحة ريحتهم تهبل اعجبوني كثير وعجبو اختي بعد
هذي اختي مثل الشريكة اذا جبت شي لازم تطلب مثله
لاعن جد بخور اختي الغلا مافي منه ربي يعطيها العافية ويرزقها الرزق الوافر
انا صحيح ماتعاملت وياها مباشرة لكن الاخت همسات تشكر فيها كثير وانا بعد شفت مواضيعها وشفت كيف البنات يذكرونها بكل خير
بالمنتدي مااخفي عليكم حبيتها من كل قلبي
وماانسي اختي همسات الجنون بصراحة روعه وتعاملها رائع بكل معني الكلمة تعاملنا مثل اخواتها الحقيقيات وبصراحة هي امينة بتعاملها وحريصة علي متابعة وصول الاغراض لاصحابها وتعجبني هذي الصفة فيها وايد
وصلتني عينات البخور علي طول اول ماطلبت اجربهم ماقصرت هموسة ربي يعطيها العافية
هذي المرة اخذت من البخور السائل وجربت العود المعطر والمكور من العينات الي بعثتهم الاخت همسات
السائل حلو وايد وبعد العينات الثانية اعجبتني وراح اخذ منها بالمرة الجاية باذن الله تعالي
والحين مخلصة مبخرة غرفتي والبيت كله بريحة هالبخور الحلو
نصيحة اخواتي بنات عمان لاتفوتون بخور الغلا
والسموحة منكم كاني انفعلت شوي بس ريحة البخور حلوة وخلت راسي يدور من حلاتها
هذه تجربتي بكل امانه مع بخور الغلا
شكرا حبيبتي الغلا
وشكرا حبيبتي همسات
21-04-1427 هـ, 11:47 صباحاً
 
فديتج الغاليه .............هذا من طيب اصلج انج تذكرين تجربتج ................وان شاءالله تتهنين حبيبتي.....................والله يوفقنا ياربي بان نعرض الافضل والاحلى للجميع ........................
21-04-1427 هـ, 01:03 مساءً
 


الساعة الآن 05:59 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏